Mintri Jalan mbak pajeng ba bahrau pok tagok Thủ tướng Rajaei ieu likau brei ramik veik bruk bruk buh jien tame padang ngak danak dak jalan nduac samar Cao Lãnh - An Hữu tukvak ka 1 di huyện Cao Lãnh, tỉnh Đồng Tháp. Tui panuac likau, abih tih phun jien buh tame saong phun jien piah ngak danak dak jalan nduac samar Cao Lãnh - An Hữu tukvak ka 1 njauk hu pasang iek ramik veik tagok 7.496 tỷ đồng, rilo jang 1.610 tỷ đồng dut saong phun jien abih tih buh tame tuk camriep hu Thủ tướng Rajaei brei tapa. Makna ba tal bruk abih tih phun jien buh tame tagok lac kayua phun jien peih mbaok taneh tagok saong bruk rami ramik pasiam veik phun jien padang ngak.

Tui Mintri ngak nong saong Patagok palei pala, bruk pandiak bhang, ia mbak njaom tame di bhum taneran kraong Cửu Long thun ini meda rah tabiak aval jang saong khang jang bilan thu thun blaoh. Tabung glaong ia mbak njaom tame lac meng bilan 1 dui atah tal akaok bilan 3 thun 2024 di kraong Cửu Long, tanut mbak 4g/lít tame dalam meng 50km tal 70 km. Meng bilan 3 tal akaok bilan 5 thun 2024 di kraong Vàm Cỏ, tanut mbak 4g/lít, tame dalam meng 90km tal 100 km.

Piah pabak ka Tết sak ine girai anak tal, dom doanh nghiệp TP.HCM caga pandap panda labaih 22.000 tỷ đồng, dalam nan hu labaih 8.500 tỷ đồng pandap panda tani tanat yaom kaom. Taphia di nan, Sở Công thương ban raya peih ngak rilo danak dak pambuak gauk cung cầu piah parilo pandap panda ka tuk Tết. Dom doanh nghiệp jeng caga dahlau dom jalan ngak khik piah dom pandap panda dalam tuk caong, peih bruk nao pablei pandap panda nao mai piah plaih bruk kurang pandap panda di dom labik, oh samu lagaih dalam bruk cung cầu.

Bahrau ini, di tỉnh Bình Dương hu bruk anek saih ngak suan adat hukum yau ye njuk pakao điện tử, peih nduac radaih suan hukum... Piah daong patrun patakik bruk ngak suan adat hukum dalam sang bac, anak tal, CA tỉnh Bình Dương brei pambuak bruk haong gah pato megru jhul khang pathau khan, abih di nyu lac pathau khan dalam sang bac, ngak jeng labik me-in siam lagaih, khang kadang ka anek saih, SV. Gam haong nan, brei padang dom bruk yau ye: pabah mbang sang bac siam mekre salamat, padang dom kapul halan hatian tacei pato jalan nao mai di anak pabah mbang sang bac, pato pasram ilamu pacang caga ma túy jru phien dalam sang bac. 

Bruk ngak di kol toi pham pandar kong nghe glaong daok rahtabiak sarau kadau ngan haong rilo jalan ngak kan thau, ngak khat lahik biak praong ka drap ar di rahra. Anak bruk ini, Công an tỉnh Bình Phước hu ba tabiak rilo jalan ngak piah pacang cakak. Tapa dom bruk ngak nan, meng akaok thun tal urak ini, Công an tỉnh Bình Phước hu duah mboh, langyah tui hukum 19 mbang ngan haong 23 urang, pataom mek hu 500 triệu đồng biyar ka rahra. Piah pacang caga, mesuh pacang caga kol toi pham pandar kong nghe glaong, công an meda pambuak gauk pathau khan piah ka rahra paglaong hatai sangka. Gam tui di nan jeng pambuak gauk pasang iek bruk laik phone hareik, laik phone oh njauk, caga dahlau piah duah mboh, langyah dom kol ngak suan, dom urang ngak bruk pambuak tal kol toi pham pandar kong nghe glaong.

Urak ini dom menuac oh hu sang danaok, daok ban glai ban klo di Mỹ tagok 12%, lac tanut glaong abih kuhria meng di thun 2007. Dalam nan, urang Mỹ asal Phi meblah 13% menuac sia Mỹ min hu tal 37% dom menuac daok ban glai ban klo. Abih di nyu nan lac, menuac oh hu sang danaok asal Tây Ban Nha tagok rilo di abih, lac 28% meng thun blaoh tal urak ini. Yaom pah sang tagok glaong saong trun bruk daong gah jit praong Covid-19 lac sa dalam dom makna praong ba tal bruk menuac oh hu sang danaok, daok ban glai ban klo di Mỹ tagok glaong tukvak jaik di ini. 

Hajan khang ba tal ia sua ngak ka labaih 6.500 urang di 4 bang pak Malaysia njauk panduan ba nao daok di labik karei piah plaih njaik di ia sua. Jabat Kuhria mboh dahlau bruk langik tasik negar hu tabiak panuac khan lac hajan khang kayua njauk hu hangin bilan Đông Bắc. Di tukvak meng bilan 10 tal bilan 3 yaok thun, hangin Đông Bắc bhian hu di Malaysia ba tui hangin khang, tasik magei, ngak kan kandah rilo abih tal dom bang gah Barak saong tapen tasik gah Timun negar ini.  

Sa urang kamei umo 20 thun daok di Đài Loan (Trung Quốc) bahrau blac raih piah mek tabiak labaih 300 asar randaih sit di thận gah hanuak. Dahlau di nan, anai bhian mboh pandik khang di kreh ka-ing. Anai jeng bhian mboh pandiak dalam rup saong dut iek darah mboh lac bạch cầu biak glaong. Dom bác sĩ brei chụp CT saong tapa nan mboh lac thận gah hanuak di anai gar ia saong jaik bak abih dom asar randaih khang. Puac di abih, dom bác sĩ mek tabiak hu labaih 300 asar randaih praong meng 5mm tal 2cm.