Javap calei di dom urang Quoc hoi pambuak tal sarak jien mesre, abih di nyu lac sarak pambuak tala dom Danak dak pakat negar, Thong doc Gilang pariak Karja Nguyễn Thị Hồng khan lac, sarak brei mesre ka bhum taneh pala phun jru krih, mbiah tal ini oh ka mboh tavak sre. Tui nan, kan kandah di Danak dak ini lac phun jien. Tui Gilang Pariak sarak Karja, meng ini tal abih thun 2025, njauk brei labaih 1.500 tỷ đồng tra meng ngak salah Danak dak ini. Ngan haong Sarak 1719, UB Bangsa daok peih ngak, pambuak haong dom mentri, dom gah daong ka Rajaei ramik pasiam  tui pambak praong tal rilo urang jeng yau patagok phun  jien mesre. Yau nan ye, Gilang Karja brei patui bruk duah thau hatai caong ka Danak dak ini.

Daok jaik 3 bilan tra meng tal Tet nasak Lanaih thun 2025, min urak ini, mikva ngak nong di palei bingu, “labik pala rilo bingu” Sa Đéc (Đồng Tháp), Chợ Lách (Bến Tre), Mỹ Phong (Tiền Giang)... hu jalval sangka phun bingu ngak mekre. Bingu Tet thun ini, dom po bein roh duah pala dom pajaih bingu bahrau piah njauk haong hatai caong di tuai blei pandar dak harei dak glaong. Min, thun ini langik oh lagaih kayua hajan rabuk saong pandiak oh yau bhian. Kayua yau nan, urang pala phun bingu duah thau samu dom kuhria mboh dahlau meng gah chuc nang ka bruk rah tabiak di langik piah hu jalan ngak njauk, phun pala hu siam.

Kapol Urang kumei tỉnh Kiên Giang hu labaih 2.000 urang hoi bangsa Khmer kathaot saong jaik kathaot. Meng akaok thun tal ini, dom pakat Kapol Urang kumei hu daong labaih 1.000 baoh sang urang kumei Khmer kathaot tui rilo jalan daong biak lagaih. Tui nan pambuak haong dom đơn vị  peih dom tal bac pato bruk ngak, peih tal pasram ilamo ky thuat, pandar kong nghe tame bruk ngak nong; jhul khang dom bruk tacei pato, yaih khan ka bruk ngak…daong urang kumei duah hu bruk ngak, paglong jien mek tame tani tanat raidiuk.

Harei Nyaom pataom Ilamo dom bangsa takik saong bhum ceik tinh Binh Thuan mbang ka I thun ini kuhria rah tabiak dalam adit bilan 12, di ban Phan Thiết. Langiu dom huyen hu rilo mikva bangsa takik dalam tinh daok hu dom tinh karei hu mbaok tame yau: Ninh Thuận, Lâm Đồng, Đồng Nai, Đắk Nông saong Đắk Lắk. Harei Nyaom pataom hu dom danak dak yau: Dom kadha adaoh bhap bini, tamia bhap bini, me-in ragu ragam bhap bini saong parang iek khan ao di dom bangsa takik; ndom biai khoa hoc; parang iek yaih khan ilamo bhap bini di bhum palei.

Sang bac Takre Nghe thuat saong The dục The thao tỉnh Vĩnh Long daok pambuak haong dom baha Khmer di Vĩnh Long peih dom tal pato ilamu nghe thuat Chom Rieng Cha Pây ka bol bhap Khmer. Muk Nguyễn Ngọc Thanh, Sang bac Takre Nghe thuat saong The dục The thao tỉnh Vĩnh Long khan lac, bhap bini Khmer hu ilamo biak ralo janih, yau nan min  rilo janih ilamo nghe thuat  mbuan lahik. Yau nan ye, yaok thun tỉnh tuk halei brei pambuak dom gah peih dom tal pato bac ilamo nghe thuat ka bhap bini Khmer piah rik tame khik ramik ilamo bangsa. 

Nyaom biai pakat glaong mbang ka 29, dom gah hu mbaok tame Công ước khung Liên hợp quốc ka bruk langik salih (COP29) mek hu yasa ka dom tiêu chuẩn chất lượng tín chỉ carbon. Ini lac asal kadha hu makna piah peih ngak darak pasar carbon dalam dunya kayua Liên hợp quốc dang ba piah daong ka dom danak dak patakik tathuak nerak ngak jeng hiệu ứng sang kreih camin. Ini meda maong lac sa bruk camereip peih ngak biak gheih di COP29 dalam dom bruk meraik gauk ka jien padai langik hu ndom tal rilo dalam mbang biai akaok meti di Nyaom biai.

Urang jakar Mexico birau duah mboh labaih 250 urang di cư pajeng pajaik ginuk dalam sa sruh radaih tải  nao gah taphia negar Mỹ. Dom jabat di trú, hu daong di bol lin, hu mboh dom urang  di cư harei 8/11 di sa balai pasang iek. Urak ni, dom urang di cư  mai meng rilo taneh ia karei di gauk hu ba tame dom labik jabat di cư piah pasang iek, dalam tuk urang peih radaih ba tame jabat công tố. Yaok thun, yaok ribau urang di cư nduac dauk kayua taong paoh saong kathaot duah jalan mai labik taphia negar Mỹ tapa Mexico.

Tổng thống Colombia Gustavo Petro hu ndom ka bruk bala khat lahik di dunya, piah jak ba rik daong ka dom bhum palei khat lahik kayua ia sua. Hajan praong ngak takik abih 100.000 urang lahik sang danaok. Di bang Choco ia kraong tagok glaong ngak yaok ribau baoh sang lahik abih drap ar mbang ngui saong ngak kan kandah tal bruk salamat pandap mbang kayua bruk pala drak khut tayah abih. Tổng thống Petro ndom lac dom khat lahik trak di bruk langik salih ngak tagok tanut mbuan pandik harao di bhum taneh./.