Jabat Rajaei bahrau patabiak panuac tamat di Thủ tướng Phạm Minh Chính, Akaok Mban pato tacei jalan kanja ngak dom danak hu makna di negar, dom danak dak hu makna di gah jalan mbak pajeng ba, di Mbang nyaom biai mbang ka 9 di Mban pato tacei jalan. Dalam panuac tamat ini, Thủ tướng ieu kakei Ủy ban Khik ramik phun jien Kanja di doanh nghiệp pato tacei Tổng công ty gah kapar haok Việt Nam, Tổng công ty buh jien tame cak rok patagok jalan nduac samar Việt Nam pasang iek biak catang hu chat luong, njauk tui jalan ba tabiak di dom danak dak gah kapar haok, danak dak jalan nduac samar Bến Lức - Long Thành. Samar drah ngak salah, ba tabiak jalan ngak cambaih laih langyah ka bruk buh jien tame peih praong jalan nduac samar TP.HCM - Long Thành - Dầu Giây, pathau khan haong Phó thủ tướng Trần Hồng Hà dang akaok mbang nyaom ngan haong dom mintri hu pambuak tal dalam bilan 3.

Di mbang ngak adat tabiak mbaok pato pasram thun ini di Bộ tư lệnh TPHCM rah tabiak tuk mesup ini 1/3, Phaok akaok UBND TP.HCM Bùi Xuân Cường hu panuac caong lac tapon nyaom bol pan phao kraong ban raya pambuak pagam khang kajap haong bruk ngak, jalan ngak dalam pato pasram, iek praong bruk pato pasram, ngak po phao ndao pandap panda daok hu saong phao ndao bahrau, pataom tame pato pasram njauk haong bruk di anak mata, abih di nyu lac jalan pacang khik tasik, pulao. Gam haong nan, patagok bruk pato pasram, paglaong prein sami samar langyah bruk di yaok gah, yaok tapon nyom bol.

UBND tỉnh Đồng Nai brei salih jalan pandar labaih 32ha taneh glai pala ngak salih tapa bruk pandar karei piah padang ngak hạ tầng labik tái định cư Long Phước.  Danak dak Labik tái định cư Long Phước, huyện Long Thành lac labik tái định cư piah rami ramik labik daok ka dom baoh sang brei taneh piah pabak ka danak dak jalan nduac samar Biên Hòa – Vũng Tàu saong dom danak dak karei pak huyện Long Thành. Tui kuhria, Labik tái định cư Long Phước hu mbaok taneh praong jaik 34ha, abih tih phun jien buh tame labaih 370 tỷ đồng, tuk ngak salah meda hu labaih 1.000 lô taneh.

Bilan padai Đông Xuân 2023 – 2024 tỉnh Đồng Tháp trun pajaih hu jaik 190 rabau ha, lac ginup abih tui bruk ba tabiak. Bilan padai ini, tỉnh hu jaik 70% taneh ngak padai chất lượng glaong piah pablei tapa negar langiu. Piah mek hu jayah dalam bilan padai ini, gah ngak nong hu panuac kakei mikva lac dom mblang hamu oh ka yuak ye brei ngak siam dom ilamu saong khik iek ia ka nyu lagaih, khak hữu cơ… Meng nan, daong ka phun padai tamuh siam, daong patak pataom hu phun jien saong ngak tabiak padai siam mekre, salamat.

Ia mbak ba tal glut jaleih, ngak ka bruk nao mai di rilo labik pak Cà Mau njauk klaih klaoh, oh lac ngak kan kandah ka raidiuk, bruk ngak mbang pala drak bo daok ngak ka yaom jien pajeng ba padai tagok jang dua mbang. Meng akaok thun tal urak ini, huyện Trần Văn Thời hu labaih 80 labik kraong, ribaong thu ia, ngak ka labaih 330 labik glut jaleih atah labaih 9.000 m, tui kuhria khat lahik jaik 12 tỷ đồng. Anak bruk ini, UBND huyện kakei rahra cacak dhar phun hijao piah trun trak damak di dom jalan bhian njauk glut jaleih, patakik bruk khik piah ia tuk ka oh hu hatai caong, oh kruac rok kraong ribaong, padang ngak sang danaok jaik takai kraong, ribaong ngak brei patagok bruk mbuan glut jaleih.

Rajaei Thái Lan daok kuhria ba tabiak 30 sruh kapal haoh ngak tabiak aih ngin - taginum dalam taneh ia piah ngak jeng hajan, daong pacang nerak tachauk không khí saong patrun thu lagu di dom labik pala drak. Tui Cục Khí tượng Thái Lan, bilan pandiak meng harei 21/2 meng blaoh saong meda dui atah tal kreh bilan 5.. Dom urang kuhria mboh dahlau bruk langik tasik brei thau lac, Thái Lan meda hu sa bilan pandiak kan kandah, tui kuhria, nhiệt độ meda tagok glaong tal 44,5 độ C di dom labik dalam taneh ia.

Ban Mexico City di Mehico daok dang anak bruk kurang ia biak trak damak. Makna hu brei thau lac kayua bruk biến đổi khí hậu, cak rok patagok đô thị kurang bruk quy hoạch, labik hạ tầng daok bier. Rilo thun tapa, hajan biak takik, bilan thu dui atah saong langik pandiak ngak trak damak tagok  dom sang mac pabak ia di negar ini, daok lac oh ginup prein pabak ia pandar ka rahra dak harei dak caong hu rilo.

Gah padam pui daok kham merat abih drei piah padam pui khuah glai hu taong yaom lac trak damak abih kuhria meng kan mai di bang Texas (Mỹ). Langiu di nan, dom mbang khuah glai sit jeng daok hu mboh di dom labik karei di Panhandle. Pui mbang abih jaik 57.000 ha glai saong bahrau padam hu jaik 30%. Dalam 2 harei akaok adit ini, bang Texas hu langik pandiak tal tanut glaong abih oh ka bhian mboh lac tagok tal 37,7 độ C dahlau di tuk rah tapa sa mbang la-an khang./.