Biar harei 6/12, di TPHCM, Ủy ban Đoàn kết Công giáo Việt Nam pakat negar peih bruk taom mbaok tadhau ayuh Noel thun 2023. Di var taom mbaok, Pho Bí thư Thành ủy TPHCM Nguyễn Hồ Hải hu payua panuac dhar phol tal UB Đoàn kết Công giáo Việt Nam hu klak rabha, daong palagaih ka UB Đoàn kết Công giáo Việt Nam TP.HCM hu rilo bruk ngak, daong ba, rik tame bruk padang ngak  saong patagok di ban raya. Abih di nyu lac rilo bruk ngak biak lagaih piah daong bhap bini kan kandah dalam jit COVID-19. Tapa nan, ong Nguyễn Hồ Hải hu payua panuac tadhau yuh salamat, haniem phol, siam mekre tal taong abih urang Công giáo, dom chuc sac  dalam UB Đoàn kết Công giáo Việt Nam tuk Noel thun 2023 saong thun birau 2024.

Urak ini dalam tỉnh Tây Ninh ramik ngak pasiam hu 631 Kapul công nghệ số rahra di ban sit pak 9 huyện, ban, ngan haong labaih 4.400 urang. Dom kapul công nghệ số rahra ini daok dak harei dak ba kein lagaih piah ka rahra langyah dom harak gar hành chính tapa nền tảng pandar di mangaok phone pan tangin. Meng nan, daong ka jalan langyah dom harak gar hành chính di rahra hu siam lagaih jang saong tani tanat tantu cambaih laih, ngak jeng bruk pachreih tui biak rilo di rahra, doanh nghiệp.

Piah ba baoh thanh long yam tabiak darak dunya, HTX thanh long Thuận Tiến, xã Hàm Liêm, huyện Hàm Thuận Bắc, tỉnh Bình Thuận pilih ruah tui jalan nao karei, ngak tabiak thanh long hacih tui tanut chuan VietGAP, GlobalGAP. Hu yau nan, HTX hu ngak tabiak dom baoh thanh long hacih, pablei tapa dom darak pasar  kan abih di Chau Au. Yaok thun, HTX blei tame labaih 300 tấn baoh thanh long tanut chuan  piah pablei tapa chau Au, Uc, My. HTX rik tame patagok jien mek tame  tani tanat ka dom urang meng 35% tagok tal 50% thun saong tagok taneh pala thanh long meng 30 ha camereip tagok labaih 70 ha. 

Dalam danak dak "Urang ngak nong Bình Phước pakacah gaukpala drak, ngak mbang – pablei salih naih joi, sa tangin haong gauk padang ngak palei pala bahrau”, vaktu 2021 – 2023 hu mboh rilo krieh camin urang nong ngak mbang – pablei salih naih joi, duah jalan ngak bahrau. Langiu di nan, kapul urang nong daok ba bruk ngak ka yaok rabau urang ngak, hu rik daong  yaok piluh tỉ đồng ka dom bruk ngak pahla, yaok piluh ribau m2 taneh saong harei ngak bruk, piah sa tangin haong gauk padang ngak palei pala bahrau saong daong ka dom urang ngak nong dalam kapul gaok kan kandah masaiy jien oh mek laba piah cak rok patagok kinh tế… rik tame bruk tani tanat an sinh xã hội di puk palei.

Sang bac phổ thông bangsa gam bac gam daok THPT Bình Phước daok pato 420 anek saih gam bac gam daok, dalam nan ralo meng lac urang bangsa takik. Tui jalan “ sang bac lac sang, nai gru cei gru lac amaik ame, ayut sahabat lac adei sa-ai”, sang bac hu ngak jeng labik pato pakai anit ranam, siam mekre ka dom anek saih. Meng hu yau nan, dom adei samar ba drei tame bruk bac megru birau saong joi jang tapa yaok ky bac. Dalam nan, anek saih bac naih, joi, xuất sắc di dom tal bac sumu 75% dalam luac 11 thun tapa, anek saih bac tamat THPT sumu 100%. Bruk pato megru di sang bac  hu ginup ilamu tuk tame sang bac cao đẳng, đại học atau sang bac bruk ngak.

Tổng thư ký Liên Hợp Quốc Antonio Guterres hu kakei Hội đồng Bảo an ka dom kanjak jhak dunya meng bruk mesuh gauk urak ini di dải Gaza. Urang brei panuac di Liên Hợp Quốc brei thau: Tổng thư ký hu payua sa harak thư ka Akaok Hội đồng Bảo an hu ba  Paka 99 di Hiến chương Liên hợp quốc. Ini lac mbang camriep, ong Antonio Guterres ngak bruk ini meng di tuk ong tagok ngak Tổng thư ký di thun 2017. Dalam harak thư, Tổng thư ký ieu dom urang dalam Hội đồng Bảo an kham marat pacang caga sa bala praong gah pahla saong ong jeng ieu sa harak brei padeih cuh piah ngak pahla hu ba tabiak.

Truyen thong karja Myanmar ba khaw tin, Gilang pariak Trung ương taneh ini oh ba tabiak yaom jien ndo jien negar langiu, bo dom gilang pariak saong đại lý  hu brei adat pablei salih ngoại tệ meda ba tabiak yaom. Ini lac bruk biak takik hu piah ngak cadu dom jalan pasang iek catang di Karja  quân sự Myanmar. Hadei di tuk bol lin tagok pan bruk, Myanmar hu bruk salih meng he thong yaom jien negar langiu trun tagok  tapa pambak tame  dom jalan khik iek hanh chính,  dalam nan hu dom quy định njuak dom kong ty  brei atah klak  pandar jien negar langiu saong brei thau dom bruk pandar jien ndo.

Gah Pato magru, Khoa học saong Ilamo LHQ (UNESCO) hu pok mayaom ragu bolero lac Inem krung Ilamo oh mboh di mata di menuac sia dunya. Urang lambaok negar Cuba di UNESCO Yahima Esquivel ndom lac, bolero oh lac sa janih ilamo bo daok lac bruk lai sarau di dom gah ilamo saong sap ndem panuac puac, di ilamo châu Âu, nhịp điệu châu Phi saong ilamo Mỹ Latin. Ragu bolero hu asal mai meng Cuba puac abap 19. Prein dui pachreih di janih ragu ini samar njom pambak tapa dom taneh ia châu Mỹ, châu Âu, châu Á, dalam nan hu Việt Nam./.