Tui kuhria puac quý 4 thun ini, Mintri Pato magru meda brei thau kadha pakacah ngak iek ka mbang Pakacah tamat THPT meng thun 2025, tui danak dak bac tal 10, tal 11. Urak ini Mintri hu peih tal pasram tui jalan online ka gru pato di taong abih dom môn pakacah tamat THPT meng thun 2025 pak 63 Sở Pato magru jang yau dom labik pato magru đại học hu tame dalam dom mbang pakacah tamat. Mintri jeng hu angan labaih 3 ribau gru pato naih piah hu mbaok tame bruk  padang ngak kadha pakacah.

Kapul dam dara TPHCM bahrau peih bruk pok meyaom “Sinh viên Lào - Campuchia naih gheih” thun 2023. Meng 127 harak hồ sơ payua mai meng 13 sang bac ĐH, học viện dalam ban, Kapul pilih ruah pok meyaom 107 SV, học viên Lào saong 16 SV, học viên Campuchia naih gheih. Angan “Sinh viên Lào-Campuchia naih gheih” piah pok meyaom dom sinh vien Lào - Campuchia bac siam, kham merat hu mbaok tame dom bruk di labik bac megru peih tabiak. Tapa nan, pambak praong dom kreih camin sinh vien Lào - Campuchia piah ngak jeng prein pambak tabiak dalam sinh vien 2 taneh ia daok bac megeu di TPHCM.

Bộ Tư lệnh Bhum Cảnh sát tasik 3 pambuak haong Mban Dân vận Tỉnh uỷ Trà Vinh, kanja bhum palei bahrau peih bruk nao gam haong urang taong ikan di huyện Duyên Hải. Dalam danak dak ini, dom urang lin hu pathau khan, tacei pato hukum tasik, kaoh pulao, pathau khan bruk pacang caga taong cap kaya ikan suan adat hukum, oh pathau khan saong oh tui adat (IUU) tal urang taong cap ikan; jao alin 100 paok pandap ka sang sarak kanja, urang taong cap ikan gaok kan kandah, yaom 1 triệu đồng sa paok. Tapa nan, Bộ Tư lệnh bhum Cảnh sát tasik 3 jao alin 10 sruh radaih juak saong 80 paok jien bac ka anek saih gaok kan kandah bac naih joi, yaom 1 triệu đồng sa paok.

Cà Mau ba tabiak bruk lac patagok gah raong hadang jeng pasak praong abih di bhum taneran kraong Cửu Long saong di taneh ia, haong bruk raong lagaih, pandar ilamu công nghệ bahrau piah paglaong bruk raong hu rilo hadang siam, hu prein meriak gauk ka hadang Cà Mau. Tui jalan ngak di danak dak pakat negar patagok bruk raong kaya ikan tukvak 2021 - 2030 tal thun 2030, Cà Mau pamaong tal bruk raong hu 570.000 tấn sa thun. Cà Mau jeng daok kham merat tal thun 2030, meda hu labaih 40.000ha padai, hadang mek hu sa dalam dom harak chứng nhận di dunya.

Thun ini, gah du lịch di tỉnh Tiền Giang tagok khang. Jaik abih dom labik, doanh nghiệp ngak gah du lịch jeng hu rilo tuai. Dalam 11 bilan tapa, tinh hu raok labaih 1 trieu 2 rituh mbang tui mai rivang iek, tagok jaik 73% dut saong tukvak ini thun dahlau. Dom kapul ngak gah du lich jeng hu buh jien tame, paglaong bruk ngak, tani tanat yaom kaom, pabak siam lagaih ka hatai caong di tuai damuai. Urak ini, dom doanh nghiệp, labik ma-in padeih padai daok caga piah pabak ka bruk raook tuai dalam tuk Tết dương lịch saong Tết meng kan thun sak ine girai 2024.

Mỹ meda brei kreik pabah mbang taong abih dom sang mac cuh meng dhang, saong meda hu mbaok tame Liên minh maong dhang lac bruk di harei dahlau (PPCA) piah klaak nao janih dhang. Đặc phái viên di Tổng thống Mỹ ka bruk langik tasik, ong John Kerry hu ba tabiak panuac sanya nan di Nyaom biai COP28 harei 2/11. Tukvak brei ka sanya lac di puac thun 2035, thun bo Mỹ maong lac tukvak klaak dhang. Tui ong Kerry, bruk pandar dhang di taneh ia ini hu pabak brei meng năng lượng ngin saong năng lượng ia harei.

Kapul daong duah urang njauk bala Indonesia hu duah mboh 11 rup tau di dom urang ndik ceik hadei di tuk ceik apui Marapi di Tây Sumatra pruh glaong tal 3.000m. Urak ini jeng daok 12 urang karei daok lahik. Pasak trun manieng bala langik tasik saong ceik apui Indonesia brei thau lac, bruk pruh apui rahtabiak ngak brei tatuak drei kayua jabat ini ka oh mboh bruk hagait patagok dalam bruk ngak di ceik apui jaik di ini. Indonesia daok dalam "Vành đai apui" di Thái Bình Dương saong hu 127 baoh ceik apui daok ngak bruk.  

Rilo menuac daok di ban Praha, Cộng hòa Séc ba gauk mai mblang bein ban klak daok di pasak ban piah salam uan Noel dahlau. Di mblang bein pasak, sa phun thông Nô-en glaong 20 mét hu tual rilo gom Led rilo sambo màu hadah mekre hu padang tagok. Tal jhung bilan ini meng tal harei Noel, min tui bhian randap, dom harei akaok bilan 12 lac tukvak hu makna praong ngan saong rilo menuac sia di dunya, dalam nan hu  Cộng hòa Séc. Tui adat cambat meng kan, urang Séc raok Noel haong gauk gar dalam sang, meyah da-a tuai ye tuai nan lac menuac biak bhian randap. Ini lac var mbang hu makna praong abih dalam thun di urang negar Séc, lac melam jum pataom gauk gar dalam sang./.