Daok dalam dom bruk ngak di danak dak Xuan palei negar thun 2024 hu peih tabiak di TP.HCM, harei kabroi, kapul urang lambaok hu 180 urang Viet Nam daok di negar langiu hu mai rivang, cuh gilau di Labik pahadar dom Patau Hùng – Mblang bein sajarah, ilamo bangsa, ba drei tame nao di jalan metro Bến Thành – Suối Tiên saong hu mbaok tame bruk pambuak gauk di ban Thủ Đức, TP.HCM. Dom urang lambaok thei jeng brei mboh hatai chreih chrai saong biak caik hatai ngan haong bruk cak rok patagok di TP.HCM dak harei dak hadah hadai, siam makre, kaya mada jang.

Meng harei 20.1 tal harei 4.2, TP. Cần Thơ peih ngak bruk “Tết Anit ranam” piah ieu pataom saong pambuak praong bruk hu mbaok tame rik daong pandap panda jien padai di rahra brei ka urang kan kathaot hu mbang Tết dalam bui sambai. Dom pakat Hội Chữ Thập đỏ ban raya hu jak ba, daong jaik 15.000 pok pandap yaom abih tih  6 tỷ 700 trieu. Dalam nan, Hội Chữ Thập đỏ ban raya jak ba hu 1.070 pok pandap yaom 693 triệu, hu peih ngak di 3 labik darak lac, di labik darak ban raya ngan saong kadha “Pasa tết 0 đồng, bui hatain harei têt” brei jaik 800 pok pandap yaom labaih 700 triệu ka dom sang kan kathaot, sang sarak karja, sang urang njauk jru mek klik kruac, uranaih matui saong sang kan kandah karei karei

Di tuk uan Tết Nguyên đán sak inegirai thun 2024, Gilang paraik Thương mại Cổ phần Ngoại thương Việt Nam (Vietcombank) dhar Bình Thuận hu pambuak haong Ủy ban MTTQ Việt Nam TP. Phan Thiết peih ngak danak dak "Vietcombank sa tangin haong gauk daong ka urang kan kathaot”. Tui nan, danak dak hu jao alin 400 paok pandap, yaok paok  yaom 500.000 đồng, abih tih lac 200 triệu đồng brei ka dom sang sarak, urang hu prein haong cách mạng, dom sang kathaot, uranaih matuai, mikva bangsa daok pak ban Phan Thiết, huyện Tuy Phong, Đức Linh saong ban sit La Gi.

Di tukvak ini, urang taong ikan tỉnh Tiền Giang pablei hadang thẻ raong tui ilamu glaong haong yaom meng 90 tal mangaok 170 rabau đồng/kg. Tui yaom ini, urang raong hadang ilamu glaong hu laba rilo, nan ye chreih chrai lo piah mbang Tết. Raong hadang bilan ini langik biak lagaih, takik jit ruak, hadang samar praong nan ye rilo sang daok palao raong rilo jang. Dalam tỉnh Tiền Giang hu jaik 300 ha danao raong hadang tui jalan ini, samu 15% dom mbaok ia raong hadang thâm canh di tỉnh. Hadang raong tui jalan raong ini mek hu labaih 3.000 tấn sa thun.

Tui Công ty TNHH BOT tatua Rạch Miễu, urak ini yaok harei, melam hu meng 24.000- 25.000 sruh radaih ô tô dom janih tapa tatua Rạch Miễu, tagok jang yaok harei lac labaih 4.000 sruh. Meng harei 29-1 tal urak ini, bruk nao mai di labik tatua Rạch Miễu biak kan kandah, hu jaik 20 mbang gar jalan, kapul canh sat jalan mbak njauk rami ramik bruk nao mai tui yaok jalan nao; bilai thu phí BOT tatua Rạch Miễu njauk rilo mbang peih pabah mbang brei radaih tapa saoh oh mek jien piah brei ngak thoan bruk nao mai tapa tatua. Dom gah chức năng kakrei lac, dom urang peih radaih oto, abih di nyu nan lac radaih tai trak njauk plaih nao tame tatua Rạch Miễu di tukvak tabung glaong, nao njauk jalan saong pasang iek dom sruh radaih biak salamat tuk nduac di mangaok jalan.

Langik la-an khang meda dui atah di dom labik bhum kreh saong gah timur negar Trung Quốc dalam dom harei anak tal, hu dom labik tui kuhria mboh dahlau lac hu tuyết laik rilo di abih, ngak klaih klaoh jalan nao mai. Piah plaih khat lahik ka rahra, Jabat TW Đảng Cộng sản Trung Quốc saong Jabat Quốc vụ viện hu tabiak harak tacei pato jalan pacang caga. Tacei pato ieu pataom tame pasang iek dom jalan điện, mạng viễn thông saong dom labik pambuak tal bruk pabak menyek, khí, ia saong khang pandiak, gam haong nan, brei khik kajap bruk pabak dom kaya nong saong pandap mbang yaok harei.

Yaok piluh urang ngak nong hu peih mac katung tal Brussels, Bỉ piah hu mbaok tame bruk trun jalan. Rilo urang ngak nong daok glam baoh manuk, ada saong patau tame baoh sang Nghị viện châu Âu, ngak apui khuah jaik baoh sang. Urang ngak nong ieu dom urang pan akaok salih sarak ngak nong dalam châu Âu, yah klaak rilo bruk patakik, brei padeih bruk blei tame pandap hu yaom lap meng negar langiu bo oh pasang iek, taong yaom, tagok jien bilan saong padeih bruk tagok jien je. Jaik abih dom urang hu mbaok tame trun jalan jeng lac dom urang umo ranaih, daok gaok kan kandah anak bruk yaom nang luong tagok, lạm phát saong bruk biến đổi khí hậu, ngak ka bilan yuak kuak, pala drak khat lahik kayua pandiak bhang, hajan ia sua atau khuah glai.

Harei ini, tui kuhria, bruk pajeng ba tuai damuai nao mai di Đức padeih ngak bruk di yaok bang kayua dom bruk đình công padeih ngak dui atah. Dahlau di nan, dalam harei kabroi, menuac ngak gah an ninh di 11 mblang kapal haoh di Đức, padeih ngak piah ieu dom urang ngak po brei tagok jien bilan, ngal brei rilo mbang par brei padeih par. Dom kapul urang ngak hu panuac ieu rajaei tagok jien bilan 2,80 euro (samu 3,04 USD) yaok mon saong bayar jien ngak bruk langiu mon ngak bruk rilo jang. Jaik 200.000 tuai du lịch gaok kan kandah tuk 1.100 mbang par brei klaak atau suai jang mon par./.