Kapul Kinh tế - quốc phòng 778 pambuak haong Mban jak ba Huyện ủy Bù Gia Mập, tỉnh Bình Phước bahrau peih Danak dak “Bui xuan raok tet lin- rahra” haong mikva pak puk Đắk Á, xã Bù Gia Mập. Dalam dom bruk ngak di danak dak, Kapul hu jao labaih 100 paok pandap tet ka dom sang sarak, sang kan kathaot, anek saih kan kathaot yam tagok kan kandah, yaok paok hu yaom 500 ribau dong. Xã Bù Gia Mập hu rilo meng lac bangsa takik, danak dak “bui xuan raok tet lin saong rahra” sak anek inegirai thun 2024 hu daong ka dom sang rahra mbang tet meng kan di bangsa biak haniem phul, trei sil saong bui sambai, chreih chrai.

Tukvak tapa, mBan lambaok Hội Thánh Cao đài Tây Ninh tỉnh Tiền Giang tuk halei jeng ngak tui jalan “Siam ka dunya – Mekre ka agama”, Njauk ndom tal di abih lac bruk rik tame kadung jien Kayua urang kan kathaot, daong ngak ndam matai ka urang kan kathaot, nao ravang, alin hadiah pandap ka dom giáo hữu, chức sắc, urang tui agama tuk gaok kan kandah saong kham merat ngak dom bruk daong ka bhap bini. Kuhria di tuk Tết này, mBan lambaok hu kaoh tabiak meng kadung jien nan labaih 640 triệu piah alin hadiah pandap Tết ka urang kan kathaot saong tín đồ di 30 họ Đạo dalam tỉnh.   

Dalam dom harei ini, dom palei ngak dom pandap angan je miền Tây daok kham marat caga pandap pablei ka tuai, yaom di rilo pandap jeng tagok hasit. Dom janih brah tagok meng 5.000-7.000 đồng/kg nan ye dom labik ngak tachut, rapai cam, hủ tiếu… jeng tagok tui. Rilo janih masin, rik di ban Cần Thơ jeng tagok yaom hasit kayua pandap ngak tabiak tagok khang. Min, jeng hu dom pandap oh tagok yaom. Labik papaok ahar tapei kalik hala cẩm Huỳnh Thị Trọng (phường An Thới, quận Bình Thuỷ) kuhria lac dalam bilan Tet thun ini, ngak 1.000 mbaik ahar tapei lik. Po labik brei thau lac jeng khik tamo yaom pablei yau yaok thun piah khik takai urang mai blei.

Di dalam tỉnh Bạc Liêu urak ini hu 44 kapul nyaom saong menuac urang hu buh jien ngak năng lượng ia harei pambuak haong raong hadang di mangaok taneh praong 70ha. Bruk pandar năng lượng ia harei dalam raong hadanghu ba mai kein laba yau ye caga hu điện dalam bruk ngak, trun jien  điện; takik tathuak khi sang camin. Dalam tuk biến đổi khí hậu dak harei dak khang, ngak khat lahik oh sit tal gah ngak nong, bruk pandar năng lượng ia harei dalam ngak nong daok peih tabiak jalan nao bahrau ka gah kaya ikan di bhum tanerann kraong Cửu Long.

"Harei pataom blei pandar Tết TP. Hồ Chí Minh – Darak pasa Thủ Đức online" - TikTok Tết Fest hu peih tabiak dalam dom harei tapa di labik Mblang bein takai kraong Sài Gòn. Luac tukvak peih tabiak, 50 gah pablei lẻ, doanh nghiệp, nhãn hàng, 100 urang duah jalan ngak asal kadha jeng sa tangin haong gauk mayaih khan dom janih du lich, dom siam gheih – ilamo saong anek manuac pak Thủ Đức. Labaih 2.200 video hu ba tabiak, dui pachreih hu labaih 180 triệu mbang iek di mangaok TikTok. Labaih 17.000 đơn hàng hu pablei tabiak meng 50 gian hàng, daong ka dom gah peih praong bruk pataom tuai mai blei, tagok jien mek tame.

Bol lin Hàn Quốc brei thau, Triều Tiên hu cuh dom tên lửa hành trình (oh thau cambaih janih) tabiak takai tasik gah pai, lac mbang ka 3 Triều Tiên cuh dalam tukvak oh ka tal 1 adit. Meng akaok thun tal ini, Triều Tiên bhian cuh ngak iek dom tên lửa dalam tuk Mỹ saong Hàn Quốc gam gam peih ngak dom bruk quân sự, dalam nan hu dom bruk pasram mesruh haong gauk.

Tui khau tin bahrau abih di Gah tui iek bruk magei baoh taneh Trung Quốc (CENC), mbang magei baoh taneh khang  5,7 ngak magei huyện Aheqi di tỉnh tự trị Kirgiz di Kizilsu, labik tự trị Tân Cương saong bhum tapen negar Kyrgyzstan di maong 6, 27 minit page ini (tui maong pak ini). Dahlau di nan, harei 23/1 bahrau blaoh, jaik labik nan di jalan tapen negar Trung Quốc jaik taphia Kyrgyzstan jeng rahtabiak mbang magei baoh taneh khang 7,0 do ngak takik di nyu 3 urang metai, 50 urang njauk rambuac saong labaih 12.400 urang hu ba nao daok di labik salamat.

Bangladesh bahrau hu menuac matai kayua virus Nipah ngak brei tổn thương não camereip abih dalam thun ini, tuk sa urang likei metai hadei di tuk menyum katak phun hulama that. Virus Nipah - janih virus njaom mbak tapa ia meng rup di cim thu, pabui atau menuac njaom ruak. Mintri Y tế Bangladesh hu tabiak panuac kakei rahra oh mabng baoh kayau bo cim atau cim thu mbang blaoh meneng saong oh menyum ia katak hulama that. Urak ini oh ka hu jalan taong ruak, oh ka hu vaccine pacang caga halei ka janih virus ini./.