Mban Bangsa tỉnh Trà Vinh pambuak haong Mban Tuyen giao Tỉnh ủy, UB bhap bini dom huyen, ban birau peih 10 mbang Nyaom pathau khan, pato pakai hukum ka 1.600 urang lac Akok mban bhap bini puk palei, Urang hu angan je di bhum urang bangsa takik; doanh nghiep, HTX, urang jakar ngak bruk jak ba dalam bhum urang bangsa takik. Tapa dom Nyaom pathau khan nan dom urang lambaok pang dom asar kadha hu makna pambuak bruk jak ba saong sarak bangsa. Dom urang lambaok jeng hu ginum biai biak ralo ka bruk peih ngak sarak bangsa, bruk bangsa, agama, tapa nan hu pang urang langyah brei cambaic laic.

Dalam tỉnh Ninh Thuận urak ini daok jaik 7.000 sang kan kathaot lac mikva bangsa takik. Ngan haong jalan ngak lac patagok bruk samu gauk di urang likei saong kumei, bruk samu gauk di abih tih dom bhum, palei, tỉnh Ninh Thuận hu rilo kham marat jhul khang dom sarak piah patagok kein lagaih ka urang kumei. Tal urak ini, Kapul urang kumei tỉnh hu pato tacei, padang ngak labaih 100 kalup kapul pacang caga taong paoh gauk dalam sang; 242 “labik njauk jia tame di rahra” di 65 xã, phường, ban sit. Tapa dom bruk ngak, kalup kapul ini hu patagok dom yaom glaong di bruk langyah, daong ka gah adat hukum ka dom urang dalam kapul thau tantu cambaih ilamo ka hukum, jang yau ilamo di xã hội, ka baoh sang piah eng drei khik caga ka drei.

Tỉnh Bình Dương hu labaih 24.700 jakar, vien chuc. Yau nan min, meng bialn 1/2022 tal bilan 9 meng blaoh hu 1.125 urang kong chuc, vien chuc padeih bruk, klak bruk, dalam nan hu 70 urang daok ngak bruk praong, pan kaok. Dom urang kong chuc, vien chuc padeih, klak bruk gah pato megru saong gah y te meblah ralo. Tui UB bhap bini tỉnh Bình Dương, dom bruk ba tal lac kayua rilo bruk, sarak jien bilan oh pabak tui hatai caong khin di raidiuk yaok harei.

Di tỉnh Đồng Nai, jit aih traok pabui châu Phi daok rahtabiak sarau kadau, bilan 10 bahrau blaoh sruh jit aih traoh pabui châu Phi tamuh tabiak di huyện Xuân Lộc saong ba am cuh klak labaih 3 tấn pabui ralaow. Daok kuhria meng akaok thun tal urak ini, dalam tinh tamuh tabiak 7 sruh jit aih traoh pabui châu Phi, am cuh klak jaik 13 tan mateh pabui ralaow. Tui Chi cục raong glang - Thú y tỉnh, urang raong ka oh peih ngak siam jalan raong glang salamat sinh học, gam haong tuk jit ruak tamuh tabiak, rahra oh caga nao pathau khan bo eng drei langyah atau pablei pabui ruak tabiak darak pasa, nan ye bruk mbuan tamuh tabiak jit ruak dalam ban biak glaong. Đồng Nai lac bhum palei hu abih tih tapon pabui rilo abih dalam taneh ia, mayah jit ruak njom pambak tabiak rilo ye khat lahik lac biak praong.

UB bhap bini tỉnh Bến Tre birau tabiak Hukum padang ngak danak dak samar chip Danak dak pacang caga ia lih tame taneh, glut jaleih ar takik Cồn Ngoài di xã Bảo Thuận, huyện Ba Tri. Danak dak pacang caga ia lih tame taneh, glut jaleih ar tasik huyen Ba Tri hu buh jien ngan haong 210 tỷ đồng, padang ngak ar pacang meng betong atah labaih 2,3km di xã Bảo Thuận. Danak dak ini piah pacang caga ia lih tame, glut jaleih ar tasik kayua BĐKH saong ia tasik tagok, khik taneh tapen tasik, ba mbuan lagaih ka bhap bini patagok bruk ngak mbang pala drak, tani tanat suai lavik labik mbuan glut jaleih nan.

Sa bala magei baoh taneh khang 4,0 hu ngak magei baoh taneh ban Gyeongju, gah Đông Nam Hàn Quốc di dah page ini 30/11. Ini lac mbang magei baoh taneh khang ka 2 rahtabiak di kaoh pulao Triều Tiên meng akaok thun tal urak ini. Mintri Nội vụ Hàn Quốc hu patagok tanut kakei di Jabat langyah dom bala negar Hàn Quốc tagok pakat 1, tanut bier abih dalam hệ thống kakei 3 pakat. Thủ tướng negar ini pato tacei jalan dom jabat dom mban, dom gah caga ka jalan pacang caga dom bala langik tasik. Mintri Nội vụ Hàn Quốc hu pataom sa mbang nyaom biai samar drah piah taong yaom ka dom kan kandah di bala magei baoh taneh.

Jabat Bruk Khẩn cấp di ban Almaty, Kazakhstan brei mboh, 3 urang metai kayua apui khuah di page harei 30/11 (tui tukvak pak ini) di sang glong rilo tal hu salih tapa ngak sang trọ. Urang jakar daok duah thau angan je dom urang bala. Tui duah thau camereip, dom urang metai kayua mblung khi. Urang jakar daok patui duah thau ngak brei cambaic laic bala apui khuah nan.

Urang thám hiểm umo 32 thun urang Tây Ban Nha Anio Serrasolses hu jeng lac urang camriep di dunya tapa hu thác ia patao glaong 20m di Vòng Bắc cực meng gilai kayak. Piah nao tal thác ia, saai Serrasolses saong dom urang dalam kapul hu mek kanjar ndik tagok ceik ia patao blaoh nao takai 11 km piah tal ia patao, tal dom kraong ia patao, nduac tapa dom craoh, tal dom labik raai talah. Lac urang camriep di dunya ngak salah jalan nao kan kandah ini meng gilai kayak, saai Serrasolses hu pataoh angan ka thác ini lac “mbaik kanjar di Philip” yau sa panuac pahadar veik duh ka kapul thám hiểm di drei.