Bruk njauk mayai nan lac di Darak bingu xuân Tết sak inegirai lac jalan ilamo lan am bhong di tỉnh Vĩnh Long – palei ngak lan hu meng jaik 100 thun saong labik bingu bak sambo mau di ban Đà Lạt. Dom baoh sang pataom rilo manuac hu ngak biak gheih, karei, mayaih khan dom pandap panda angan je ilamo di yaok bhum palei. Abih di nyu nan lac, sân khấu praong pambuak gam haong tiểu cảnh "mangaok pabah lamnge mala gilai” hu caik angaok ribaong Tàu Hủ, jalan Bình Đông, phường 13, Quận 8 ngan haong sa màn hình Led mayaih khan ka darak bingu xuan pambuak haong parang iek tapak harei peih pakah.

Pa-ok Tứ Quý lac janih baoh kayau hu pala di bhum tapen tasik tỉnh Bến Tre. Bilan pa-ok Tết thun sak ine girai, jaik abih dom bein pa-ok Tứ Quý di huyện Thạnh Phú, Bình Đại jeng takik baoh jang dom bilan dahlau. Makna lac kayua langik oh lagaih, baoh pa-ok truh rilo, saong daok hu halak mbang ba tal takik baoh, baoh oh siam. Pa-ok Tứ Quý tamuh siam di bhum taneh cuah saong hu urang nong tapen tasik huyện Thạnh Phú saong Bình Đại, tỉnh Bến Tre pala labaih 700ha. Janih pa-ok ini brei baoh rilo bilan dalam thun saong baoh hu meng 30 tấn/ha. Pa-ok tứ quý Bến Tre nyu karei jang pa-ok tứ quý pala di dom bhum karei. Tuk tasak, pa-ok tứ quý Bến Tre hu ralow khang,  takik rak, yamen rilo saong mbak hasit, pahe.

Tỉnh Đắk Nông hu pataom prein ba dien mai bhum mikva bangsa takik, daong ka mikva hu mbuan lagaih dalam bruk ngak, patruh eik patrun kan kathaot. Tukvak tapa, Điện lực Đắk Nông hu buh jien tame danak dak pabak dien, padang ngak praong tal yaok piluh km jalan talei trung áp saong jalan talei hạ áp, rilo bilai biến áp. Tui Kuhria thun 2024, Điện lực Đắk Nông patui veik buh jien tame pabak dien ka 2 palei ka oh hu dien di xã Quảng Hòa, huyện Đắk Glong. Tal urak ini hu abih tih 71  xã di Đắk Nông hu dien negar; taong abih dom puk palei hu dien saong 99% dom baoh sang rahra hu dien piah pandar, pabak hu hatai caong pandar, ngak mbang, pablei salih di rahra dalam tỉnh.

Thun bac 2024 - 2025, tỉnh Đồng Tháp oh peih bruk pakacah pilih ruah anek saih tal 10, salih tame nan lac pasang iek pilih ruah piah trun trak damak, trun takik jien padai ka rahra. Bruk kuhria điểm pasang pilih, iek tui bruk kham merat bac ta-a dalam 4 thun bac THCS di anek saih piah pilih tame tal 10. Tukvak pilih ruah, nộp harak gar meng harei 1 - 5/6/2024. Bruk pasang iek, pilih ruah yau habar hu khan brei thau dahlau di harei 10/7/2024. Daok tanut pilih ruah, 70% dom anek saih tamat THCS dalam tỉnh hu pilih tame bac tal 10 dom sang bac THPT. Anek saih oh gam tame pilih ruah, hu bac bruk ngak atau bac danak dak bac megru gam gam di dom pasak pato pakai gam gam. 

Hadei di 10 thun kuhria meng di tuk kapul paoh chieng kumei camriep abih di tỉnh Gia Lai hu padang tagok (thun 2014), tal urak ini dalam tinh hu jaik 40 kapul paoh chien kumei ngan haong yaok rabau urang kumei Bahnar, Jrai hu mbaok tame. Bruk hu mbaok tame di urang kumei hu ba mai prein bahrau ka kong chieng, rik tame bruk khik ramik saong cak rok patagok dom yaom glaong ilamo kong chieng Tây Nguyên. Oh lac hu mbaok tame dom bruk ngak ilamo di rahra, dom kapul paoh chien kumei daok hu mbaok tame rilo bruk ilamo di tỉnh. Bruk rahtabiak di kapul paoh chieng kumei dalam dom danak dak yau ye “Kong chiêng puac adit – pang sap paoh chieng saong ba drei tame”, Festival kong chiêng Tây Nguyên di Gia Lai, Harei pataom ilamo dom bangsa dalam tỉnh… rik tame mayaih khan inem krung ilamo kong chiêng.

 Liên đoàn Công nghiệp Hàn Quốc (FKI) harei ini brei thau lac rik pataom hu 500.000 USD daong ka bruk cứu hộ megei baoh taneh di Nhật Bản. Pok jien rik pataom nan hu payua tui jalan di Hội chữ thập đỏ 2 taneh ia. Chủ tịch Liên đoàn Công nghiệp Hàn Quốc Ryu Jin jeng hu payua panuac klah rabha pandik harao tal dom urang njuak bala di mbang megei baoh taneh saong gauk gar di dom urang gaok bala. Tui yaok pataom, kuhria meng di tuk hu bruk megei baoh taneh khang 7,6 độ angaok pulao Noto saong labik jaik taphia di bhum kreh negar Nhật Bản harei 1/1 meng blaoh, dom menuac metai tagok tal 232 urang.

Rajaei Thái Lan harei kabroi kakei rahra di ban ine Bangkok njauk cuk pataik pacang mbaok N95 tuk tabiak langiu langik dalam tuk dhur klik PM 2.5 di tanut biak jhak tal prein yava. Taphia di bruk cuk pataik pacang mbaok, jabat chức năng Thái Lan jeng kakei rahra pak ban ine trun maong ngak bruk di langik langiu, abih di nyu nan lac tukvak tabung glaong. Dalam tuk hu hagait njauk tabiak jalan, njauk patakik dom bruk ngak khang; dom urang dalam rup hu ruak atau ruak jalan suak yava, yau ye patuk atau kan suak yava njauk samar drah nao tal labik y te piah pasang iek ruak. Jabat chức năng Thái Lan brei thau lac, bruk chat luong alam langik bier di ban ine Bangkok kayua tachrauk nerak meng radaih nduac di mangaok jalan saong bruk ngak kong, bruk cuh nerak tachrauk dalam bruk ngak nong...

 Jalan trượt băng praong abih di dunya lac Rideau Canal dane angan di Canada harei kabroi hu peih pabah mbang veik brei ka urang trượt băng mbang camereip hadei di 2 thun. Jalan trượt Rideau Canal atah 7,8km, nao tapa pasak Ottawa, praong nde 90 sân trượt Olympic, hu tapuk Kỷ lục Guinness lac jalan trượt praong abih di dunya di thun 2005. Ini lac labik dui pachreih dang akaok ngan saong dom menuac takre trượt băng langiu langik. Akaok thun blaoh, jalan trượt băng njauk kreik pabah mbang kayua kurang ia patau, kayua bilan brak la-an takik./.