Patui danak dak mbang nyaom ka 6, page ini, dom urang QH yer tangin brei tapa Hukum Viễn Thông ( pasiam veik. Hadei di nan, dom urang jakar ginum biai ka danak dak Hukum Jalan mbak. Akok Mentri Jalan mbak – Pajeng ba Nguyễn Văn Thắng langyah, ngak brei cambaic laic dom kadha urang Quoc hoi brei thau. Biar harei, Quoc hoi yer tangin brei tapa Hukum Khik iek, tui iek danak dak quoc phong saong khu quan su. Patui di nan, Quoc hoi ginum biai ka danak dak Hukum Trật tư, salam mat jalan mbak. Akok mentri Công an Tô Lâm brei panuac langyah, ngak brei cambaic laic dom bruk urang QH sangka caik hatai.

Mban Tuyên giáo Trung ương pambuak haong Tỉnh ủy An Giang bahrau peih Nyaom biai pathau khan bruk jalan tapen negar di mbaok taneh Việt Nam - Campuchia thun 2023. Di nyaom biai, urang hu pang asal kadha pambuak tal bruk jalan tapen negar lac “pathau khan ka bruk Campuchia; talei pambuak gauk di Việt Nam - Campuchia saong jalan pambuak gauk dalam tukvak anak tal”, “bruk khik ramik, daong khik caga jalan tapen negar, ilamo langyah dom bruk tamuh tabiak dalam khik ramik, daong khik jalan tapen negar di Bol lin Biên phòng saong dom bruk njauk caik hatai ngan haong kapul hu mbaok tame khik ramik saong daong khik caga jalan tapen negar di dalam tỉnh An Giang”; asal kadha “bruk jalan tapen negar di mbaok taneh di Việt Nam - Campuchia”.

Dalam tukvak 2023 -2025, tỉnh Bà Rịa – Vũng Tàu ieu pataom labaih 10 ribau tỷ đồng piah peih ngak 17 danak dak sang daok xã hội ngan haong jaik 13 ribau baoh sang ka urang hu jien mek tame biar, urang ngak labik ngak kong.. Danak dak sang daok xa hoi, sang ka urang hu jien mek tame biar hu ngak di jaik abih dom huyen, ban sit, ban. Dalam nan, huyen Châu Đức hu 3 danak dak, lac 1 danak dak sang daok xa hoi ka urang jien mek tame takik saong 2 danak dak dalam quỹ taneh hu 20% sang daok xa hoi, ngan haong 695 baoh sang.

Tui Sở Jalan ngak saong buh jien tame di tỉnh Đồng Nai, tỉnh meda padang ngak mblang kapar haok mek Mblang kapar haok dunya Long Thành ngak pasak, jeng labik daok veik bahrau, padang ngak sa labik siam makre, hadah hadai jang. Gam haong nan, quy hoạch saong jak ba buh jien tame 3 pasak logistics bahrau pakat bhum lac 2 pasak gah maraong saong gah barak mblang kapar ahaok Long Thành, 1 pasak hậu cần pabah lamnge Phước An, huyện Nhơn Trạch. Tui kuhria tal thun 2030, Đồng Nai meda jeng pabah mbang pajeng ba di gah maraong, hu dom cơ sở hạ tầng bahrau, siam lagaih, parilo janih saong pabak siam hatai caong pajeng ba, labik patok caik pandap di dom doanh nghiệp. 

Mintri Ilamu, The thao saong Dulich pambuak haong dom jabat birau peih parang iek thaot binguk “ Sambo mau dom bangsa Viet Nam” di Palei Ilamu – Dulich dom bangsa Viet Nam (Đồng Mô, Sơn Tây, Hà Nội). 160 blah rup thaot ka bhap bini dom bangsa Viet Nam hu parang iek, hu palih ruah di dom urang chuyen thaot binguk saong oh chuyen, dom urang roh duah ka bangsa, nhà báo, phong vien thaot binguk di dom bangsa daok grauk labik dalam taneh ia. Parang iek thaot binguk peih tabiak meng harei 11 tal harei 26/11 di Palei Ilamu, dulich dom bangsa Viet Nam.

Gah Y tế dunya (WHO) brei thau lac, Trung Quốc hu pabak dữ liệu tui panuac ieu kakei di WHO ka ruak jalan suak yava tui kuhria daok tagok di taneh ia rilo menuac ini. Dahlau di nan sa harei, Gah Y tế dunya hu kakei rahra Trung Quốc peih ngak dom jalan pacang caga ruak jalan suak yava. Meng di kreih bilan 10 tal urak ini, dom labik bhum palei gah Barak negar Trung Quốc hu mboh dom urang ruak deih yau cúm daok tagok dut saong tukvak atah di ini 3 thun, dalam nan patagok di uranaih.

Rajaei Thái Lan ba tabiak bruk kham merat padang 105 ban thông minh di dom bhum do thi praong kuhria tal thun 2027, iek ini lac bruk hu makna praong dalam Jalan ngak brei cak rok patagok kinh te - xa hoi taneh ia. Pho Thu tuong gam lac Akaok Mentri Pablei salih Thái Lan Phumtham Wechayachai brei mboh dom ban thông minh meda pandar dom Big data - Dữ liệu lớn piah patagok radiuk jeng yau langyah dom bruk yaok harei di bhap bini. Kuhria tal urak ini, 36 ban sit di 25 tỉnh di Thái Lan hu brei angan ban thong minh.

Cuba lac taneh ia pagam pambak tame bruk blei tame, rah tapa thun ka pak njauk sarau kadau kinh te, kayua daok having akaok haong bruk ngoại hối trun khang. Rilo meng lac makna kayua bruk kurang xang menyek gam gam saong bruk lahik dien di taneh ia ini. Urak ini ralaow pabui, brah saong ratak trun labaih 80% dalam thun ini saong baoh manuk ada trun mateh. Daok dom sang iek ruak ye kurang dom pandap panda y tế yau ye marai jhik, mlei saong gạc, kayua yau nan ye njauk trun labaih 30% dom mbang blaic raih. Jaik 68% jru tavao oh hu dahlau atau kurang./.