Tui  Mintri Lao động, Thương binh saong Xã hội, tui kuhria urak ini, dom mbom siu daok kandaong veik hadei di mbang mesuh metak di Việt Nam lac labaih 800.000 tấn, daok rah tui dom labik di 63 tinh, ban dalam taneh ia, dalam nan pataom rilo abih di dom tinh, ban gah kreih negar, gah Tây Nguyên saong gah Đông Nam Bộ.  Meng thun 1975 tal urak ini, mbom min daok kandaong veik nyu patuh, ngak ka labaih 40.000 urang metai, 60.000 urang njauk rambuac, dalam nan dom urang gaok bala rilo meng lac urang ngak duah jien dalam sang, mikva bangsa takik saong uranaih.

mBan tacei jalan 138 TP.HCM bahrau tabiak jalan ngak pasiam saong padang labik oh hu kol duas saong tệ nạn gah ma túy di dalam ban raya. Tui nan, TP.HCM pilih ruah xã Thạnh An, xã Lý Nhơn di huyện Cần Giờ saong phường 5, phường 6 di quận 5 piah ngak pasiam, padang labik oh hu kol duas saong tệ nạn ma túy. Dalam nan, TP brei jhul khang bruk bhap bini khik caga an ninh Taneh ia, pathau khan pacang caga ma túy mangaok công nghệ số, dom blah mạng xã hội; patagok bruk ngak siam di dom urang hu angan je dalam bhap bini, piah pambuak bruk pathau khan.

Urak ini, kanja palei saong rahra bhum Đồng Tháp Mười di huyện Tân Phước, tỉnh Tiền Giang daok kham marat caga pacang njom ia mbak, khik salamat mblang taneh pala manaih praong abih di dalam taneh ia. Huyện Tân Phước, hu labaih 17.000 ha manaih dang akaok dalam taneh ia. Jaik di ini, yaom manaih trun tagok meng 8000 đồng/kg tal 10.000 đồng/kg, urang pala manaih hu jien mek tame mbaih. Jalan ba tabiak ngak di urang pan akaok huyện Tân Phước lac oh  iek lap anak bruk njom ia mbak srau kadau ini.

Thau lac bilan padai Hè Thu meda kurang ia piah pala, tỉnh Vĩnh Long hu parabha jeng 3 mbang trun pajaih ka nyu lagaih haong bruk pala ngak di yaok labik piah patrun patakik khat lahik kayua ia njom mbak. Tui Sở Ngak nong saong Patagok palei pala Vĩnh Long, dalam bilan Hè Thu, ia lac bruk praong, abih di nyu lac di dom labik hu ia mbak njom tame. Nan ye, bhap bini brei ngak njauk tui lịch trun pajaih saong pandar dom pajaih padai siam, lagaih haong pandiak, mbak.

Bier harei 3/4, di Bình Dương, 49 urang mbang ahar bánh mì, ahar bánh bao brei saoh njauk tame sang iek ruak, kayua medil lac njauk jru mek pandap mbang. Urak ini Sở Y tế tỉnh Bình Dương ieu peih bruk pasang iek, dut iek pandap mbang tui njauk adat di Mintri Y tế. Tui Mintri Y tế, dalam quý I, dalam taneh ia hu 16 mbang njauk jru mek pandap mbang, ngak ka 659 urang njuak jru mek pandap mbang, dalam nan hu 3 urang metai. Piah pacang caga njauk jru mek pandap mbang, dom bhum palei njauk peih ngak dom jalan khik kajap salamat pandap mbang, caik hatai dalam tukvak meng bilan 4 tal bilan 8.

Tui yaok pataom bahrau abih di pasak pacang caga bala meng langik tasik Đài Loan ba tabiak tuk mesup ini (4/4), mbang megei baoh taneh langiu tasik huyện Liên Hoa tal tuk ini ngak brei 9 urang matai, 1.038 urang njauk rambus, 96 menuac daok gar saong 48 urang lahik. Đài Loan hu abih tih 310 mbang megei baoh taneh saong dư chấn. Meda lac, dalam yaok 10 minit hu sa mbang dư chấn. Urak ini gah cứu hộ jeng daok kham merat ba menuac daok gar tabiak truh dom baoh sang khut jaleih.

Sa roh duah bahrau ini di Sang bac Đại học Quốc gia Singapore brei mboh, khat lahik kinh te di negar ini kayua dom prein ngak bruk di urang ngak trun pambuak tal langik pandiak bhang meda tagok jaik dua mbang tal 1,64 tỷ đôla di thun 2035 dut saong dahlau di jit praong thun 2018. Roh duah brei mboh dom bruk lahik rilo prein saong trun hatai kham marat dak glaong ye nang suat saong khat lahik kinh te dak glaong. Tui kuhria yaok harei pandiak, prein ngak bruk trun di dom urang ngak samu haong 15,5 đôla jien mek tame kuhria njauk lahik nao.

Tuyết laik kapal dalam harei 3/4 ba tal srau kadau gah jalan radaih di grauk labik gah meraong negar Thụy Điển. Yaok ratuh menuac gar rilo mon dalam radaih ô tô, dalam tuk dom jalan cao tốc praong radaih oh peih nduac hu. Gah chức năng hu panuac kakei dom urang peih radaih ô tô haong radaih pajeng pandap meyah oh hu kong radaih lagaih haong bilan barak ye jhui peih angaok jalan dalam tuk langik yau  ini. Urak ini, rilo po radaih di Thụy Điển hu salih kong radaih meng kong bilan barak tapa kong bilan pandiak ka radaih di drei./.