Bhum taneran kraong Cửu Long daok yuak padai bilan Đông Xuân. Dom harei jaik ini, yaom padai trun, min urang ngak nong hu laba, doanh nghiep, urang blei padai gaok kan kandah. Harei kabroi, yaom padai di rilo tỉnh bhum taneran kraong Cửu Long trun meng 200 -300 đồng sa kilo dut saong dua harei dahlau, daok meng 7.600 đồng sa kilo tal 8.500 đồng sa kilo tui pajaih padai. Tui dom doanh nghiep blei padai, yaom padai trun  kayua hamu padai yuak ralo, hu rilo padai dalam tuk nan suai pablei hu. Bilan padai Đông Xuân ini bhum taneran kraong Cuu Long ngak labaih 1,5 trieu ha, tal tukvak ini hu labaih 700 ribau ha padai hu yuak blaoh.

Bilan thu thun ini di Tây Nguyên hu kuhria mboh dahlau lac thu lagu, kurang ia biak khang, bruk caong pandar điện ka ngak nong saong điện pandar tagok glaong. Anak bruk nan, gah điện tỉnh Đắk Lắk brei peih rilo jalan ngak piah khik kajap bruk pabak điện. Urak ini phụ tải di tanut 510MW saong tagok tal tabung glaong 550MW dalam dom harei tal.. Cty Điện lực Đắk Lắk brei pasang iek gam gam saong samar langyah dom bruk quá tải jalan talei, trạm biến áp phụ tải, aptomat hạ thế… piah khik siam mekre salamat jalan điện saong samar mboh, samar langyah piah pacang bruk khut khat rah tabiak.

Pambuak tal dom danak dak dulich suai ngak, UB bhap  bini tỉnh Ninh Thuận brei thau hu peih rilo mbang ginum biai piah langyah dom kan kandah, tavak tavaiy ka doanh nghiep; tui nan ba tabiak jalan langyah catang dom danak dak ngak suan tukvak ba tabiak di Hukum Đầu Tư. Urak ini di tỉnh Ninh Thuận hu 56 danak dak dulich hu UB bhap bini tỉnh jao brei sarak buh jien tame ngak, harak chứng nhận tut angan buh jien tame ngak (daok tukvak pandar), kuhria taong abih phun jien tut ngan labaih 53.000 tỷ đồng. Dalam nan, hu 23 danak dak hu ba tame ngak bruk, 20 danak dak daok ngak saong 13 danak dak daok ngak jaik si blaoh harak gal buh jien tame ngak.

Mban tacei patao pacang caga bala meng langik tasik saong daong duah urang gaok bala tỉnh Hậu Giang brei thau, di ban Ngã Bảy bahrau rah tabiak bruk glut haluk jaleih taneh takai kraong kayua ia nduac khang. Labik glut jaleih atah 27m, mbang dalam tame labik praong abih lac 6m; lahik labaih 160m2, khat lahik jaik 340 triệu đồng. Taduan hu panuac khan, gah chức năng hu trun tal labik, pambuak haong karja pak nan, ieu pataom dân quân tự vệ, công an saong dom kapul nyaom, gam haong rahra tame ngak pasiam veik labik glut jaleih.

Pambuak tal bruk 3 anek saih kumei di Bình Phước mblung ia matai hadei di tuk sang mac thủy điện peih tathuak ia, harei kabroi, ong Lê Quang Oanh, Akok UB bhap bini huyện Bù Đốp, tỉnh Bình Phước khan lac, jaik peih njaom biai iew sang mac brei ngak salamat tuk ngak bruk. Tui ong Lê Quang Oanh, hadei di tuk bala rah tabiak, Sang mac thủy điện Cần Đơn hu harak brei thau ka jalan ngak bruk saong hu khan brei thau dahlau, sang mac jeng hu peih sap kakei dahlau gah ala. Yau nan min, kayua dom adei daok atah snag mac labaih 1,5km jalan yau nan ye meda oh mahit bruk kakei brei peih ia, oh sumu tagok ar. 

Harei 20/3 hu Liên hợp quốc mek ngak Harei Dunya Haniem phul. Hu peih ngak mbang camereip meng thun 2013, Harei Dunya Haniem phul piah ieu taong abih menuac sia paglaong hatai sahneng ka yaom glaong di haniem phul dalam raidiuk. Ngan saong kadha “Ba gauk haniem phul jang” – Harei dunya haniem phul thun ini, Liên hợp quốc ieu abih menuac sia iek praong iek glaong bruk hu pambuak haong urang karei saong jeng sa binah di bruk hagait nan praong jang, pachreih menuac sia sanya ngak tabiak rilo haniem phul saong takik hu kanjah jhak dalam tuk dunya daok rilo srau kadau saong dom bruk mesruh gauk.

Gah Khí tượng Dunya harei kabroi khan brei thau dom bruk praong ka langik tasik di baoh taneh ini njauk tagok glong di thun  blaoh, pandiak tagok glong jeng yau bruk ralai ia lkhan di dua cực. Min Tổng thư ký Liên Hợp Quốc Antonio Guterres ndom lac, jeng daok tukvak piah daong anek manuac saong baoh taneh ini, bruk nan daok pambak tame bruk urang pan akaok yaok taneh ia brei hu dom bruk ngak chip. Tui dom urang ilamu, BĐKH kayua bruk cuh nhien lieu hóa thạch, gam haong bruk El Nino ba tal khi hau dunya tagok glong di thun blaoh saong thun ini meda lac thun pandiak khang jang.

Trung Quốc daok patagok dom kham merat pacang tham nhũng tuk sa adit hadei “Lưỡng hội” nan lac dua mbang nyaom Nhân đại saong Chính hiệp pakat negar, 4 urang pan akaok pakat bộ brei padeih. UB Kiểm tra Kỷ luật Trung ương Đảng Cộng sản Trung Quốc bahrau tabiak harak brei thau, ong Lưu Dược Tiến, urang jakar ngak praong gah pacang khủng bố pakat Thứ trưởng camereip abih di Mintri Công an taneh ia ini njauk điều tra kayua medil lac ngak suan biak trak damak hadei di 4 thun tabiak truh labik ngak ini. Ong jeng lac urang ngak praong ka 13 kayua trung ương khik iek njauk brei padeih bruk dalam thun ini./.