Akok QH Vương Đình Huệ  saong Kapol urang jakar cuh gilau hadar phol dom bruk ngak buh rilo prein yawa di aruah Akok QH dahlau diah Nguyễn Hữu Thọ ngan haong bruk ngak cách mạng  di Đảng, taneh ia saong QH. Akok QH Vương Đình Huệ tadhau ayuh thun birau siam mekre abih tal baoh sang aruah Akok QH Nguyễn Hữu Thọ; caong khin  baoh sang patui bruk cak rok patagok, rik tame ka bruk dak padang saong khik caga palei negar, sangka, brei panuac sahaneng padang ngak dom bruk di Quoc hoi.

Pabak ka hatai caong blei pandar di rahra tuk puac thun saong Tết Nguyên đán sak inegirai thun 2024, Sở Công thương tỉnh An Giang hu ba tabiak jalan ngak tani tanat yaom kaom di darak pasa ngan haong yaom jaik 1.250 tỷ đồng; abih di nyu nan lac dom pandap panda pandar yaok harei kayua doanh nghiệp dalam taneh ia ngak tabiak, tani tanat chat luong, yaom kaom lagaih. Urak ini, dalam tỉnh hu labaih 200 đại lý, cửa hàng, labik pablei tani tanat yaom kaom di darak pasa, dalam nan hu labaih 100 quan pablei salih pandap mbang. Mayah kurang pandap mbang, dom doanh nghiệp meda payua meng dom siêu thị, cửa hàng tiện ích di bhum palei karei lac sa hệ thống piah daong ka gah pabak, duh siam ka bruk blei pandar  di rahra tuk caong.

Mban khik iek danak dak Mỹ Thuận, Mentri Jalan mbak pajeng ba khan brei thau, dalam 2 danak dak jalan peih drak samar Cần Thơ - Cà Mau brei peih ngak sumu gauk  di jalan ngan haong 167 labik pandang ngak, ba 685 mac jamraih hu 1.096 kỹ sư, urang ngak piah ramik hacih, caoh haluk, tuh cuah mbaok jalan, padang got tatua, tuh betong mố trụ, đúc dầm. Urak ini, danak dak jalan peih drak samar Cần Thơ - Cà Mau daok gaok rilo kan kandah ka bruk jao mbaok taneh, vật liệu cuah kayua cuah pabak jalan ka danak dak lac biak praong labaih 18 trieu m3. Mban khik iek  danak dak caong khin po thầu saong lien danh tacei pato bruk tui iek, peih bruk jak ba pakacah “ Xuan di labik padang ngak”, peih bruk ngak tui “3 ca, 4 kip” luac dom harei Tet thun 2024 piah ngak bruk pabak veik dom bruk ngak suai dalam thun 2023.

Tổng cục tui iek bruk langik tasik kuhria mboh lac bruk El Nino meda daok dui tal kreih thun 2024 saong tagok tal tabung glaong, meda lac thun ka 10 gam gam nhiet do di dunya tagok glaong abih saong bala meda sarau kadau jang. Tổng cục tui iek bruk langik tasik hu panuac brei caga bruk kurang ia di bhum Bắc Bộ, Tây Nguyên saong Nam Bộ dalam mateh akaok thun, di Trung Bộ dalam dom bilan 6, 7, 8. Bruk langik pandiak di bhum Nam Bộ, bhum Tây Bắc Bộ saong Trung Bộ meda mai tal aval jang saong rahtabiak rilo jang dut saong rilo thun.  

Tal jaik jala pandiak harei ini, Kong an TPHCM daok pacang labik apui khuah piah duah thau ngak brei cambaic laic baoh sang glong 3 tal dalam hẽm jalan Lê Văn Sỹ, phường 12, Quận 3. Tui khaw tin camereip, apui khuah rah tabiak tuk mong  1 page ini di baoh sang  hu 1 tal ala, 2 lầu  dalam hẻm 453 Lê Văn Sỹ, phường 12, Quận 3. Mboh apui khuah, bhap bini dalam bhum prew tagok, duah jan pabah mbang padam apui  min oh jeng. Apui khuah samar pambak praong, me-om abih baoh sang. Tui urang jaik nan, tuk apui khuah, dalam sang hu 5 urang. Patuah taong abih dom urang nan samar tabiak truh sumu, nduac tagok tal tabung blaoh yam tapa sang jaik taphia. Apui khuah palai abih rilo drap ar. Bruk ba tal apui khuah  daok hu ngak brei cambaic laic.

Kapul urang duh bruk di ứng viên Tổng thống Mỹ di Đảng Cộng hoà amuk Nikki Haley brei thau lac bahrau jak ba hu veik 1 triệu USD jien daong yaom lac hu panuac đe doạ di ong Donald Trump meda pacang veik jalan ngak chính trị di amuk. Dahlau di nan, Tổng thống Mỹ dahlau deih, ong Donald Trump hu kadha vak đe doạ dom urang rik jien tame ka bruk tranh cử di amuk Nikki Haley di mangaok mạng xã hội Truth Social. Anak bruk ini, thong doc dahlau deih di bang Nam Carolina Nikki Haley hu kadha vak ba tagok mạng xã hội X ieu urang pachreih tui patui veik brei mboh bruk njauk hatai tui amuk saong quyền rik daong ka bruk tranh cử di drei khang jang. 

Tui pathau khan di Mentri Ngoại giao saong palei salih Australia, kuhria abih tih jien mek tame meng bruk pablei salih thun 2023 Australia - Trung Quốc tagok glaong njauk meyom, jaik 10%, glong jang tanut dahlau tuk jit ruak tun 2019, lac prein khang jhuk dom  bruk pablei salih dua gah dalam thun 2024. Tui nan, kuhria ta-eng jien mek tame di Australia tapaTrung Quốc sumu 233 tỷ AUD, glong jang 15% dut saong tukvak ini thun blaoh. Tapa nan brei mboh bruk pabak glong di dua taneh ia ka kinh te saong pablei salih, gam haong bruk pambuak dua taneh ia oh padeih salih birau luac thun tapa.

Nyaom biai Liên hợp quốc ka bruk pablei salih saong cak rok patagok harei kabroi hu taong yaom bruk kliah klaoh pablei salih di tasik Biển Đỏ daok ngak kan kandah biak rilo tal kinh te di dunya. Urak ini labaih 80% pandap panda pablei salih di dunya hu pajeng ba meng jalan tasik. Taka ini daok glaong jang di jaik abih dom taneh ia daok cak rok patagok. Kayua yau nan ye, bruk pajeng ba tapa tasik lac jalan di bruk pablei salih  dunya. Dom mbang taong tame dom sruh gilai pajeng ba di mangaok tasik Biển Đỏ daok ngak patagok bruk catang tagok saong phun jien ka bruk pablei salih di mangaok dunya, ngak trak damak jang ka bruk klaih klaoh pablei salih./.