Akok negar Võ Văn Thưởng  payua panuac tadhau ayuh thun birau hu rilo siam mekre abih tal mikva bhap bini tỉnh Đồng Tháp, bhap bini dom huyện taphia negar Hồng Ngự, Tân Hồng saong Ban Hồng Ngự; gah Cảnh sát Cơ động saong Chi cục Hải quan pabah mbang dunya Thường Phước. Tapa nan, Akok negar saong urang ngak praong di dom jabat, đơn vị hu alin brei baoh sang jum pataom, alin pandap ka dom baoh sang dalam sarak karja, baoh sang kan kathaot, uranaih, urang ngak hu raidiuk kan kandah saong alin pandap ka dom gah chức năng.

Pahadar 94 thun Harei padang  Đảng Cộng sản Việt Nam (3/2/1930 - 3/2/2024), Mban Thường vụ Tỉnh ủy Tiền Giang ba tabiak Sarak brei alin, pok alin Huy hiệu Ndang ka rilo urang ndang praong thun. Tui nan, tuk 3-2, dalam Ndang bộ tỉnh Tiền Giang hu 413 urang ndang praong thun hu alin Huy hiệu Ndang; dalam nan hu 3 urang hu alin Huy hiệu 75 thun umo Ndang, 2 urang hu alin Huy hiệu 70 thun umo Ndang, 12 urang hu alin Huy hiệu 65 thun umo Ndang, 17 urang ndang hu alin Huy hiệu 60 umo thun Ndang. Dom urang ndang hu alin Huy hiệu Ndang daok hu alin gam paok jien meng 7 trieu 700 ribau dong tal 18 trieu dong sa urang.

Tỉnh đoàn Dak Lak harei kabroi pambuak haong huyen Krông Buk peih ngak danak dak Xuân halan hatian - Tet anit ranam thun 2024. Danak dak hu rilo bruk ngak ndung bak makna  yau: Alin 400 paok pandap ka dam dara ngak kong, 60 paok pandap ka baoh sang sarak karja, urang hu buh prein yawa ka cách mạng; iek ruak haong brei jru menyum ka 300 mbang urang bhap bini; alin brei 20 sruh radaih  saong 28 paok jien bac ka anek saih  kan kandah; jao brei 1 pok phun jien padang mbang ngui ka dam dara  patagok kinh te; daong 1 danak dak gom truac hadah  jalan palei, 2 baoh sang anit ranam ka baoh sang kan kandah gah sang daok. Kuhria taong abih dom bruk ngak angaok nan lac labaih 700 trieu dong.

Tổng công ty Jalan pasei Việt Nam hu brei peih pabak 9 sruh radaih pui, pabak ka bruk nao mai di tuai dalam tukvak tabung glaong Tết Nguyên đán thun sak inegirai 2024. Tui nan, Jalan pasei nduac veik radaih pui TN3 nduac meng Hà Nội di harei 28/1 (lac harei 18 bilan mat); dom sruh radaih pui SE13, SE15 nduac di mblang radaih pui Vinh harei 29/1 (lac harei 19 bilan mat). Radaih  Thống Nhất, nduac meng sang ga Sài Gòn peih veik radaih pui  TN4 nduac di harei 30/1 (lac harei 20 bilan mat); dom radaih pui SE14, SE16 nduac di harei 31/1 (lac harei 21 bilan mat). Di TP. Hồ Chí Minh, Công ty CP pajeng ba jalan pasei Sài Gòn peih nduac veik 6 sruh radaih pui nduac meng Sài Gòn nao Hà Nội, Vinh, Phan Thiết saong pambuak veik toa radaih pui ngan haong labaih 7000 labik daok.

Urang pan akaok Jabat Cảnh sát Pacang khuah padam khuah -Daong duah urang gaok bala Công an tỉnh Bình Dương brei thau, meda pok meyom kapol pambuak  bruk saong gah dân phòng sumu daong 4 urang dalam sang njauk apui khuah di ban sit xã Bến Cát. Apui khuah di mong 10 meteh melam, di baoh sang 5 tal di khu pho 4, phường Mỹ Phước, ban sit Bến Cát, tỉnh Bình Dương. Hadei di nan, Kapol pambuak bruk ka 5 samar  pandar bình pan tangin padam apui, pandar dom padap yau gai jan, kìm, gai jan pabah mbang, papan cakong manuac gaok bala. Tuk apui khuah, dalam sang hu 7 urang, dalam nan 3 urang nduac tabiak hu gah langiu. Kapol pambuak bruk saong gah dân phòng daong ba hu 4 urang tabiak gah langiu salamat.

Urang dang akaok ban New York, Mỹ, Eric Adams harei kabroi hu tabiak panuac lac, mạng xã hội lac bruk kanjah jhak ka prein yava di rahra saong urang ranaih njauk hu daong khik di mangaok mang xa hoi. Ong Eric Adams brei thau lac, ban  hu ba tabiak panuac brei thau, mạng xã hội lac bruk ngak kanjak jhak tal prein yava di rahra dalam tuk prein yava, akaok sahneng di uranaih di New York daok laik trun dalam 10 thun tapa. Panuac kakei ini brei thau lac, 77% anek saih pakat 3 di New York hu buh tabiak meng 3 maong yaok harei ma-in mang xa hoi, oh gam tukvak bac taa. Dom nền tảng xã hội yau TikTok, YouTube saong Facebook daok ngak tabiak sa bruk sarau kadau ka prein yava, ngak jhak tal akaok sahaneng ngan haong dom bruk lac ngak njil saong oh siam.   

Kapal vũ trụ Nhật Bản pataok trun  ia bulan  hu siam mekre lac bruk piah dom doanh nghiep tu nhan ngak hu jeng biak bruk caong khin lac dulich angaok langik haong yaom jien biak lap. Nhật Bản  hu jeng taneh ia ka 5 “par tagok” ia bulan, nan lac bruk par hu siam mekre  di kapal bo oh ngak khat lahik hagait ka sruh kapal atau dom pandap panda mac jamraih ba tui. Dom labik  pajeng ba gah kapal vũ trụ anak tal di Nhật Bản hu tabiak panuac khan lac daok taduan tut angan nao rivang ma-in dulich  angaok langik 8 harei 7 melam,saong yaom jien lac 3 trieu Yen sa urang lac sumu 20.000 USD saong jien tui urang kaya meda lac 8 trieu Yen sa urang, sumu labaih 53.000 USD.

Sa roh duah di nyaom dom urang roh duah ilamo dunya hu khan brei thau di harei kabroi brei mboh bruk bien doi khi hau lac makna praong ba tal bruk pandiak bhang thu lagu biak trak damak di glai nhiệt đới Amazon, ngak ka dom kraong ia thu, ba tal metai di janih ikan cá heo (lac janih ikan mbuan lahik abih) saong daok ngak sarau kadau raidiuk di yaok trieu urang dalam bhum. Bruk khik ramik Amazon – labik glai nhiệt đới praong abih di dunya, hu maong lac hu makna dalam bruk patakik bruk bien doi khi hau kayua hu biak rilo sang kreih bo phun kayau di labik ini hấp thụ. Tổng thống Brazil, ong Lula da Silva, hu sanya lac palahik bruk jah tak, palai pajoa glai Amazon di thun 2030./.