Australia saong Việt Nam bahrau njauk gauk brei peih bruk daong ka 1.000 urang ngak Việt Nam nao ngak bruk dalam gah ngak nong di Australia tui danak  PALM (lac danak dak salih ba urang ngak di Australia pak Thái Bình Dương), tui kuhria hu peih tabiak dalam thun 2024. Piah hu tame danak dak ini, lac  urang Việt Nam umo meng 21 thun tagok, hu chứng chỉ sap Anh takik di abih lac IELTS 4.0 atau samu nan, ginup prein yava, hu ilamu ngak bruk lagaih haong bruk ngak saong hu menuac pandar urang ngak di Australia pilih ruah. 

Tui kuhria meng ini tal bilan 10-2024, tỉnh Trà Vinh brei ngak saong brei tapa pathau khan roh duah bruk meda padang ngak hu jalan tapen tasik nao tapa tỉnh. Jalan hu Thủ tướng mbaoh tangin brei ngak haong yaom jien  jaik 9.200 tỷ đồng. Danak dak tui kuhria hu peih ngak di thun 2025 – 2029, ba tame pandar di thun 2030. Phaok akaok UBND tỉnh Trà Vinh Nguyễn Trung Hoàng brei thau lac tỉnh brei padang kapul ngak bruk hu dom sở, ngành pambuak tal piah pambuak bruk haong Gilang pariak patagok châu Á (ADB) caga peih ngak danak dak. 

HĐND tỉnh Bình Thuận bahrau hu sarak brei klaak 21 danak dak praong labaih 137 ha daok dalam bruk karja mek veik taneh hadei di 3 thun oh ka ngak. Dalam 21 danak dak nan, hu danak dak Sang mac điện ngin Hòa Thắng 1.2 di Cty Năng lượng Hòa Thắng njauk klaak kayua hu dalam Pathau khan di Thanh tra Rajaei. Tui Thanh tra Rajaei, po buh jien ngak Sang mac điện ngin Hòa Thắng 1.2 hu peih bruk padang ngak angaok taneh khik piah khoáng sản taneh ia, lac bruk lih mek taneh.

Harei pataom ao tah TPHCM thun ini ngan saong kadha “Dahlak anit ranam ao tah Việt Nam” hu peih tabiak di mblang bein rup patau Chủ tịch Hồ Chí Minh saong jalan nao takai Nguyễn Huệ (quận 1, TPHCM). Yam tame thun ka 10, harei pataom ba mai ka rahra saong tuai damuai dom bruk biak gheih mekre njauk caik hatai tapa dom bruk ngak ndung bak talei pambuak bruk glaong haong bhap bini yau ye: danak dak ilamu nghệ thuật ka ao tah,  đồng diễn haong ao tah, dom bruk pakacah ka ao tah… Abih di nyu lac, harei pataom daok hu danak dak alin hadiah ao tah ka urang kumei hội viên, urang kumei lac urang ngak sang kan kandah, rik daong pok meyaom ao tah dalam hatai anit ranam di bol bhap rahra.

Bộ Chỉ huy bộ đội biên phòng 3 tỉnh Sóc Trăng, Trà Vinh saong Bạc Liêu bahrau peih bruk mbaoh tangin pambuak gauk ngak dalam bruk khik caga bhum tapen negar labik jaik taphia thun 2024. Dahlau di nan, dalam thun 2023, dom gah hu mboh, cap khik, langyah 49 bruk gam tal 89 urang, dalam nan gah duas ma túy 13 bruk, duas ngak suan adat hkum karei karei 36 bruk, pambuak gauk daong dom urang gaok bala hu jak jeng 15 bruk haong 9 sruh gam haong 42 urang nao gilai. 

Rajaei Hàn Quốc daok ngak dom bruk brei padeih harak adat di jaik 9.000 bác sĩ hu mbaok tame bruk đình công. Bruk taong phạt hu ba tame hồ sơ vĩnh viễn saong ngak kan kandah tal bruk ngak harei hadei di dom bác sĩ. Urak ini tok hu labaih 560 bác sĩ mai ngak bruk veik tui panuac ieu di rajaei, dom urang karei jeng daok padeih bruk. Jaik 9.000 bác sĩ nội trú Hàn Quốc, samu 70% bác sĩ nội trú dalam taneh ia, padeih bruk meng harei 20/2, ngak brei rilo mbnag blac raih njauk klaak nao saong ba tal bruk klaih klaoh gah iek ruak kik di taneh ia ini.

Trung Quốc mede klaak thị thực ka rahra 6 taneh ia châu Âu lac Thụy Sỹ, Ireland, Hungary, Áo, Bỉ saong Lucxembourg. Puac thun 2023, Trung Quốc hu klak thi thuc ka 5 taneh ia châu Âu karei. Meng bruk rilo mbang klak thi thuc ka rilo taneh ia dalam tukvak jaik di ini, blah hộ chiếu di Trung Quốc hu tagok labik dang, saong pasiam veik biak rilo bruk dui pachreih urang negar langiu mai tal taneh ia ini ngak mbang saong ravang ma-in hadei di jit praong COVID-19.

Rilo urang ngak nong di Séc ba tui radaih katung pataom gauk biak rilo anak Jabat rajaei saong pacang veik dom jalan praong di ban ine Praha, piah ieu rajaei daong brei rilo jang. Tukvak jaik ini, urang ngak nong di châu Âu gam gam ba ba gauk trun jalan biểu tình, ieu klaak dom bruk takik brei ngak dalam jalan ngak Thỏa thuận Xanh piah langyah bruk biến đổi khí hậu saong brei pandar veik thuế hải quan ngan saong dom kaya nong meng Ukraine./.