Bruk njauk caik hatai nan lac, Hội đồng bhap bini tỉnh hu brei tapa rilo asal pataom haong gauk tui asal kadha khik tamo abih tih mblang taneh saong rahra di huyện Long Điền (2 ban sit saong 5 xã) saong huyện Đất Đỏ (2 ban sit saong 6 xã) jeng sa kapul hành chính. Ngan haong pakat xã, rami ramik 9 jabat hành chính pakat xã jeng 4 jabat. Tal thun 2030, tỉnh Bà Rịa - Vũng Tàu meda ngak salah bruk rami ramik jabat hành chính pakat huyện, pakat xã daok gilac veik.

Meng paglaong siam mekre di pandap, peih praong darak pasar pablei pandap nan ye thun ini pandap pablei tapa negar langiu di tỉnh Tiền Giang hu glaong. Dalam 10 bilan tapa, yaom jien mek hu meng pablei pandap tapa negar langiu lac jaik 4 tỷ USD, samu 102% bruk ba tabiak dalam thun saong tagok 19% duk saong tukvak ini thun blaoh. Di tukvak ini, Tiền Giang daok dalam top dang akaok di bhum taneran kraong Cửu Long gah jien mek tame meng pablei pandap tapa ngar langiu, dalam nan kaya ikan saong brah lac 2 gah mek hu yaom jien glaong di abih.

UBND tỉnh Bình Phước bahrau brei parabha labaih 129 tấn brah daong ka 1.700 anek saih di dom xã, puk palei biak kan kandah dalam tukvak ka 1 thun bac 2023 – 2024. Tỉnh Bình Phước hu jalan tapen negar gam haong Campuchia atah 260 km di dalam klau huyện lac Bù Gia Mập, Bù Đốp saong Lộc Ninh. Dalam tinh hu 15 xã bhum tapen negar, 9 xã saong 55 puk palei biak kan kandah; rahra dalam tinh hu labaih 1 triệu urang, dalam nan hu jaik 20% lac mikva bangsa takik di 41 bangsa. Yaok thun, dom anek saih di dom xa, dom puk palei biak kan kandah di Bình Phước jeng hu Mintri jien padai parabha brah daong brei.

Bilai tui iek bruk langik tasik tỉnh Hậu Giang brei thau, ia tagok gam haong ia sua meng gah angaok tuh trun saong hajan khang ba tal ia dauk dalam tỉnh. Tui kuhria mboh dahlau, kayua ia tasik Biển Đông tagok, gam haong triều cường (di harei ia bulan bak baoh bilan 9 saka ia bulan) pambuak haong ia meng gah angaok kraong Hậu tuh trun saong hajan praong, nan ye ia daok di tanut glaong saong trun suai dalam 3 harei tal. Urak ini mbaok ia glaong abih di bilai Thủy văn Phụng Hiệp, Vị Thanh jeng daok di tanut angaok báo động 3 saong ngak brei dauk rilo labik. Nan ye mBan tacei pato pacang caga bala meng langik tasik saong daong duah urang gaok bala tỉnh Hậu Giang kakei bhap bini caga pacang mbang ia dauk dalam ini, piah khik bruk ngak mbang, pala drak, abih di nyu lac khik bein phun mbang baoh saong raong pala kaya ikan.

Di xã Yang Tao, huyện Lắk, Sở Ilamo, Thể thao saong Du lịch Đắk Lắk hu peih tal pato saong pasram ngak lan meng tangin di urang Mnông di puk Dơng Bắk. Dalam 2 adit, 3 urang ngak hu pato bruk ngak ka 20 urang bac mai meng 6 puk dalam xã. Hadei di tuk bac saong pasram ngak, urang bac meda eng drei ngak tabiak yaok ratuh pandap lan, tani tanat ka chất lượng saong biak gheih makre. Tapa nan piah daong roh duah, pasiam veik, khik ramik, patagok dom yaom glaong di bruk ngak lan meng tangin di urang Mnông daok di huyện Lắk.

Nhà Trắng brei thau lac Tổng thống Mỹ Joe Biden kuhria gaok Chủ tịch Trung Quốc Tập Cận Bình gah langiu Nyaom biai pakat glaong Diễn đàn Pambuak bruk kinh tế châu Á - Thái Bình Dương (APEC) di San Francisco dalam bilan 11 ni piah ndom biai nao mai tui jalan dak padang. Ndom tal bruk taom gaok di 2 urang dang akaok 2 nền kinh tế praong abih di dunya, Nhà Trắng khan lac gah Mỹ "daok pamaong tal sa bruk ndom biai ndung bak dak padang, bruk taom gaok di 2 urang dang akaok di San Francisco di bilan 11."

Gah Y tế Dunya (WHO) khan lac sa bala ngak jhak tal prein yava di rahra jaik rahtabiak di dải Gaza tuk rahra di cư biak parilo saong dom labik ngak ia saong ia hacih njauk tayah tayac. Bruk ini ngak patagok bruk rahra di Palestin mbuan metai oh pambuak tapak tal bruk plaik pom di Israel. Kadung jien uranaih Liên hợp quốc (UNICEF) brei thau dahlau ka bruk uranaih mbuan metai kayua lahik ia, abih di nyu nan lac di anek kaman dak harei dak tagok rilo. Urak ini, dom gah ngak ia taba di Gaza tok samu meng 5% tanut yaok harei.

Mintri Y tế Campuchia bahrau tabiak panuac lac, taneh ia ini oh daok urang halei njaom COVID-19, hadei di tuk urang ruak puac abih hu siam veik. Jak jeng di Campuchia dalam bruk pasang iek jit COVID-19 pambak tame 2 kadha praong lac bruk pan akaok ba jalan njauk di Rajaei saong siam mekre di dom janih vaccine dalam bruk patrun patakik dom menuac njaom ruak saong matai. Yaom lac oh hu menuac halei njaom bahrau COVID-19, Mintri Y tế Campuchia khan lac jeng daok patui danak dak pandar vaccine ka dom kapul nyaom njauk pandar dahlau./.