Patui danak dak mbang nyaom ka 8, Quoc hoi mbang XV, page ini ginum biai bruk peih ngak ngak sarak, hukum khik iek darak pasar taneh riya saong patagok sang daok xa hoi meng thun 2015 mbiah tal thun 2023, dom urang lambaok mboh lac, bruk buh jien tame jhul yaom tagok lac bruk ba tal yaom taneh tagok glong yau tukvak tapa. Bruk nan ngak sraw kadau khau tin darak pasar piah urang sahaneng suan blaoh pambak tame ngak laba ka drei. Langiu di nan, ralo bhap bini blei sang piah cang tagok yaom pablei, bruk nan rah tabiak dak harei dak ralo saong urak ini kurang biak ralo sang pablei ka urang jien mek tame takik. Tui nan, likau lang talaih  dom cuang tavak tavaiy kandah ka harak gal, jalan peih ngak ka darak pasar taneh riya.

UBND TP.HCM birau hu harak payua dom gah ka jalan peih khik brei salamat jalan mbak dalam tukvak birau, tapa nan iew gah peih ngak langyah dom bruk ngak suan hukum jalan mbak njuak iek praong hukum, “ oh hu labik pakauk, oh daok gah langiu”, abih di nyu lac menyum alak. Peih ngak catang bruk pasang iek  bruk menyuk alak piah ngak brei salih birau siam jang, yam tal bruk jeng bhian randap, ilamo “ menyuk alak ye oh peih radaih”.

Tỉnh Bến Tre birau khan brei thau bruk pablei la-u Bến Tre tabiak negar Trung Quốc tui sarak. Urak ini, Bến Tre hu 133 bhum pala saong 14 labik papaok la-u that hu brei ma so pablei tabiak negar  Trung Quốc. Tui ong Huỳnh Tấn Đạt, Akok Cục Khik caga phun pala, bruk peih pabah mbang darak pasar Trung Quốc ka la-u that Viet Nam lac bruk lagaih. Meyah hu lagaih ye bruk pablei la-u tapa Trung Quốc  meda ba mai meng 200 -300 trieu USD dalam thun ini. Bến Tre lac tỉnh hu taneh pala la-u praong dalam negar, labaih 80.000ha. Abih di nyu, la-u xiem  hijao Bến Tre hu harak ba-ar tut angan khik nhan hieu pandap panda saong chung chi taneh ia ka chi dan dia ly.

Labik Khik iek Ilamo bangsa S’tiêng sóc Bom Bo di palei 1, xã Bình Minh, huyện Bù Đăng, tỉnh Bình Phước hu jeng labik khik ramik dom ilamo sajarah dak rai di Labik khik ramik Ilamo bangsa S’tiêng sóc Bom Bo, ba mbuan lagiah siam abih piah urang mai buh jien tame ngak mbang; ngak harak gal  likau Mentri Ilamo, Padhih saong Dulich taduan lac Labik khik ramik saong inem krung sajarah dakrai, pakhang bruk yaih khan dom ilamo siam gheih meng kan di bangsa takik pak di Labik khik ramik…

Tỉnh Đồng Nai saong Bình Thuận birau mbaoh harak pambuak bruk ngak mbang patagok yulit. Dua tinh taphia gauk, gam lac bhum kinh te praong di bhum Đông Nam bộ saong jalan mbak dak harei dak birau praong laneng lanoi. Tui nan, kein laba karei saong janih pandap yulit, sa tinh ngak yulit tasik kaoh pulao saong sa  tỉnh lac ngak yulit sinh thái, yulit palei pala, dak harei dak pachreh hu rilo tuai damuai  nao mai Đồng Nai saong Bình Thuận. Piah jhul khang bruk yulit, tukvak tapa Bình Thuận mbaoh harak ngqak brei patagok yulit haong rilo bhum palei yau: TP.HCM, Lâm Đồng, Ninh Thuận, Khánh Hoà, Bình Phước…  

Lien minh pan akaok di Nhat Ban -Japon lahik bruk ralo dalam Quoc hoi Nhat Ban, hu 215 ghe, dalam kuhria taong abih tih lac 465 ghe di Hạ viện dalam mbang palih ruah di negar harei 27/10 meng blaoh. Ini lac bruk biak jhak abih bo Lien minh pan kaok mek hu kuhria mneg thun 2009. Tapa nan ngak brei rilo urang ilamo haduh hatai meda jhul bruk chinh tri Nhat Ban tame kan kandah  dalam tuk bruk ngak kinh te  daok dang anak  rilo kan kandah gam bruk mesruh catang di Đông Á.

Daok oh ka bak 2 adit tra tal Harei palih ruah 5/11, bruk meriak gauk  Phó Tổng thống Kamala Harris saong Tổng thống dahlau diah Donald Trump daok rah tabiak having akok. Tui bruk duah thau jiak ini kayua CNN peih ngak, dua urang ung cư nan sumu gauk 47%. Bruk duah thau birau abih hu tacei tabiak  ralo cư tri brei thau urang ứng cử  bo urang pachreih tui meng akaok bruk jak ba saong tok hu 15% cư tri salih karei. Bruk nan brei mboh bruk oh karo dalam palih ruah di dom cu tri My.  

Meyao saong mayao anek klak di Anh tagok labaih 30% dalam thun ini, ba tal bruk dak harei dak kan kandah trak damak. Thun 2023, kapol nan hu daong abih tih 184.000 drei meyao, sumu labaih 500 drei yaok harei. Yau nan min, dalam 7 bilan akaok thun, tagok hu 34% dom drei meyao klak tabiak. Negar Anh hu thau lac taneh ia anit athur raong. Yau nan min, hadei jit rual COVID-19, rilo baoh sang oh daok ginup jien piah raong athur kayua abih rilo jien, ba tal urang klak meyao tabiak./.