UB bhap bini tỉnh Hậu Giang brei taduan birau saong taduan gilac veik 33 pandap OCOP 4 patuk pakat tỉnh di 13 po, dalam nan, hu 22 pandap brei taduan angan birau saong 11pandap hu taduan angan veik. Gam haong nan njauk gauk brei 2 pandap OCOP 4 patuk pakat tỉnh ginup asar piah pakacah tagok pandap OCOP 5 patuk pakat Trung ương. Yau nan min, mbiah tal ini, tỉnh Hậu Giang hu 198 pandap OCOP hu brei ngan 4 patuk saong 3 patuk.

Huyện Xuân Lộc, tỉnh Đồng Nai bahrau hu pok brei angan huyen palei pala bahrau paglaong di thun 2023. Ini lac huyen camriep di tinh mek hu angan huyen palei pala bahrau paglaong. Dalam tuk nan, njauk ndem mayai di abih lac jien mek tame tui kuhria di rahra palei pala di dalam huyen urak ini hu labaih 83 triệu đồng sa urang, tagok jaik 46 triệu đồng sa urang dut saong thun 2014. Tal urak ini, abih tih dom sang bac dom pakat mek hu tanut chuan negar ka cơ sở vật chất, labaih 95% sang bac mek hu tanut chuan negar. Dom asal kadha ilamo, mạng lưới khau tin truyền thông, y tế jeng mek hu tanut chuan. Dom rahra hu mbaok tame bảo hiểm y tế jeng hu labaih 95%.

Hadei di sa tukvak pathau khan, jak ba, mbiah tal ini, ban Đồng Xoài, tỉnh Bình Phước hu 86 baoh sang daok dalam bhum quy hoạch dua jalan 16 saong 21 halan hatian kaoh taneh brei ka Karja. Taong abih taneh kaoh alin brei lac 2,8 ha, yaom labaih 30 tỷ đồng. Yau ong Nguyễn Hữu Đây umo 69 thun, di phường Tân Bình halan hatian kaok brei 7.000 m2 taneh gam 3 baoh sang, rilo kien truc, phun pala di taneh pak di pasak ban Đồng Xoài, yaom labaih 20 tỷ đồng piah karja palei ngak jalan.

Sở Y tế TPHCM brei thau lac, ban raya abih mbong dom vaccine: bạch hầu, patuk, uốn ván, bại liệt, viêm gan B, vaccine 5 dalam 1 pacang caga jit ruak bạch hầu, patuk, uốn ván, viêm gan B, viêm phổi saong viêm màng não mủ. Dom vaccine karei yau ndaih baoh, bại liệt janih manyum, ndaih baoh saong rubella, uốn ván, viêm não Nhật Bản tok ginup pandar dalam sa atau dom harei anak tal. Tui Viện hacih dịch tễ Trung ương, dom vaccine di danak dak klauk jru peih praong tui kuhria meda pabak gilac veik di puac bilan ini, daok vaccine blei tame njauk cang tal puac bilan 12 anak tal.

Piah peih ngak hu siam lagaih bruk pacang cakak gilai ikan, urang ngak ikan di tỉnh taong chap suan hukum di bhum tasik negar langiu, bruk gilai ikan oh ginup tut angan, đăng kiểm saong brei adat ngak bruk, Akok UB bhap bini tỉnh Trà Vinh caong khin dom jabat chuc nang saong karja dom palei pathau pambak praong ka urang nao tasik khik iek tapen tasik, tasik pulao; Pakhang bruk pasang iek, khik iek bien phong di dom Balai Pasang iek bien phong, khik iek, pasang iek lưu động di tasik; oh brei adat ka dom po gilai ikan ngak suan adat hukum tasik negar langiu; taong abih dom po gilai taong chap tasik atah brei hu harak pambuak bruk saong urang peih gilai saong hu karja mbaoh tangin tame.  

Ngoại trưởng dom taneh ia G7 hu tabiak Harak brei panuac haong gauk lên án Triều Tiên cuh vệ tinh pandar kong nghe tên lửa đạn đạo. Harak nan hu ndem cambaih laih, bruk ngak di Triều Tiên lac bruk đe dọa biak khang ka saron mbon saong tani tanat di bhum taneh saong di dunya. Harak brei panuac haong gauk hu ndom lac, sa mbang cuh yaom lac vệ tinh pasang iek quân sự pandar kong nghe tên lửa đạn đạo jeng ngak suan dom sarak di Hội đồng bảo an. Harak nan daok brei thau lac, Triều Tiên oh ngak hu saong meda oh tuk halei hu adat negar hu ngak po vũ khí hạt nhân tui Sarak oh ba pandar vũ khí hạt nhân.

Dalam tuk kuhria mboh dahlau kinh te daok kan kandah, rilo c.ty di Australia daok ba tabiak jalan cakak trun urang ngak bruk di puac thun ini. Ini lac mbang cakak trun ralo, dalam nan, labaih 60% jabat ngak bruk di gah công cộng. Bruk cakak trun manuac ngak bruk di puac thun brei mboh dom D.N di Australia daok caga ka sa vaktu kinh te patui bruk kan kandah thun 2024 tuk bruk cai pandar di dom baoh sang meda trun kayua gilang pariak daok tagok jien laba.

Black Friday, tukvak blei pandap praong abih dalam thun di Mỹ, peih tabiak meng harei suk (24/11) min urak ini dom cửa hàng hu pandar sarak trun yaom aval abih piah dui pachreih urang blei pandar. Dom urang roh duah ilamo kuhria patagok doanh số dalam bilan Black Friday thun ini meda samu haong dahlau di jit praong COVID-19. Dom gah pablei lẻ Mỹ brei thau lac meda peih rilo danak dak trun yaom jien di dom siêu thị, cửa hàng saong di dom gah pablei salih pandap online.