Di Harei Pahadar 20 thun padang tỉnh Hậu Giang saong taduan mek Huân chương Lao động hạng Nhất hu peih tabiak di melam 1/1, Akaok Negar Võ Văn Thưởng ndem lac, Hậu Giang daok dalam tukvak ameh pataom dom prein khang, siam lagaih, kayua yau nan ye tỉnh njauk pandar, patagok siam dom yaom glaong, dom prein khang piah samar drah jeng labik hadah, tỉnh patagok di bhum taneran kraong Cửu Long saong dalam taneh ia. Akaok negar jia lac, Đảng bộ saong Bhap bini tỉnh Hậu Giang daok patui jalan jumpataom gauk, kham marat mek hu dom jak jeng praong glaong jang.

Tui kuhria, tuk Tết nguyên đán thun anek sak inegirai thun 2024, dom pakat Hội Chữ thập đỏ kham merat daong brei takik di abih lac 1 triệu 200 rabau pok pandap ka urang kan kathaot, sang kan kandah haong yaom jien pandap abih tih lac 700 tỷ đồng. Hội Chữ thập đỏ Việt Nam jeng hu tacei pato, peih ngak 20 danak dak “Tết anit ranam” di 8 cụm pakacah, 200 danak dak “Tết anit ranam” pakat tỉnh, ban, tui nan, yaok tỉnh, ban peih ngak takik di abih 2 danak dak praong pakat tỉnh. Dom urang hu mbang tui lac sang kan kathaot, sang jaik si kan kathaot, sang kan kandah, sang hu menuac njaom jru mek klik kruac, urang jaoh jo, urang ruak sang kan kandah.

Thun blaoh, Sóc Trăng hu labaih 6.600 sang kan kathaot, uan rok thun bahrau 2024 dalam bui sambai, chreih chrai. Ong Lý Rotha, Akaok Mban Bangsa tỉnh Sóc Trăng brei thau lac, anak tal, sa dalam dom bruk ngak praong, nan lac tỉnh daok brei peih ngak hu siam lagaih Danak dak bruk ngak negar ka cak rok patagok kinh tế - xã hội bhum bangsa takik piah paglaong raidiuk ka mikva bangsa takik.

Urak ini hu yaok pluh sang raong ikan bè mangaok danao Dầu Tiếng daok rami ramik lồng bè, pandap ngak ikan piah panduan nao labik karei. Dahlau di nan, mangaok danao Dầu Tiếng dalam ấp Hòa Lộc, xã Minh Hòa hu jaik 100 sang raong ikan lồng bè, palao halam mek ikam. Tapa jak ba, yaok pluh sang taoh talaih pandap ngak ikan, bè ikan. Urak ini, danao daok hu 54 sang bhap bini daok diukrai, raong ikan bè. Danao Dầu Tiếng daok di gah angaok kraong Sài Gòn nao tapa 3 tỉnh Tây Ninh, Bình Dương, Bình Phước, lac danak dak praong biak hu yaom pambuak tal an ninh taneh ia. Dom thun jaik ini, bruk rahra raong ikan mangaok danao ngak brei ia nerak tachauk, ngak kan kandah tapak tal raidiuk bhap bini.

Cục Cảnh sát jalan mbak brei thau lac, dalam 3 harei padeih Tết Dương lịch (meng harei 30/12/2023 tal harei 01/01/2024), dalam taneh ia hu 155 mbang bala jalan mbak, ngak brei 56 urang metai, 131 urang njauk rambuac. Cảnh sát jalan mbak dalam negar hu pasang iek, duah mboh saong langyah jaik 25 ribau 600 urang ngak suan, hat jien labaih 58 tỷ đồng; cap khik 315 sruh radaih.

Rajaei Campuchia bahrau brei mek harei 29/12 yaok thun ngak Harei Sron mbon di taneh ia. Tui nan, taong abih dom jabat, dom mintri, dom gah di Trung ương saong tinh, ban, puk palei, kapul nyaom dunya saong labik tư nhân brei hu mbaok tame pathau khan brei rahra Campuchia thau ka yaom glaong di sron mbon, pok paglaong ilamu sron mbon, ba gauk khik ramik sron mbon, hòa bình di Campuchia.

Truyền thông Nhật Bản ba khau tin hadei di bala magei baoh taneh khang rahtabiak di harei 1/1, negar ini hu mboh tal 87 dư chấn hu tanut khang labaih 2,0. Dalam tuk nan, Jabat Kuhria mboh dahlau bruk langik tasik Nhật Bản hu patrun tanut lac hu sóng thần trun daok tanut caik hatai hadei di tuk rahtabiak dom mbang riyak camriep. Dah page harei 2/1 (tui maong pak ini), kanja pak nan brei thau lac hu 4 urang metai di tỉnh Ishikawa hadei di mbang magei baoh taneh nan. Harei 1/1, Tổng thống Mỹ Joe Biden tabiak panuac lac negar ini halain hatain pabak yaok bruk daong ka Nhật Bản hadei di tuk taneh ia Đông Bắc Á gaok bruk magei baoh taneh khang 7,6 .

Thun 2023, jaik 30.000 menuac nhập cư nao tapa tasik Manche meng bhum taneh châu Âu tapa Anh, trun jaik 36% duk haong thun dahlau. Min dom menuac tame daok suan hukum di takai tasik Đông Nam palei England dalam thun blaoh lac jaik 30 rabau urang, glaong ka 2 dalam dom harak gar yaok thun hu cik vak veik meng thun 2018. Eo tasik Manche lac sa dalam dom jalan pajeng ba di tasik jar var abih di dunya. Jalan nao tapa eo tasik Manche angaok dom sruh ghe dilai sit mbuan gaok bala, saong hu kram ghe gilai tukvak tapa ngak ngak brei rilo menuac metai, lahik./.