Kong an Ban raya HCM padang 2 kapol Canh sat Pacang khuah padam khuah saong daong duah urang gaok bala biak sami samar, naih joi angaok thu saong ala ia. Dua kapol nan biak sami samar, naih joi saong hu brei jamraih birau siam, samar, khang kajap piah ngak bruk, pacang padam dom bruk pui khuah, bala, abih di nyu lac dom bruk bala biak trak, kan thau hu dahlau di Ban raya. Tui Trung tuong Lê Hồng Nam – Yam ndoc Kong an Ban raya HCM bruk padang 2 kapol Cảnh sát biak sami samar, naih joi, piah ngak bruk hu siam.

Tui Mban Bangsa tinh Binh Thuan, meng thun 2022 mbiah tal ini hu brei jiak 40 ty dong piah langyah bruk kurang taneh daok, sang daok, taneh pala drak, ia pandar ka mikva urang bangsa takik kan kathaot. Kuhria tal puac thun ini, daong taneh pala drak ka sa baoh sang, taneh daok ka 70 baoh sang , sang daok ka 412 baoh sang, daong brei salih bruk ngak ka labiah 1.000 baoh sang…Langiu di nan, daok daong ka mikva hu mesre phun jien piah ngak mbang pablei salih  saong padang sang daok. Ndem ka danak dak quy hoach, ramik veik, brei labik daok ka rahra, vaktu 2021 – 2025 hu caga labaih 42 ty dong, piah buh tame ngak 4 danak dak labik daok ka bhap bini di huyen Hàm Thuận Bắc saong huyen Tánh Linh.

Peih ngak Danak dak patrun kathaot khang kajap ka urang ngak nong, thun ini, Kapol urang ngak nong tinh BR-VT patui daong pajaih athur raong ka yaok pluh baoh sang urang hoi kan kathaot piah patagok bruk raong glang, jien mek tame. Tui raidiuk yaok baoh sang urang hoi hu daong limo binai atau pabe binai. Jien daong jaik 20 trieu dong sa baoh sang. Tuk peih ngak danak dak lac 3 thun. Bruk nan rik tame daong ka karja palei ngak brei salah bruk padang ngak palei pala birau; jhul khang bruk jak ba urang ngak nong pakacah gauk ngak mbang pablei salih naih joi; jum pataom gauk ngak kaya meda saong trun kathaot khang kajap.

UBND tinh Tra Vinh birau peih ngak danak Binek ia taba Láng Thé (vaktu ka 1) di xa Phương Thạnh, huyen Càng Long. Binek nan praong labaih 30 ha, padang hu labaih 10 trieu met khoi ia, brei pabak ia taba ka bruk pala drak, ia pandar, kong nghiep saong jitvu  pabak ia taba ka bruk pala drak, ia pandar, kong ngjhiep ka Ban Trà Vinh, huyen Càng Long saong Châu Thành. Gam tui nan, pacang caga njom ia mbak, ia ndik, dauk, glut jaleih ar krong di dom xa hu danak dak, khik brei siam bruk ngak nong.

Mbao Tuổi Trẻ pambuak Tinh doan 5 tinh Tay Nguyen alin brei paok jien bac “Daong prein nao bac” ka 90 saih megru kan kathaot birau tame thun bac camerep, bca joi, daok di dom tinh  Lam Dong, Dak Lak, Dak Nong, Kon Tum saong Gia Lai. Yaok paoak jien bac “Daong prein nao bac” yaom 15 trieu dong, dalam nan hu 2 paok jien bac 50 trieu daong dalam 4 thun bac. Langiu di nan,  Mban peih bruk  hu alin 4 laptop ka saih bac thun camereip raidiuk kan kandah kurang pandap bac, 10 paok jien bac  sap Anh pasram pakacah IELTS oh abih jien ka saih bac tỉnh Lâm Đồng saong Dak Lak, balo ka anek saih. 

Rajei Patao Campuchia kuhria buh tabiak jaik 38 ty riêl (sumu labaih 9 ty đôla) di thun 2025. Tui taong yaom di Rajaei Patao, kuhria mboh dahlau lac bruk pataok samar di thun anak labaih 6%. Jien mek tame kuhria tui yaok bhap bini jaik 3.000 USD. Kadung jien thun 2025 abih di nyu patagok laba ka gah kinh te urak ini saong jhul pakhang bruk buh jien tame gah ngak nong, caga dom kong nghe ilamo birau ba tame ngak kinh te taka so, peih praong bruk ngak jeng yau paglong asar siam di taong abih dom jit vu di karja, abih di nyu nan lac gah pato megru, y te saong dom jit vu karei.

Karja ban Seoul, Hàn Quốc, hu kuhria caga buh tabiak 6.700 tỷ won (4,8 ty USD) dalam dua thun anak tal piah pabak sang daok, daong baoh sang saong dom  bruk karei piah pachreih bruk ndik tapui anek. Langiu di nan, paok jien daong karei labaih 1 trieu won hu daong brei ka dom diuk pasang birau jiak lakhah piah ka urang hu jien ngak ndam  jeng yau ngak pasiam sang danaok. Paok jien daong nan ba mai kein laba ka baih 20.000 diuk pasang tut ngan lakhah  hadei harei 1/1/2025.

Karja Liby saong sa nyaom urang ngak pahla mboh lac, sa sruh gilai kapal pajeng 13 urang di cu meng Ai Cập tal châu Âu kableik di tasik Liby, ngak 12 urang metai. Bilan dahlau, sa sruh gilai pajeng 32 urang mai meng  Ai Cập saong Syri jeng kambeik di tasik Liby, srong daong hu 9 urang, 1 urang metai saong 22 urang lahik. Tui gah Di cu Dunya, meng akaok thun mbiah tal ini, hu 531 urang metai saong 754 urang karei lahik di jalan tasik Địa Trung Hải.