Mban Khik iek Danak dak Mblang kapal haok  Dunya Long Thành, mbang kapal haok Long Thành, tỉnh Đồng Nai khan lac mblang kapal haok Long Thành daok peih ngak sumu gauk 3 bruk praong nan lac sang taduan tuai; jalan haok par, jalan haok nduac,  mblang haok pataok saong jalan pambuak mblang kapal haok. Lien danh po thau ba tame 4.000 ky su, urang ngak saong jaik 2.000 mac jamraih, ndap nda piah ngak bruk. Tet Nguyen dan nasak Girai 2024, Mban khik iek Danak dak mblang kapal haok  Long Thành tacei ba po thau  ba tabiak jalan peih ngak, brei manuac ngak, mac jamraih piah ngak bruk tapa Tet; hu rilo bruk pachreih urang ngak, kuhria siam ginup raidiuk ka urang ngak. 

UBND TP Thủ Đức saong Viện Roh duah patagok TP.HCM, TikTok Việt Nam bahrau brei tabiak mbaok Kênh “Darak Thủ Đức online - Thu Duc Online Market”. Ini lac labik ba dom kaya pandap di TP Thủ Đức tagok angaok TikTok saong hu ngak gam gam, peih ngak dahlau di Tết Nguyên đán piah daong ka bhap bini pablei pandap. Abih di nyu nan lac dalam tukvak meng harei 25/1 tal harei 28/1 di mblang bein tapen kraong Sài Gòn, hu dom bruk livestream, yaih khan saong pablei dom pandap panda, dom bruk ngak tuk Tết hu mbaok di 20 hãng pablei pandap, doanh nghiệp dalam ban, sang pablei salih. 

Meng harei 11/1, gah cảnh sát jalan mbak tỉnh Sóc Trăng tabiak mbaok ngak bruk tabung glong  khik salamat jalan mbak, tani tanat xa hoi angaok dom jalan mbak dalam tuk Tet Nguyen dan nasak Girai saong dom Le hoi kaok thun birau 2024. Gah canh sat brei langyah 711 mbang ngak suan, tagok 244 mbang dut saong adit dahlau, mek veik 68 harak adat peih radaih, khik 350 radaih. Yau nan min, hadei 1 adit peih ngak, dom bala angaok jalan mbak trun jaik meteh dut saong adit dahlau.

Dalam tỉnh Hậu Giang hu jaik 6.300ha njam patam, phun mbang baoh pablei ka darak pasar Tết Nguyên đán jaik tal. Dalam nan njam patam lac labaih 2.800ha; phun mbanag baoh lac labaih 3.400ha. Taphia nan, piah pabak baoh kayau chưng Tết ka bhap bini, dom bein di tỉnh Hậu Giang meda ba tabiak pablei jaik 3.850 baoh kayau mbeik thaik. Dom janih baoh kayau chưng Tết bhian pataom di huyện Châu Thành. (VOV) 

Pasak Pachreih bruk Pablei salih saong Dau tu tinh An Giang birau brei tabiak pandap Làng bè sambo mau canah klau kraong Châu Đốc.  Danak dak Làng bè sambo mau canah klau kraong Châu Đốc peih ngak di ban sit Đa Phước, huyện An Phú haong yaom jien abih tih labaih 2 tỷ đồng. Bruk tabiak mbaok janih rivang ma-in dulich Làng bè sambo mau piah daong dom bhum, dom labik dulich, dom doanh nghiep dulich, baoh sang bhap bini di bhum daok vin taom dar palei bè canah klau kraong Chau Ndoc padang ngak  saong ba tame pandar dom bruk duh ka tuai rivang ma-in saong urang buh jien tame ngak mbang di An Giang.

Rajaei Japon brei thau, tanut cai pandar (CPI) di taneh ia ini thun 2023 tagok 3,1% duk haong thun dahlau di nan, brei mboh tanut tagok glaong di abih kuhria meng thun 1982, kayua jien blei pandap mbang tagok jang saong jien Yên trun yaom jang ngak ka pandap blei meng negar langiu tame nyu chit jang. Tanut lạm phát bahrau abih hu ba tabiak dalam tuk Rajaei Japon hu panuac ieu dom các doanh nghiệp tagok jien bilan anak bruk ginum biai bilan Xuân yaok thun di po pandar urang ngak haong LĐLĐ. 

Hạ viện Mỹ urak ini kayua đảng Dân chủ khik iek brei tapa hukum piah daong ka rajaei lien bang tal akok bilan 3 anak tal piah pacang caga bruk kareih pabah mbang meneing. Dahlau di nan, harei 16/1 meng blaoh, Thượng viện Mỹ hu brei tapa hukum, hu 77 phieu njauk hatai saong 18 phieu oh njauk hatai paih pacang rajaei kareih pabah mbang meneing, kuhria meng puac adit ini.

Cục khik ramik jru tavao di Australia mbang camereip brei adat pandar vaccine Arexvy pacang virus jalan suak yava (RSV) ka urang umo labaih 60 thun di taneh ia ini. RSV bhian hu mboh di uranaih sit min labaih 25.000 urang praong thun di Australia hu mboh lac njauk ruak ini dalam thun 2023. Jalan ba tal bruk ini lac kayua prein pacang ruak di urang praong thun trun, oh daok khang. Nan ye bruk brei pandar lac takai yam camereip pamaong tal bruk klauk vaccine ka dom urang umo meng 60 thun tagok./.