Danak dak "Tết klah rabha, thun sak inegirai hadah hadai” hu Kapul dam dara pakat negar peih tabiak ngak meng harei 6/01/2024 tal harei 5/02/2024 di dom tinh, ban dalam taneh ia, lac: Hà Nội, Hải Phòng, Bắc Giang, Nghệ An, Quảng Bình, Hà Tĩnh, Ninh Thuận, Phú Yên, Khánh Hòa, Bình Định, Quảng Ngãi, Lâm Đồng, Đắk Nông, Đắk Lắk, Gia Lai, TPHCM, Bình Dương, Đồng Nai, Vĩnh Long, Trà Vinh, Đồng Tháp, Sóc Trăng, Cà Mau, Kiên Giang. Tui kuhria, danak dak meda jao 10.400 paok pandap Tết yaom abih tih lac 7 ty 400 trieu dong tal urang ngak gaok kan kandah, urang taong cap ikan, bol lin biên phòng, bol lin bhum tasik. Yaok paok pandap hu sa kadung pandap pandar yaok harei dalam harei Tết hu yaom 400.000 đồng saong kadung lì xì jien mbaok 300.000 đồng.

Mban tacei jalan jak ba halan hatian brei darah tỉnh Kiên Giang bahrau peih Harei pataom Xuân hồng thun 2024, di ban sit Rạch Giá. Ini lac bruk brei darah praong abih di tuk akaok thun, piah daong ka urang ruak hu darah, klah di metai. Ngan saong kadha "sa tanjaoh darah brei nao, sa raidiuk daok veik", di tuk peih mbaok Harei pataom Xuân hồng thun 2024, jaik 600 urang jakar, urang lin, urang đoàn, dam dara, anek saih, SV tỉnh hu tut angan halan hatian brei darah. Tapa nan, mBan peih bruk taduan mek hu labaih 500 đơn vị darah.

Tui Sở Lao động - Thương binh saong Xã hội tỉnh Trà Vinh,jien thuong tet di doanh nghiep thun ini glaong abih lac 280 triệu đồng. Nan lac Công ty cổ phần Điện gió Trà Vinh 1, di xã Trường Long Hòa, ban sit Duyên Hải. Gah doanh nghiệp kayua Kanja khik iek phun jien, jien thuong tet kuhria rah tapa lac 6 trieu 1 rituh 50 ribau dong, glaong abih lac 17 trieu 9 rituh ribau dong. Doanh nghiệp hu phun jien buh tame kayua Kanja khik iek hu tanut thuong tet kuhria tui akaok manuac lac 7 trieu 5 rituh ribau dong, glaong abih lac 14 triệu đồng. Doanh nghiệp dân doanh jien thuong tet kuhria rah tapa lac 7 triệu đồng, glaong abih lac 57 triệu đồng.

Tukvak ini, dom bein di bhum ĐBSCL daok jar var sangka iek glang dom janih bingu, caong lac darak pasar tết nguyên đán 2024, bingu pablei hu yaom. Di ban Sa Đéc, tỉnh Đồng Tháp, jaik 100ha bingu pala hu po bein trun pajaih njauk tukvak pablei tết. Bingu kiểng tết thun ini di huyện Chợ Lách, tỉnh Bến Tre jeng hu biak rilo janih, yau ye: cúc, vạn thọ, mào gà, bon sai, mai kanyik… Tukvak ini, labaih 60% bingu kiểng hu urang blei salih mai blei tal labik. Tui Sở Ngak nong saong Patagok palei pala tỉnh Bến Tre, gam haong bruk padang ngak Palei ilamu du lịch Chợ Lách, Bến Tre bahrau peih ngak danak dak Patagok phun pajaih saong bingu kiểng Chợ Lách ndung bak pakat negar, haong yaom jien buh tame ngak lac jaik 85 tỷ đồng. 

UBND tỉnh Bà Rịa - Vũng Tàu bahrau patabiak jalan ngak piah taduan raok rahra di Akaok UBND tỉnh dalam thun ini. Tui jalan ba tabiak, Akaok UBND tỉnh Bà Rịa - Vũng Tàu meda taduan raok rahra tui njauk adat saong tui hatai caong tut angan di rahra; dom bruk khiếu nại, tố cáo, likau, pathau khan di rilo manuac, dom bruk kan kandah, dui atah hu langyah tui njauk adat min rahra ka oh pachreih tui. Langiu di nan meda taduan raok rahra dom bruk meda ba tal kanjak jhak biak trak, ngak kanjak jhak tal an ninh chính trị, quốc phòng, bruk siam makre di rahra.

Akaok Mintri Salih karei Năng lượng Prang, amuk Agnes Pannier-Runacher brei thau, taneh ia ini meda brei padang labaih 14 sang mac điện hạt nhân bahrau, rilo jang duk haong 6 sang mac daok kuhria ngak urak ini. Bruk padang rilo jang sang mac điện hạt nhân piah patagok bruk rami ramik năng lượng tái tạo, patrun bruk pagam pambak tame xang menyek di taneh ia ini meng 60% trun 40% di thun 2035. Jalan ngak praong gah năng lượng bahrau di rajaei Prang tui kuhria hu ba tabiak ginum biai di quốc hội meng puac bilan 1.

Colombia saong Ecuador hu pambuak gauk taong tayah dom kol tội phạm Los Curva – sa kol toi pham pablei salih ma tuý di Mỹ saong châu Âu. Tui kuhria, yaok bilan, kol ini hu pajeng labaih 5 tấn cocaine saong jien mek tame meng dom bruk ngak jhak ini labaih 2 tỷ đôla yaok thun. Tui Yam ndok negar pasang iek bruk pacang caga pablei salih ma tuy di Ecuador, kol ini nyuhu pandar sruh gilai nduac samar saong gilai tual hala dok negar Mexico piah pajeng ma túy tal Mexico di dom gah jalan nao di tasik. Thun blaoh, 6 urang Colombia saong 22 urang Ecuador njauk cap mek dalam mbang taong tayah jalan pablei salih ma tuy di cảnh sát.

Hãng thông tấn Kyodo News brei thau bruk pasang iek bahrau ini brei mboh lac, labaih 1/3 dom menuac oh ka tok diuk tok pasang dalam umo meng 20 tal 40 di negar Japon dahlau di nan oh ka hu payo. Tapa pasang iek brei mboh lac, labaih 34% likei saong kumei oh ka hu diuk, oh ka hu pasang nan, oh ka hu mbang pagun sanya haong urang likei atau urang kumei. Tapa nan mboh lac biak rilo menuac kuhria meng thun 2017. Dalam dom menuac hu tangi sua dalam umo meng 20, hu labaih 19% urang kumei saong jaik 24% urang likei brei thau lac bruk hu payo blaoh pagun sanya taom gaok gauk lac bruk palai pajoa tukvak saong jien ndo./.