Di var pasang iek labik padang ngak Mblang kapal haok Dunya Long Thành ( Mblang kapal haok Long Thành) saong ngak bruk hoang dom gah pambuak tal bruk peih taneh, padang ngak Mblang kapal haok di biar harei kabroi, Pho thu tuong Trần Hồng Hà caong khin dom jabat Karja, po buh jien padai tame ngak, po thầu peih bruk jak ba pakacah gauk pataom tame ngak brei njauk tukvak, salamat tuk padang ngak, siam ka danka dak. Dom đơn vị pataom tame padang ngak, peih ngak siam bruk pakacah gauk, pok meyeom sumu dom gah ngak siam; langyah catang dom gah ngak oh truh piah khik kajap ilamu, ngak njuak bruk, njuak tukvak. Pho thu tuong  caong khin po đầu tư pakhang bruk khik iek, palih ruah dom po thầu hu angan je, hu prein khang  gah jien padai, ilamu piah padang ngak dom danak dak di mblang kapal haok; atah klak dom po thầu trak damak.

Kapul urang kamei haong kapul Doanh nhân kumei TPHCM bahrau peih bruk yaih khan giải thưởng “Kumei doanh nhân naih gheih abih TP.HCM”. Bruk padang giải thưởng piah pok meyaom dom kumei doanh nhân naih gheih abih, lac dom po doanh nghiệp, khik ramik, tacei ba doanh nghiệp di yaok gah kinh tế, tapa nan pok meyaom dom rik daong di dom kumei doanh nhân, pachreih ba dom sa-ai kamei patui jalan hu mbaok tame bruk cakrok kinh tế di taneh ia. Giải thưởng hu peih tabiak yaok 2 thun 1 mbang, tui kuhria lac pok meyaom 10 kamei doanh nghiệp, kamei khik ramik doanh nghiệp naih gheih di abih.

Kruac – cam sành di tỉnh Vĩnh Long  daok trun yaom khang, janih kruac siam hu yaom meng 5.000 - 5.500 đồng sa kilo, trun meng 2.000 - 3.000 đồng dut saong puac bilan 7. Rilo urang blei brei thau kayua darak pasar pablei hu ralo di Bhum kreh negar, Barak negar gaok kan kandah di bruk pajeng ba kayua hajan ribuk. Tui ong Nguyễn Văn Tám - Akok jabat Ngak nong saong Patagok palei pala huyen Trà Ôn, taneh pala kruac sành di huyen pasamar dalam tukvak 2018 -2022 kayua bhap bini pala tui hatai eng di taneh ngak padai. Urak ini, huyen hu 10.410ha. Kruac cam sành brei paik baoh meng akaok thun mbiah tal ini lac labaih 360.000 tấn.

Pambuak tal bruk njauk jru mek medil lac kayua menyum ia tasau tapung ngak brei 2 amaik anek metai, 1 urang cấp cứu di xã Hòa Hưng, huyện Cái Bè, tỉnh Tiền Giang bo Rayo sap ndom VN hu khan brei thau blaoh, Cục Salamat Pandap mbang menyum (Mintri Y tế) hu payua harak ieu Sở Y tế tỉnh Tiền Giang duah thau, ngak brei cambaih laih bruk ini. Gam haong nan, ieu Sở Y tế duah thau asal di pandap medil lac ba tal njauk jru mek, pasang iek labik ngak saong brei padeih pablei pandap ini, mek mẫu dut iek, langyah catang dom bruk ngak suan gah salamat pandap mbang saong brei thau cambaih di mangaok dom jalan khau tin praong.

Harei pataomr kalang - padang ky lục Guinness klang praong abih Việt Nam ngan haong kadha “Pambuak sauk ka dom caong khin” rah tabiak meng harei 22 tal harei 19/10 anak tal di jalan tapen tasik Hòa Thắng, huyện Bắc Bình - Hòa Phú, huyện Tuy Phong, tỉnh Bình Thuận, ngan haong dom bruk ngak praong nan lac: 10 kapol kalang chuyen nghiep palao 1.000 drei kalang dalam luac tukvak rah tabiak harei pataom. Langiu di nan, daok hu bruk nao ngaok jalan saong parang iek 60 radaih ô tô biak gheih; alin brei paok jien bac ka dom adei anek saih  hu raidiuk kan kandah.

Nyaom biai pakat dunya ka bruk mesruh gauk di dải Gaza kayua Ai Cập ba tabiak saong dang tabiak peih ngak di harei 21/10 tal di ban ine Cairo. Tui kuhria, nyaom biai hu mbaok di 18 urang dang akaok dom taneh ia dalam bhum saong dunya, haong Tổng thư kí Liên hợp quốc Antonio Guterres. Mỹ khan lac Tổng thống Joe Biden hu mbaok dalam nyaom biai, hadei di tuk nao ravang Israel di harei paguh (18/10). Kuhria meng di tuk mesruh gauk di bol bala Israel saong Gah Hamas di dải Gaza, Ai Cập kham merat nao mai pambuak bruk piah patrun dom bruk daok catang tagaok.

Mentri Nội vụ Tây Ban Nha brei thau, urang di cư mai tal kaoh pulao Canary di taneh ia ini daok tagok khang. Kuhria meng akaok thun mbiah tal ini, kaoh pulao Canary taduan hu labaih 23 ribau urang di cư, tagok 80% dut saong tukvak ini thun dahlau. Dalam tuk nan, dalm dua dit tapa, takik abih hu 8 ribau 560 urang di cư  mai tal kaoh pulao ini. Thun 2006, kaoh pulao ini hu jaik 32 ribau urang tapa tasik Địa Trung Hải mai ini tuk dom jalan karei nao châu Âu njauk pacang cakak.

Viện Chính sách Năng lượng (EPIC) di Đại học Chicago, Mỹ brei thau, bhum Nam Á dalam nan hu dom taneh ia Bangladesh, Ấn Độ, Nepal saong Pakistan lac labik nerak abih di dunya. Bruk nerak không khí tagok glaong meda ngak patrun 5 thun diuk di dunya di yaok urang daok di Nam Á. Ấn Độ hu trách nhiệm ka jaik 59% tanut nerak không khí tagok glaong di dunya, ngak brei umo thun di menuac sia di dom labik nerak di taneh ia ini nyu katut panak veik. Di ban ine New Delhi, lac ban nerak abih di dunya, umo taha praong thun katut panak veik labaih 10 thun./.