Dah page ini, Sở Ilamo, Thể thao saong Du lịch Cần Thơ pambuak haong Sở Khau tin saong Truyền thông peih Harei pataom mbao xuan saong Bruk pakacah Ấn phẩm Xuân sak anek inegirai 2024. Harei pataom mbao xuan hu labaih 200 janih ấn phẩm Xuân sak anek inegirai dalam dom gah: Chính trị - xã hội; Kinh tế - ilamo kỹ thuật; Ilamo - nghệ thuật; Ấn phẩm Xuân brei ka ranaih; Mbao xuan di dom tinh, ban; Ấn phẩm Xuân di dom quận/huyện saong jabat, mban, gah dalam ban Cần Thơ. Gam haong nan, Harei pakacah Ấn phẩm Xuân sak anek inegirai 2024 ban Cần Thơ daok hu ba tabiak, ngak jeng bruk njauk gauk pachreih tui biak khang di hệ thống chính trị saong rahra dalam bruk padang ngak saong cak rok patagok ban Cần Thơ dalam zaman bahrau.

Tui danak dak patagok du lịch bhap bini ngak iek di xã Phước Bình, huyện Bác Ái, tỉnh Ninh Thuận vaktu 2019-2022, dom tuai mai ravang me-in dom labik du lịch sinh thái, ilamu di xã Phước Bình hu tagok biak rilo, abih di nyu lac di dom harei padeih, harei lễ. Yaok thun, Phước Bình taduan raok hu meng 5.000 – 7.000 mbang tuai mai ravang me-in, duah thau. Amuk Pi Năng Thị Cô, Phó bí thư Đảng uỷ xã Phước Bình brei thau, meng tuk hu bruk ngak du lịch, mikva di labik ini thau salih jalan sahneng dalam bruk pambuak gauk ngak mbang patagok kinh tế sang.

Dalam thun blaoh, dom pakat Kapul Pachreih bac di huyện Tân Biên, tỉnh Tây Ninh peih ngak siam dom bruk “Bilan pachreih bac”, “Adit pachreih tui bruk bac magru luac rai” saong “harei pachreih bac Việt Nam” ngan haong dom jalan ngak praong atau sit tui bruk di yaok bhum palei pambuak haong  salih số. Meng dom kadung jien kapul nyaom saong bruk daong di rahra. kapul hu jao alin labaih 4.700 paok jien bac saong pandap ka dom adei anek saih gaok kan kandah, anek saih bangsa takik; daong ka dom bruk pato pakai dalam sang bac lac jaik 8 tỷ đồng.

Dalam bilan 1 meng blaoh, dalam negar rah tabiak 2.434 mbang bala radaih angaok jalan, ngak brei 967 menuac matai saong 2.037 urang njauk rambus. Duk haong bilan dahlau, dom bala radaih angaok jalan tagok rilo jang 6,8%. Tui Cục Cảnh sát giao thông, makna ba tal bala rilo meng lac kayua urang peih radaih kurang caik hatai tui iek, nduac lih tapa jalan, nduac samar jang, plaih, nyaik suan adat, menyum alak, mbia blaoh peih nduac radaih.

Công an tỉnh Sóc Trăng pambuak haong Công ty cổ phần Biển Bạc saong Viettel Sóc Trăng bahrau ba tame pandar dom Camera pasang iek an ninh, bruk saron mbon saong salamat jalan mbak dalam tỉnh. Dom camera pasang iek bruk saron mbon saong salamat di mangaok jalan mbak hu peih ngak meng puac thun 2022, hu 119 camera hu ramik caik di dom jalan, dom labik dalam ban Sóc Trăng. Tapa tukvak padang ngak, ramik caik, ba tame pandar iek, dom camera pasang iek hu ba tame pandar, jao ka Công an tỉnh Sóc Trăng saong ba tame pandar, pabak samar drah, lagaih ka bruk khik tani tanat, saron mbon, siam makre saong salamat jalan mbak dalam ban.

Kapul  Quốc phòng saong An ninh taneh ia Myanmar brei dui atah bruk samar drah di taneh ia ini 6 bilan gac. Tui panuac khan di Karja quân sự Myanmar, quyền Tổng thống U Myint Swe hu tabiak panuac brei dui atah bruk samar drah haong makna hu ba tabiak lac kayua “bruk urak ini oh ka sron mbon saong daok patui bruk pacang khủng bố”. Ini lac mbang ka 5 karja quân sự Myanmar brei dui atah bruk samar drah kuhria meng bruk srau kadau rah tabiak di bilan 2/2021. Tui dom jabat di Liên Hợp quốc, 2/3 taneh ia Myanmar daok dalam srau kadau.

Jabat pasang iek liên bang Mỹ FBI brei thau, dom hacker Trung Quốc daok maong tame dom labik hu makna praong di Mỹ saong daok caga ngak tabiak “dom kanjak jhak” ka taneh ia ini. Dom labik danak dak hu makna yau ye sang mac ngak hacih ia, talei dien, jalan nding ba manjek saong khí đốt daok tamo saong dom labik jalan mbak daok dalam dom jalan ngak di bruk taong tame di hacker Trung Quốc. Dalam tuk nan Yam ndok Jabat An ninh mạng saong labik hạ tầng brei thau, Mỹ hu duah mboh saong taong tayah dom bruk tame mang di Trung Quốc tame dom labik gah kapar haok, ia năng lượng saong jalan mbak.

Tui Hiệp hội mblang par negar Đức (ADV), harei ini, labaih 1.100 mbang par brei klaak atau suai damuai jang kayua 2.500 menuac ngak gah an ninh hàng không daok kuhria đình công, padeih ngak. Rilo urang ngak praong hu panuac preo lac oh njauk hatai haong bruk ngak nan, ieu dom jabat pambuak tal duah jalan langyah tapa ginum biai. Dahlau di nan, bruk padeih ngak dui atah 6 harei, meng harei 24/1 di Kapul peih radaih pasei Đức (GDL) kayua oh njauk gauk ka mon ngak bruk saong ka jien bilan haong Cty Jalan pasei Đức, ngak kan kandah tal yaok rabau tuai saong ngak brei gah kinh tế lahik tal 1 tỷ Euro./.