Piah hu lagaih ka urang mbang jien bilan padeih hưu saong daong jien BHXH mbang Tet, BHXH Viet Nam hu pabak brei jien bayar jien bilan ka urang padeih hưu, daong jien BHXH bilan 1 saong bilan 2 thun 2024 ka BHXH pakat tỉnh, ban dalam negar piah bayar jien tal urang dalam mbang bayar jien bilan 1 thun 2024, dalam nan hu urang mek jien tapak atau tapa tai khoan di drei. Langiu di nan, Tổng Công ty Bưu điện Việt Nam brei peih bruk bayar jien tal sang ka urang taha takik prein yawa, daok sa drei, ruak kik, oh nao mek jien hu.

Mai ravang, tadhau ayuh Noel saong thun bharau 2024 di Tòa Tổng Giám mục Tổng Giáo phận TPHCM, Ủy viên Bộ Chính trị, Bí thư Thành ủy TPHCM Nguyễn Văn Nên brei thau hatai jia lac, Đảng bộ, karja saong bhap bini TPHCM gam haong bhap bini dom agama, dalam nan hu urang công giáo daok ba gauk tame padang ngak TPHCM dak harei dak hu siam mekre jang. Tổng Giám mục Giuse Nguyễn Năng hu payua panuac dhar phor tal dom urang pan akaok TPHCM, saong ndom lac, anak tal, urang công giáo TPHCM daok rik daong rilo jang piah ba tangin, rik prein tame padang TPHCM jeng yau padang taneh ia dak harei dak cakrok, kaya meda

Lô arieng Cà Mau saong baoh bao ốc hương ngak blaoh angan Việt mbang akaok meti hu mboh di Mỹ saong hu rilo urang takre blei. Tui muk Đoàn Thị Anh Thư – yam ndoc Kong ty co phan pablei salih saong dich vu Vua Cua, taong abih dom arieng nan hu pablei di 200 labik, darak saong sieu thi ka urang Viet saong chau Á di Mỹ. Arieng Cà Mau ngak pandap blaoh di Vua Cua lac pandap caik khan la-ar, urang brei ngak ralai ia patau, pandiak tagok meda mbang hu, tukvak pandar tal 12 bilan. Yaok kilo arieng Cà Mau ngak blaoh caik tagok kệ pandap di Mỹ hu yaom 1,3 trieu dong.

Tỉnh Hậu Giang tut angan kham merat tal thun 2030 hu 46.000ha padai chất lượng glaong. Dalam nan kham merat hu taong abih mbaok taneh ngak tui sa dalam dom jalan pala ngak khang kajap yau ye: 1 njauk 5 trun, pruh thu pablak gauk saong dom jalan ngak nong siam hu chứng nhận saong hu pabak mã số bhum pala, yaom tagok dalam chuỗi padai brah tagok 40%, dalam nan jien laba di urang ngak padai hu labaih 50%. Ini lac takai yam cambaih laih piah peih ngak danak dak “Patagok khang kajap sa triệu hec-ta bhum ngak padai chất lượng glaong saong tathuak nerak biar pambuak haong cakrok hijao bhum ĐBSCL tal thun 2030” hu Rajaei pasang iek, brei tapa blaoh.

Mikva di dom tỉnh bhum Tây Nam Bộ daok mek jien laba tame yaok rituh trieu dong meng bruk pablei baoh durian pala karei bilan brei rilo baoh. Durien hu tukvak paik baoh njauk bilan hè, yau nan min dom thun jiak di ini , rilo urang pala ba ilame ky thuat tame ngak tui jalan birau piah phun durien brei baoh karei bilan, hu tukvak brei baoh karei bilan di nyu meng 3-4 bilan piah brei baoh hu yaom glong jang di janih phun ini. Urak ini, durien hu pala di taong abih dom tỉnh, ban min pataom ralo di Tiền Giang, Bến Tre, Vĩnh Long, Đồng Tháp… ngan haong taneh praong yaok pluh ribau hecta.

Sa phán quyết ndung bak bruk salih bahrau hu Giáo hoàng Francis mbaoh tangin brei tapa, nan lac dom linh mục Công giáo meda brei phước lành ka dom yau, dom gu đồng giới. Kuhria meng di tuk hu pilih ruah pok tagok ngak di thun 2013, Giáo hoàng Francis kham merat ngak ka Giáo hội Công giáo La Mã hu 1,3 tỷ urang hu jeng siam mekre jang haong dom menuac LGBT bo oh salih học thuyết đạo đức ka bruk đồng giới.

Triều Tiên khan lac, tên lửa bo taneh ia ini cuh dahlau sa harei lac tên lửa đạn đạo liên lục địa Hwasong-18. Bruk nan rah tabiak di tuk Hàn Quốc, Mỹ saong Nhật Bản daok tame bruk peih ngak he thong klah rabha dữ liệu brei thau dahlau ka tên lửa tui tukvak peih ngak. Chủ tịch Kim Châng Ưn ndom lac, bruk cuh tên lửa birau abih nan meda brei thau cambaic laic ka bruk ngak biak khang di Triều Tiên anak bruk jhak hatai halei. Urang pan akaok Triều Tiên jeng brei thau dom bruk ngak birau piah jhul patagok gah ngak hạt nhân./.

Sa mbang megei baoh taneh khang 6,2 độ bahrau rah tabiak tuk malam blaoh (18/12) di tỉnh Cam Túc, gah Tây Bắc Trung Quốc, ngak brei takik di abih lac 111 urang matai. Sang danaok, điện, ia, jalan mbak, thông tin liên lạc saong dom cơ sở hạ tầng karei di pasak saong dom labik vil val nan khut, tayah. Hadei di bruk megei baoh taneh rah tabiak, Chủ tịch Trung Quốc Tập Cận Bình hu tabiak harak pato tacei tỉnh Cam Túc kham merat abih drei duah menuac njauk bala, iek glang prein yava ka dom menuac njauk rambus saong patrun patakik bruk matai lahik./.