Piah rik daong patrun kan kathaot khang kajap, meng dom danak dak, dự án hu phun jien meng kadung jien sarak kanja saong bruk rik daong di rahra, Rajaei hu ba tabiak jalan ngak tal thun 2030 palahik abih dom sang taik tahak ka rahra. Gam haong sarak daong meng Danak dak bruk ngak negar cak rok patagok kinh tế - xã hội bhum mikva bangsa takik saong bhum ceik, Kapul pakacah gauk – pok mayaom Trung ương jeng njauk gauk ba tabiak Danak dak pakacah gauk “palahik sang taik tahak” meng urak ini tal thun 2025. Dalam nan ba tabiak bruk lac tal thun 2030, padang ngak hu 1 trieu baoh sang daok xã hội ka urang hu jien mek tame takik, urang ngak di dom labik ngak kong saong palahik dom baoh sang taik tahak ka rahra.

Dua tỉnh Bình Dương saong Ninh Thuận bahrau peih nyaom biai pambuak gauk peih bruk đầu tư di tỉnh Ninh Thuận. Dalam nyaom biai, ong Trần Quốc Nam, akaok UBND tỉnh Ninh Thuận hu panuac ieu dom doanh nghiệp di Bình Dương mai Ninh Thuận duah thau bruk ngak mbang. Gam haong nan, hu panuac sanya daong palagaih ka dom urang mai ngak mbang dalam bruk ngak harak gar hu drah samar di abih piah tame bruk ngak saong sanya yam takai nao gam haong doanh nghiệp dalam tuk ngak bruk. 

Anak bruk rahra daok suh sah tuk gah Cảnh sát jalan mbak pasang iek nồng độ cồn ye hu salih nding bluh bahrau halei oh, ong Lê Mạnh Hà, Phó jabat Tham mưu Công an ban raya Hồ Chí Minh brei thau lac: "Tui adat, yaok urang ngak suan meda pandar sa nding bluh taeng. Mayah rahra mboh Cảnh sát jalan mbak oh salih nding bluh bahrau ye ieu salih nding bluh karei”. Tui Công an TP. Hồ Chí Minh, tapa tukvak tabung glaong peih bruk pasang iek langyah nồng độ cồn, mboh lac dom bruk, dom urang metai lahik kayua bala jalan mbak hu trun biak rilo. Ini lac bruk bui sambai brei mboh rahra hu ngak njauk, ngak catang hukum salamat jalan mbak.

Dalam bilan 1/2024, Tổng Liên đoàn Lao động Việt Nam saong Liên đoàn lao động dom pakat meda peih ngak danak dak "Darak Tết Công đoàn thun 2024". Dalam danak dak, dom pakat Công đoàn meda peih ngak dom labik pablei pandap haong yaom lap, khik kajap chất lượng saong labik pablei pandap 0 đồng; alin hadiah pandap ka đoàn viên, urang ngak gaok kan kandah, dom bruk daoh tamia, me-in bui sambai brei ka đoàn viên, urang ngak, tacei jalan iek glang prein yava, brei jru ka đoàn viên, urang ngak. 

Sở Y tế Ban Cần Thơ hu ngak salah bruk blei dom pandap panda y tế, bruk brei darah hu peih ngak veik. Piah ba tangin tame haong Sang iek ruak Huyết học - Truyền máu Cần Thơ pabak darah samar drah ka 74 sang iek ruak di Bhum taneran kraong Cuu Long, dom Kapul Chữ thập đỏ dalam bhum hu peih ngak chip dom mbang mek darah. Piah pabak samar drah darah tui hatai caong, Sang iek ruak Huyết học - Truyền máu Cần Thơ daok pambuak haong Kapul Chữ thập đỏ 10 tỉnh, ban dalam Bhum taneran kraong Cửu Long, kham marat meng urak ini tal puac bilan 12, yaok harei, di dom bhum palei jeng peih bruk halain hatain alin darah.

Melam 14/12 (tui maong pak nan, Trung Quốc cuh tagok langik hu jak jeng sruh kapal haoh vũ trụ ngak iek meda pandar veik hu meng tên lửa đẩy Trường Chinh-2F meng Pasak cuh vệ tinh Tửu Tuyền di bhum gah Tây Bắc Trung Quốc. Phi thuyền ini nyu ngak bruk mangaok quỹ đạo sa tukvak dahlau di tuk mai veik labik par trun tui bruk ba tabiak. Dalam tuk ngak bruk di mangaok quỹ đạo, tàu vũ trụ nan hu duah thau dom ilamu meda pandar veik dalam dom mbang cuh tagok hadei saong dom ngak iek gah ilamu khoa học piah pabak bruk daong ilamu kỹ thuật ka bruk pandar langik tasik brei ka sron mbon, hòa bình.

Công ty Viễn thông Vondafone di Australia hu brei padeih pabak dịch vụ viễn thông 3G. Bruk ini hu makna lac dom urang halei oh salih phone pan tangin dalam 20 thun tapa, atau pandar dom baoh phone pan tangin janih klak tok pandar mạng 3G meda oh ieu phone hu, oh taduan hu mbang ieu phone, nhắn tin atau pambuak haong mạng. Rilo công ty viễn thông praong di Australia jeng khan lac dalam thun 2024 meda brei padeih dịch vụ viễn thông 3G. Mạng viễn thông 3G hu mbaok di Australia dalam 20 thun tapa. Urak ini, mạng 3G daok hu salih meng mạng 4G saong 5G.

Liên minh châu Âu (EU), sanya tái định cư jaik 61.000 urang tị nạn di dom taneh ia di UU dalam 2 thun tal. Dalam nan, jaik 31.000 menuac hu tái định cư tapa dom danak dak kayua Cao ủy Liên hợp quốc ka urang tị nạn pan akaok. Dom danak dak tái định cư di Cao ủy Liên hợp quốc ka urang tị nạn hu daong palagaih ka dom urang hu likau daong tị nạn di sa taneh ia halei nan, hu ba tal sa taneh ia karei taduan raok urang nan, brei ka urang hu bruk khik caga di dunya saong puac di abih lac brei ka urang hu mbang tui bruk lac thường trú nhân./.