Anak bruk langik pandiak bhang, kurang ia, ia mbak njaom tame daok rahtabiak khang di dom tinh ban gah kreih negar, Tây Nguyên saong ĐBSCL, Thủ tướng Phạm Minh Chính bahrau tabiak Sarak ieu kakei Akaok UBND dom tinh, ban, jabat hu pambuak tal paglaong bruk pato tacei peih ngak dom jalan pacang caga samar drah, siam lagaih haong bala langik tasik, abih di nyu nan lac pandiak bhang, ia njom mbak. Gam haong nan brei pabak ginup ia pandar ka rahra, oh caik ka rahra kurang ia pandar.Mintri Ngak nong saong patagok palei pala hu pasang iek, taong yaom kan kandah di bruk ia trun bier di dom kraong nao tapa dom tỉnh tal prein mek ia di dom danak dak thủy lợi piah hu jalan ngak pasiam, tani tanat bruk ngak ka dom danak dak kraong ribaong.

Tui danak dak patagok bruk cấp cứu langiu sang iek ruak hu UBND TP.HCM bahrau mbaoh tangin, meng thun 2023 - 2025, ban raya brei peih ngak bruk cấp cứu jalan ia di huyện Cần Giờ, blei brei sa sruh kapal cứu thương hu ginup pandap y tế pabak bruk cấp cứu ka mikva daok di Cần Giờ, abih di nyu lac labik xã pulao atah bayah. Hadei di thun 2025 brei peih praong bruk cấp cứu meng jalan ia di pasak TP haong labik pataok di Bạch Đằng saong pabak sa kapal cấp cứu jalan ia tui bruk cakrok di TP. Ong Tăng Chí Thượng, Yam ndok Sở Y tế TP.HCM ndom lac, bruk hu sruh kapal cấp cứu jalan ia njauk bruk di nyu di xã pulao Thạnh An lac bruk njauk ngak dahlau dang dhi 1 piah "ngak ka bruk y tế di baoh taneh haong xã pulao hu samu yau gauk".

Tỉnh Bình Thuận lac tỉnh hu 41 xã, phường, ban sit daok kurang ia pandar di rilo labik, ngak kan kandah tal raidiuk di jaik 76.000 urang. Di xã Mỹ Thạnh, huyện Hàm Thuận Nam, taong abih hamu taneh mikva klak saoh meng bilan 11/2023 tal urak ini. Sa dalam dom jalan langyah bruk pacang caha pandiak bhang ka dom huyen di gah maraong di tỉnh lac bruk samar drah peih ngak padang binek caik ia Ka Pét. Hu ia meng Ka Pét, bhum taneh thu lagu, patau randaih di dom bhum mikva bangsa pak ini meda hu jalan cakrok, daong ka mikva tani tanat raidiuk.

Hukum Căn cước hu ba tame pandar meng harei 1/7 saong hu salih angan thẻ căn cước công dân jeng thẻ căn cước. Hukum Căn cước bahrau ini, Bộ Công an peih praong dom menuac hu ngak thẻ căn cước. Ini lac mbang camereip abih urang umo mala 6 thun hu ngak thẻ căn cước. Piah ngak ka urang umo ini, menuac vakil njauk adat di urang umo mala 6 thun ngak harak di pabah mbang dịch vụ công atau ứng dụng định danh quốc gia. Njauk thau lac oh taduan mek thông tin nhân dạng saong sinh trắc học ngan saong urang umo mala 6 thun. 

Tukvak jaik ini, jabat công an pak Bình Dương taduan hu rilo panuac  brei thau ka bruk rahra taduan hu bruk ieu phone meng dom laik phone mek angan lac urang pan akaok tỉnh Bình Dương, piah pagait pachot meblah mek drap ar. Dalam nan, rilo abih lac ieu phone sua manyim jien saong peih ngak danak dak ngak pahla. Công an tỉnh Bình Dương kakei lac: Bình Dương oh peih ngak danak dak ngak pahla, alin pandap ka mikva gaok kan kandah di dom tinh, ban”. Dom manuac urang, kapul nyaom oh payua jien ka dom kol pachot pagait; tuk hu bruk yau nan, njauk pathau khan chip tal jabat công an labik jaik abih.

Dom tuai Trung Quốc ba gauk nao negar langiu biak rilo dalam thun ini saong labik nao tal hu mbang tui kein laba praong abih lac dom taneh ia miễn visa di ASEAN, Trung Đông. Tui Cty du lịch Dragon Trail Internationnal, dom tuai Trung Quốc du lịch taneh ia langiu hu 80% duk saong tukvak dahlau jit praong COVID-19. Dom urang ilamu kuhria mboh dahlau lac dom tuai Trung Quốc nao taneh ia langiu daok tagok khang di tuk padeih harei dunya urang ngak 1/5 ni. Bruk ini meda peih mbaok ka bilan du lịch hè – tukvak tuai Trung Quốc takre nao ravang me-in dunya di abih.

Dom urang roh duah ilamo negar Australia daok peih ngak dom bruk dut iek piah iek lac cần sa meda hu pandar piah taong ruak ung thu kalik halei oh. Urak ini, dom urang roh duah mboh lac tuk urang mek hasit janih meng phun cần sa tame nding dut iek, nyu meda gam tame thụ thể di mangaok mbaok tế bào ung thư, pacang veik saong ngak ka tế bào ung thư kalik padeih cak rok patagok. Bruk ngak iek daok hu peih ngak di anek athur saong hu mboh biak siam lagaih. Mayah jak jeng, dom urang roh duah ilamo meda brei ngak iek di anek manuac.

Pak di angaok sruh kapal haoh Không lực 1 di Tổng thống Mỹ jeng hu bruk klaik mek pandap. Blah báo Politico brei thau, dalam rilo thun, rilo nhà báo saong dom menuac karei loa jaih mek taong abih janih tame kadung di drei dahlau meng tuk trun kapal haoh piah mek ngak pandap kỷ niệm. Meng dom baoh cavan menyum alak whiskey hu sarak tal dom baoh khalih menyum alak vang saong meda lac janih halei hu sarak haroh "Không lực 1". Urak ini, Nhà Trắng daok duah jalan pacang cakak bruk ini./.