Quoc hoi mbang XV birau brei tapa Sarak ka dom bruk, dom sarak karei peih ngak dom Danak dak pakat negar  ka bruk padang ngak palei pala birau vaktu 2021 - 2025, trun kathaot khang kajap vaktu 2021-2025, patagok kinh te - xa hoi bhum urang bangsa takik saong bhum ceik vaktu 2021 - 2030. Sarak di Quoc hoi hu khan brei thau cambaic laic, HĐ bhap bini pakat tỉnh  brei palih ruah dua huyen piah peih ngak iek jalan parabha pakat. UB bhap bini  tỉnh  brei jao bruk ngak, ba tabiak bruk cambaic laic ngan haong yaok danak dak pakat negar ka huyen hu palih ruah ngak iek.

Melam blaoh, di mblang bein bến Ninh Kiều, Sở Ilamu, Thể thao saong Du lịch TP. Cần Thơ hu peih mbaok harei pataom “Daoh nhạc, Ca cổ, Tiểu phẩm Xuân” mbang ka XIV thun 2024. Harei pataom lac sa dalam dom kadha peih akaok dom bruk ilamu daoh tamia uan thun bahrau anek sak ine girai thun 2024 daok hu peih ngak dalam chreih chrai meng puk palei tal darak pasar. Mai tal harei pataom “Daoh nhạc, Ca cổ, Tiểu phẩm Xuân” thun ini, hu labaih 198 urang meng pasak ilamu - Thể thao saong Truyền hình 9 quận, huyện haong labaih 100 thí sinh tự do mai meng dom jabat, mban, ngành, kapul nyaom, dom kapul daoh tamia langiu rajaei, dom kalup kapul năng khiếu saong dom menuac urang daok dalam ban.

Piah caga pandap panda duh ka bruk blei pandar di bhap bini, Sở Công thương tỉnh An Giang, doanh nghiep, labik ngak tabiak pandap nda dalam tỉnh samar hu jalan ngak tabiak ndap nda, pablei salih, pabak ndap nda tani tanat  ka darak pasar Tet Nguyen dan 2024. Di darak pasar Mỹ Bình, ban Long Xuyên, ndap nda  hu urang blei caga meng aval dahlau. Dom janih  yau: brah, mì, menyek mbang, saradang, baoh manuk ada, ia tasau…hu pablei khik yaom tani tanat. Yaom ahar, keo urak ini daok tani tanat dut saong yaok harei; mbia, ia yamen tagok yaom hasit labaih 10 ribau đồng sa thùng; njam patam, baoh kayau tagok dua klau ribau ndong sa kilo. Tui dom urang pablei salih, bhap bini takik blei jang dut saong yaok thun, nan ye urang ka oh khin bei pandap rilo.

Dom harei jaik Tết, urang ngak nong dom bhum pala durian di tỉnh Tiền Giang bui sambai lo kayua yaom durian daok tagok khang, ba mai ka mikva jien mek tame glaong. Urak ini, durian hu urang blei salih mai blei di bein yaom meng 130.000-135.000 đồng/kg tui janih, glaong jang dua mbang tukvak ini thun blaoh. Meng yaok ha paik hu 20-25 tấn, urak ini mikva daok mek jien tame hu glaong di abih, meng 2,6 tỷ tagok. Meng baoh durian hu pablei tabiak negar langiu mbuan lagaih, raidiuk mikva dak harei dak trei sir saong padang ngak palei pala bahrau jak jeng. Pagap yau huyện Cai Lậy daok dalam bhum tui iek ia ndik gah pai hu brei panuac lac ngak hu bruk padang ngak palei pala bahrau.

Kong an tỉnh Đồng Nai birau brei thau ka bruk chap khik 5 urang pablei salih suan hukum phao patuh ralo abih kuhria meng dahlau mai dalam tỉnh. Tui nan, Kong an Ban Biên Hòa mek hu Nguyễn Tiến Khải, umo 27 thun, daok di phường Trảng Dài, TP. Biên Hòa peih radaih ôtô pajeng 54 phao bingu cuh, kuhria abih tih hu labaih 91 kg. Hadei di nan mek hu Nguyễn Văn Sang umo 50 thun, daok di TP. Thuận An, tỉnh Bình Dương peih radaih ô tô dulich pajeng 88 phao bingu patuh, kuhria abih tih 138 kilo mai jao ka Khải. Kuhria abih tih phao chap hu lac 702 kilo phao patuh, 2 sruh radaih ôtô gam haong rilo ndap nda karei. Kong an TP Biên Hòa, tỉnh Đồng Nai daok pasang iek, langyah brei cambaic laic.

Dom urang ilamu hu panuac lac menuac sia dunya daok dang anak jit praong bharau biak jhak meng bruk diuk veik di dom virus "metai blaoh" (virus zombie) mala tal ia patau vĩnh cửu. Tui nan, dom janih virus cổ đại daok gar dalam tal ia patau miat miat di Bắc Cực sa harei halei nan hu tabiak gah langiu kayua baoh taneh pandiak tagok ngak brei tal ia patau nyu ralai saong ba tal sa mbang jit ruak praong. Dom chủng vi khuẩn Methuselah, daok ieu lac virus "metai blaoh", hu dom urang roh duah phân lập, ngak ka urang mboh huac lac bruk samar drah y tế dunya bahrau meda hu patabiak. Ini lac janih jit ruak kayua chủng virus meng kan lavik, oh lac kayua sa ruak bahrau ngan saong gah khoa học. 

Labaih 1 trieu tuai tuh mai ma-in harei pataom vah ikan angaok ia khan yaok thun danei ngan di dunya Hwacheon Sancheoneo daok peih tabiak di ban sit bhum ceik Hwacheon, dalam tỉnh Gangwon di Hàn Quốc. Ini lac thun ka 15 harei pataom pachreih hu labaih 1 trieu tuai mai rivang ma-in. Yaok ribau tuai chreih chrai hu mbaok tame mek “sancheoneo” nan lac angan ikan hồi ceik diuk dalam ia taba biak hacih. Bruk nan dui pachreih menuac sia dunya tuk urang ba rup tame meda chap mek sancheoneo tuk palao gai vah tapa gilong ia khan atau chap meng tangin. Langiu di nan, tuai damuai daok hu mbaok tame ma-in dom bruk bui sambai karei karei di angaok ia khan yau pachrah angaok tuyet, ia patau saong dat blong.

Cty Điện lực Kansai, Nhật Bản harei kabroi khan lac mboh hơi ia sraiy tabiak meng jalan nding jaik mac njuk ia - toà nhà tuabin - tổ máy ka 1 di sang mac điện hạt nhân Takahama. Bruk nan hu mboh meng urang pasang iek. Hadei di tuk salih mac njuk ia, bruk sraiy tahthuak jeng oh ka pacang hu abih. Cty brei cakak trun 40% sản lượng điện meng mon 9h00 mesup harei kabroi piah pasang iek. Urak ini oh ka mboh hu phóng xạ tal labik vil val nan. Sang mac điện hạt nhân Takahama hu tame bruk ngak meng thun 1974 saong lac lò phản ứng hạt nhân lavik rai abih hu pandar di Nhật Bản./.