Harei ini, rilo doanh nghiep tame ngak bruk veik piah caga pandap panda pabak ginup tui harak sanya hu mbaoh tangin blaoh di thun 2024. Dahlau di nan, harei 5 bingun Tet, urang ngak hu mbaok di rilo sang mac piah pasang iek abih mac moc jamraih  ngak tabiak pandap piah hu siam mekre salamat tuk peih mbaok ngak akaok thun.  Hiep hoi doanh nghiep TPHCM, Hoi Luong thuc kaya mbang TPHCM, Hoi Cơ khí - Điện...khan lac jaik abih dom urang ngak mai palei mbang Tet hu mbaok caga ka harei ngak bruk akaok thun.

Jit ruak di Việt Nam, tui pathau khan di Pasak pasang iek ruak kik di dom tinh, ban, dalam tuk Tết, dalam taneh ia oh mboh urang halei ruak Covid-19, ndaih baoh saong ruak đậu mùa khỉ. Dalam taneh ia tok hu 181 urang ruak tangin takai cambuai, oh mboh urang halei metai. Jeng dalam 7 harei padeih Tết, dom labik y tế taduan bruk iek ruak dalam taneh ia hu daong cấp cứu ka jaik 417 ribau urang, dalam nan, dom urang ruak cấp cứu saong tame sang iek ruak kayua bala jalan mbak tok 118 urang. Abih di nyu nan lac, hu labaih 600 urang nao iek ruak, cấp cứu kayua phao patuh, phao bingu, tagok 51% dut saong Tet thun blaoh.

Harei kabroi, 5 bingun Tet lac harei padeih puac abih di mbang padeih Tet, manuac urang saong radaih di grauk dom tỉnh miền Tây mai gilac veik TPHCM saong miền Đông piah ngak bruk tagok rilo. Gam haong bruk khik ka jalan nao mai hu mbuan lagaih, Kong an  TP. Cần Thơ hu caga labaih 1.500 paok pandap brei ka bhap bini, gam haong nan lac dom blah harak pathau khan piah ka bhap bini ngak njauk, ngak catang tui hukum jalan mbak. 

Tui Jabat thường trực Mban pato tacei jalan pacang caga bala langik tasik saong daong duah urang njauk bala tỉnh Hậu Giang, di ban Ngã Bảy bahrau rahtabiak bruk glut jaleih taneh di takai kraong di 2 baoh sang. Makna ba tal bruk glut jaleih lac kayua njauk kan kandah di jalan ia nduac. Tui kuhria, abih tih khat lahik lac jaik 230 triệu đồng. Yau nan, tok dalam mateh bilan tapa, di xã Đại Thành, ban Ngã Bảy hu rahtabiak 5 labik glut jalan takai kraong, atah abih tih jaik 100m, tui kuhria khat lahik jaik 560 triệu đồng.

Di tỉnh Tiền Giang, hadei di Tết Nguyên đán kayua takik pandap, dalam tuk nan dom sang mac caong hu rilo pandap tamo piah ngak hadei di Tết, nan ye ikan pra pablei hu mbuan lagaih, yaom biak glaong. Ngan saong ikan pra sit, yaom 28 rabau đồng/kg. Tui panuac khan di urang ngak ikan, bilan ikan pra tuk Tết ini biak mbuan lagaih, ikan samar praong, takik jit ruak, pandap mbang ka ikan yaom jeng tani tanat nan ye urang raong ikan pra biak chreih chrai. 

Hàn Quốc hu dak padang talei pambuak gauk haong Cuba tapa bruk ndem mayai nao mai tapa harak thu di jabat Liên hợp quốc - New York, Mỹ. Dom blah harak thu pambuak gauk hu phái đoàn di 2 taneh ia jaik taphia Liên hợp quốc jao mai haong gauk. Cuba hu tantu cambaih laih pok brei angan ka kanja Hàn Quốc di thun 1949 min jao bruk pambuak gauk di dua gah hu njauk cagar veik meng mbang Cách mạng Cuba thun 1959.

Hãng thông tấn Triều Tiên brei thau, urang pan akaok taneh ia ini lac ong Kim Jong Un hu nao pasang iek bruk ngak iek tên lửa pacang gilai bhrau di taneh ia ini. Di mbang pasang iek, urang pan akaok Triều Tiên hu panuac lac Hàn Quốc daok lih tame quyền ngak po tuk ndok padang Jalan Giới hạn gah brak jalan tapen negar angaok tasik haong Triều Tiên. Gam haong nan, hu panuac ieu bol lin caga mesruh pacang kol khamang lih tame quyền ngak po taneh ia.

Tổng thống Nga Vladimir Putin brei thau lac, dom urang roh duah ilamo negar ini tui kuhria jaik ngak salah bruk ngak tabiak vắc xin pacang caga ruak ung thư saong meda aval jang hu pabak brei ka urang ruak. Min, ong Putin oh ndem cambaih ka bruk vắc xin meda pacang caga haong janih ruak ung thu halei. Tui Gah Y tế Dunya, urak ini hu 6 janih vắc xin hu pabak pacang veik haong vi rút ngak tabiak rilo ruak ung thu, dalam nan hu gam ung thư cổ tử cung, jang yau vắc xin pacang cakak viêm gan B, meda ba tal ung thư gan.