Danak dak thun ini dui atah meng harei 21-27/1/2024. Liên đoàn Lao động TP.HCM hu alin pandap ka 5.000 đoàn viên, yaok đoàn viên 500.000 đồng, piah đoàn viên, urang ngak blei pandap di harei darak saong biyar jien tapa Ví online Zalopay. Tapa nan, piah jak ba đoàn viên công đoàn, urang ngak pachreih tuibruk jak ba “Urang Việt Nam pandar pandap Việt Nam” saong salih số di TP.HCM.          

Di ban Long Xuyên, tỉnh An Giang, biar harei kabroi, Kapul dam dara pakat negar pambuak haong Kapul dam dara tinh An Giang saong Tổng Cty CP Bia - Alak - Ia menyum Sài Gòn peih ngak danak dak “Tết daong gauk - Thun ine girai hadah hadai”, brei pandap ka dam dara urang ngak hu raidiuk kan kandah daok dalam tỉnh An Giang. Mban peih bruk hu alin hadiah 400 pok pandap Tết, yaok pok yaom 700.000 đồng lac jien mbaok 300.000 đồng saong dom pandap mang Tết ka dam dara urang ngak hu raidiuk kan kandah kayua takik bruk ngak meng hadei di jit COVID-19; tapa nan piah pambak tabiak hatai anit ranam gauk, ndung bak hatai caong ka sa thun bharau thun sak ine girai 2024 hu siam mekre, ginup meda saong tani tanat.

Di tỉnh Tiền Giang, bruk ia njom mbak dalam dom harei tal meda tagok glaong. Dom danak dak padang ngak piah pacang ia mbak, khik ia tapa daok hu peih ngak.  Di tukvak ini, ia mbak jaik 1 phần rabau daok njaom tame kraong Tiền atah di pabah kraong jaik 40 km. Rilo labik di kraong Chợ Gạo ia mbak hu tuk labaih 1,5 phần nghìn. Tỉnh Tiền Giang brei peih – kreik dom cống tapen kraong Chợ Gạo; angaok kraong Tiền di dalam huyện Gò Công Tây, Gò Công Đông, dom cống di cù lao Tân Phú Đông dalam danak dak Phú Thạnh - Phú Đông.  Daok cống Xuân Hòa saong cống Rạch Chợ (huyện Chợ Gạo) daok mek ia taba piah pabak ka bhum danak dak ia taba Gò Công.   

Labaih 300 urang bangsa takik gaok kan kandah di TP.HCM jeng hu alin pandap dalam danak dak “Tết haniem phul” kayua Ủy ban Mặt trận negar Việt Nam TP.HCM pambuak haong dom urang daong peih ngak. Ngan haong asal kadha lac “oh caik thei daok veik gah likuk”, danak dak hu jao alin pandap Tết ka dom sang mikva bangsa Lo, Cam, Khmer…, yaok paok hu yaom 1 triệu đồng, daong ka mikva hu mbang tet ginup, siam makre jang. TP.HCM daok hu labaih 1.000 urang lac mikva bangsa takik gaok kan kandah caong hu bruk sangka daong ba. Dom pandap Tết payua tal mikva di tukvak akaok thun bahrau piah daong ka urang kan kathaot uan raok Tet siam makre jang.

Melam blaoh, Công an tỉnh Bình Dương brei thau, daok cap khik 8 urang piah iek, ngak cambaih laih bruk “ngak tabiak, pablei salih ngak ja pandap mbang, dom phụ gia dalam pandap mbang”. Dalam 8 urang daok njauk Công an tỉnh Bình Dương cap khik ye Vũ Thành Công (umo 36 thun, daok di quận 12, TP.HCM) hu brei thau lac urang dang akaok, ba jalan. Di 4 labik, kapul hu duah mboh labaih 7.500 lon ia tasau tapung dom janih; 70 kadung bi-ar hu tuk lon meng kim loại; 150.000 lon ia tasau rilo angan hu angan je; 7 kadung hu tuk nhựa kadung ia tasau, gam haong jamraik, pandap panda piah ngak tabiak, pablei salih pandap ja. Tui kuhria yaom pandap panda hu pataom mek tagok tal 14,5 tỷ đồng. 

Tui kuhria, dalam thun 2024, Philippines daok lac taneh ia blei brah tame praong abih di dunya, abih tih lac 3,8 triệu tấn, lac glaong abih kuhria meng dahlau mai. Hadei di Philippines, dom taneh ia caong blei brah tame rilo lac Trung Quốc, Indonesia, Nigeria, Iraq… Bruk blei brah tame jeng meda tagok gloang di rilo taneh ia yau ye: Mỹ, Anh, Hàn Quốc, Malaysia, Cuba, Iran, Nepal… Hu thau, urak ini Philippines lac darak pasar ka 1 di brah Việt Nam. Dalam thun 2023, Việt Nam hu pablei tapa Philippines labaih 3,1 triệu tấn brah, mek jien mai hu labaih 1,7 tỷ USD.

Akaok Mintri Nội vụ Ấn Độ Amit Shah bahrau khan lac, rajaei negar ini meda padang ngak  paga pacang rah tui jalan tapen negar haong Myanmar piah khik tani tanat, siam makre bruk an ninh. Jalan paga pacang meda daong pacang cakak dom urang di cu suan adat hukum jang yau dom kol phiến quân hu vũ trang. Ấn Độ jeng pasang iek brei padeih bruk eng drei nao mai ngan haong taneh ia jaik taphia Myanmar. Jalan ngak ini brei ka rahra di cu di dua gah jalan tapen negar meda nao 16 km tame bhum taneh di gauk bo oh njauk hu thị thực. Ấn Độ saong Myanmar hu gam jalan tapen negar atah 1.643 km, dalam nan tok hu 10 km jalan tapen negar hu  paga pacang. 

Rabuk tuyết dom harei tapa ngak ka dom taneh ia châu Âu laik tame bruk klaih kloih jalan nao mai kayua jalan danơ saong langik la-an mala 0 độ C. Bhum Nam Âu, meng Tây tapa Đông, daok njauk rabuk tuyết biak khang. Di Tây Ban Nha, dom jalan nduac samar njauk kreik pabah mbang kayua tuyết laik kapal. Di gah meraong taneh ia Áo, rabuk tuyết gam hu hajan ngak ka jalan danơ saong radaih nduac srau kadau. Cảnh sát Áo brei thau, hu dom bala radaih angaok jalan min oh hu thei njauk hagait, bruk nao mai di jalan pasei jeng klaih klaoh. Di dom labik hu ngin khang labaih 100 km/h.