Tong Thu ky Quoc hoi, Akok Jabat Quoc hoi Bùi Văn Cường birau mbaoh tangin tame harak payua dom jabat thong tan, harak mbao, rayo papar sap paar binguk brei thau dua sarak hu khan tapa  di Mbang nyaom ka 6, Quoc hoi mbang XV. Ka sa lac Sarak ka 108/2023 ka bruk tui iek ngan haong kadha “Bruk peih ngak dom sarak di Quoc hoi ka dom Danak dak pakat negar dak padang palei pala birau vaktu 2021-2025, patrun kathaot khang kajap vaktu 2021-2025, patagok kinh te - xa hoi bhum urang bangsa takik saong bhum ceik vaktu 2021 - 2030”. Kadua lac Sarak ka 110/2023 Mbang ka 6, Quoc hoi mbang XV.

HĐND TPHCM hu brei tapa dự thảo sarak ka bruk sangka, daong ka urang umo praong thun, uranaih matui saong dom urang gaok kan kandah di dalam ban raya. Tui nan, meng 1/1/2024 ban raya kuhria buh tabiak labaih 75,6 tỷ đồng piah  daong ka urang umo praong thun, uranaih matui saong dom urang gaok kan kandah. Dahlau di nan, dalam 2 thun tapa, Ban raya hu sangka, daong ka jaik 4.000 urang umo praong thun, uranaih matui saong dom urang gaok kan kandah kayua jit praong COVID-19. Abih tih phun jien sangka, daong ka 2 thun tapa lac jaik 48 tỷ đồng.

UB bhap bini tỉnh Bình Phước birau peih Nyaom ndem biai haong urang ngak nong ngan haong kadha “Jalan ngak, sarak saong jalan cak rok patagok bruk ngak nong tukvak urak ini”, piah daong urang ngak nong patagok bruk ngak mbang, buh jien tame bruk ngak tame dalam ka urang ngak nong hu pandar ilamu cong nghe glong, sinh thai. Di nyaom biai, Akok UB bhap bini tỉnh Bình Phước Trần Tuệ Hiền caong khin urang hoi ngak nong brei ngak dahlau, taduan, ba tame pandar ngak brei cak rok patagok bruk ngak nong cong nghe glong, sinh thai.

Tỉnh Bến Tre bahrau hu Danak dak kuac rok kraong Tiền (labik meng vàm Bình Thắng tal pabah tasik Thừa Mỹ, huyện Bình Đại) ngan haong phun jien labaih 856 tỉ đồng meda mek hu labaih 10 triệu m³ cuah. Danak dak piah langyah bruk nao mai di gilai praong nduac nao mai meng tasik Biển Đông tame kraong Tiền, pabah lamnge Giao Long saong dom labik ngak kong di tỉnh Bến Tre. Gam haong nan hu daong ngak tabiak cơ sở hạ tầng siam mekre piah dui pachreih dak harei dak rilo sruh gilai tame patok, ngak pandap, pabak dom dịch vụ hậu cần saong patok tame tuk hu ribuk…

Dua adit gilac ini, tuk tame bilan paik mek praong, rilo po bein  pala kruac di dom tỉnh Tiền Giang, Bến Tre, Vĩnh Long…njuak blei baoh kruac  ngan hoang yaom 3.000 đồng yaok kilo, atau  biar jang. Rilo urang nong brei thau, yaom kruac trun biar min oh hu thei blei. Baoh kruac daok trun yaom, durien  di Tiền Giang, Vĩnh Long gilac  hu rilo urang blei yaom 150.000 đồng sa kilo ( durien Ri6), glong 2 mbang dut saong 5 bilan dahlau. Rilo  urang nong  brei thau, puac thun  lac tuk vak brei paik baoh karei bilan yau nan ye baoh durien  takik dalam tuk rilo urang khin blei.

Thượng viện Mỹ hu brei tapa dự luật quốc phòng yaom 886 tỷ đô la. Dự luật meda daongpatagok prein khang di Mintri Quốc phòng Mỹ dalam bruk maraik gauk haong Trung Quốc saong Nga dalam vũ khí siêu thanh saong hạt nhân, peih ngak dom binah di gah pambuak bruk an ninh Ấn Độ Dương - Thái Bình Dương haong negar Anh dan saong Australia, saong hu payua yaok ratuh triệu đô la daong quân sự ka Ucraina saong Israel. Hạ viện Mỹ kuhria buh phieu ngan haong dự luật ini di harei ini (tui maong pak Mỹ).

Malaysia iew taong abih bhap bini patui bruk peih ngak dom jalan pacang caga jit COVID-19, hadei tuk taduan 13.000 urang ruak di akaok bilan 12. Urang ngak praong di Mentri Y te Malaysia kakei dahlau urang ruak meda daok tagok rilo veik kayua bruk nao mai, rivang dulich, tam gaok dalam tuk padeih le, tui nan brei mboh  bruk haduh hatai  ka dom labik iek taong ruak ngak bruk tapa prein. Piah khik caga prein yawa di dom urang mbuan njom rual glong, Mentri Y te pachreih  bhap bini  brei ngak tui panuac tacei pato di gru jru dalam bruk pandar jru pacang  virus Paxlovid.

Dom urang jakar y tế di dunya daok hu panuac cảnh báo ka bruk mbuan hu ruak pandiak tabiak darah ngak kan kandah praong dalam piluh thun anak tal. Dom urang roh duah ilamo di Gah Y tế Dunya (WHO) hu panuac lac janih ruak ini meda njom pambak tapa dom bhum phi nhiệt đới, dalam nan hu châu Âu, Bắc Mỹ saong dom bhum gah maraong châu Phi. WHO langyah lac tuk labik daok meng nan pandiak tagok jang, jamaok njom pambak ruak pandiak tabiak darah meda jhul tal dom bhum bahrau bo dahlau deih jamaok ka oh bhian daok./.