Harei kabroi, Akaok negar Võ Văn Thưởng haong Kapul ngak bruk Trung ương hu mbaok tame Harei peih mbaok khai bút akaok xuan di Labik pahadar Anh hùng bangsa, Urang ilamo danei angan tabiak dunya Nguyễn Trãi, di xã Nhị Khê, huyện Thường Tín, ban ien Hà Nội. Anak anh linh anh hùng bangsa, urang ilamo danei angan Nguyễn Trãi, Akaok negar haong kapul urang lambaok hu cuh gilau, hadar tal prein yava praong glaong di sa urang ilamo danei angan biak naih gheih, urang hu hatai sahneng yam tapa yaok zaman, urang chính trị, urang ba jalan quân sự - ngoại giao, urang ilamo, nhà thơ - nhà văn, ngan haong dom bruk siam hu ngak tabiak sa urang “naih joi – hatai siam” abih gah.

Thủ tướng Phạm Minh Chính bahrau mbaoh tangin tame Sarak ka 175/QĐ-TTg patabiak bruk peih ngak Hukum Căn cước. Jalan ngak di bruk nan, lac piah ngak brei cambaih laih asal bruk ngak, tukvak ngak salah saong bruk di dom jabat, kapul nyaom pambuak tal dalam peih ngak Hukum Căn cước, khik kajap bruk samar drah, njauk tukvak, samu gauk, yau gauk, siam lagaih, kein laba. Gam haong nan, tacei tabiak bruk saong jalan pambuak gauk di dom mintri, dom jabat samu mintri, jabat di rajaei saong dom tinh ban dalam taneh ia ka peih ngak dom bruk di Hukum Căn cước di grauk labik dalam taneh ia, paglaong hatai sahneng ka Hukum Căn cước saong bruk ngak di dom pakat, dom gah dalam peih ngak hukum. 

Kapul ngak bruk di dom sở, dom gah, kapul nyaom dalam tỉnh Kiên Giang harei kabroi hu mai rivang, alin pandap, pachreih ba urang taong ikan dahlau di tuk tabiak tasik taong mek ikan tuk akaok thun sak inegirai. Di pak ini, kapul hu alin pandap hu aw phao, phao daong bala saong harak jak ba pacang caga ngak suan bruk peih ngak tui adat IUU jang yau pathau khan ka mikva urang taong mek ikan ngak njauk tui adat hukum, hu mbang nao tasik siam makre, patuah jamo. Tỉnh Kiên Giang daok peih mbang taom gaok haong mikva taong mek ikan, dom po gilai, sua tangi saong alin pandap ka mikva taong cap ikan tabiak tasik piah taong mek kaya tasik di Pabah lamnge ikan Tắc Cậu. Tapa nan, pachreih ba mikva kham merat paglaong bruk taong mek ikan, paglaong chat luong, pandap kaya tasik, hu mbaok tame bruk ngak, gam khik caga quyen ngak po tasik, kaoh pulao.

Yaom lac bui sambai Xuân min urang ngak nong huyện Châu Phú, tỉnh An Giang jeng oh var bruk iek glang mblang hamu, haong hatai caong yam tapa sa thun bharau ngak mbang hu ginup meda, pala njauk, pablei hu yaom. Tui gah ngak nong huyện Châu Phú, bilan padai đông xuân thun ini,  huyện trun pajaih hu mangaok 32.000 ha, samu labaih 99% bruk ba tabiak. Tal urak ini, jaik abih dom mblang hamu jeng tamuh siam, takik ruak kik halak halin. Kayua ini lac bilan pala praong dalam thun, nan ye urang ngak nong jeng sangka iek glang, kayua tukvak hadei Tết, langik tasik biak lagaih ka dom janih halak halin tamuh tagok palai kaik padai.

Mban peih ngak Harei rija ia bulan bak baoh bilan sa di ban Thủ Dầu Một, tỉnh Bình Dương brei thau, meng melam palao thun klak raok thun bahrau tal harei kabroi 18/2 (lac harei 9 bingun Tết) hu yaok ratuh ribau tuai grauk labik mai cuh gilau miếu amuk Thiên Hậu (daok hu ieu lac paha Amuk). Piah khik siam makre, salamat ka tuai, meng di melam palao thun klak raok thun bahrau, Mban peih bruk hu pato tacei dom kapul cong an daong khik siam makre an ninh trật tự di gah langiu mblang miếu Bà Thiên Hậu ngan haong jaik 50 urang hu parabha jeng 3 ca khik iek rik tame pacang caga kol kanjak jhak tame co klaik drap ar di tuai.

Kayua ngin khang saong tuyết laik, labaih 42.000 tuai du lịch njauk gar veik di TP. Tửu Tuyền, tỉnh Cam Túc, Trung Quốc saong karja palei nan brei tabiak bruk daong samar drah. Dom Pasak cakrok jalan roya dom quận di tỉnh jeng daok dalam bruk samar drah, ieu pataom dom gah, dom kapul nyaom samar drah dalam tangin di drei, gam haong nan, brei puh ramik hacih tuyết angaok dom jalan cao tốc saong dom jalan roya, jalan tỉnh piah khik ka bruk nao mai hu mbuan lagaih.  

Jakarta meda jeng pasak pablei salih saong jien padai di Indonesia hadei di tuk rajaei salih jabat ngak bruk tal ban ine bahrau Nusantara. Bruk panduan ba ban ine hu caong maong lac meda ngak brei patagok talei pambuak gauk di Nusantara saong Jakarta; dalam nan Jakarta jeng daok lac sa pasak pablei salih saong jien padai, daok Nusantara lac sa ban thông minh saong abih gah. Meng bruk salih ban ine negar nao tal Nusantara, bruk patagok kinh tế gah langiu kaoh pulao Java tui kuhria daok tagok saong hu parabha samu gauk.

Philippines meda hu mbang pandiak bhang tagok tal 40 độ C dalam dom adit tal kayua bruk El Nino di langik tasik. Gah Khí tượng, địa lý saong thiên văn Philippines (PAGASA) brei thau, 41 dalam abih tih 82 tỉnh di Philippines meda laik tame pandiak bhang tuk El Nino tagok tal tabung glaong di bilan 4 atau bilan 5 thun ini. Langik kan kandah ngak khut khat biak praong ka bruk ngak padai saong tangei  di dom labik di Philippines. Nhiệt độ glaong jeng mbuan ba tal ruak kik ka anek menuac, abih di nyu lac dom ruak njaom mbak tapa ia, kayua bruk pabak ia hacih oh ginup./.