Di Mbang ginum biai jhul khang bruk pambuak bhum dalam bruk pablei salih điện tử (TMĐT) bhum taneran kraong Cửu Long (ĐBSCL) saong dom tỉnh Đông Nam Bộ thun 2023 hu peih tabiak di Cần Thơ harei ini, amuk Lê Hoàng Oanh, Akaok Cục Pablei salih điện tử saong Kinh tế số - Mintri Công thương brei thau lac: Pablei salih ndien tu daok jeng bruk pilih ruah dang akaok di doanh nghiệp saong lac jalan blei pandar bhian randap di Việt Nam urak ini. Kayua yau nan ye, jhul khang bruk pambuak bhum dalam bruk cak rok patagok pablei salih dien tu lac jalan ngak njauk saong lac sa dalam dom kuhria hu makna praong di Đảng, Rajaei piah patagok dom kein lagaih di jalan parabha bahrau, cak rok patagok kinh te bhum. Mbang ginum biai ini hu peih tabiak piah peih ngak jalan ngak di Ndang, Rajaei jeng yau caong maong jhul khang bruk pablei salih dien tu dalam bhum ĐBSCL saong Đông Nam Bộ.

Bilan tabau ini, urang nong tỉnh Hậu Giang trun pajaih hu jaik 3.300ha. Urak ini, mikva kaoh hu jaik 2.200ha piah pablei ka urang pablei salih, haong năng suất kuhria rah tapa hu 105 tấn sa ha. Dalam tỉnh daok labaih 1.000ha jaik tal tuk kaoh mek. Min sang mac ngak saradang Phụng Hiệp khan lac padeih ngak bilan tabau thun 2023-2024. Ong Trần Văn Tuấn, Akaok jabat ngak nong saong patagok palei pala huyện Phụng Hiệp brei thau: Bruk sang mac saradang Phụng Hiệp brei padeih ngak gam haong ia ndik daok mai, ngak kan kandah oh takik ka bhap bini dalam bruk pablei tabau. 

Bahrau ini, di xã Long Phước, huyện Long Hồ, tỉnh Vĩnh Long hu rahtabiak sa sruh jit aih traoh pabui châu Phi ngak ka 63 drei pabui njauk ba nao am cuh klak. Hadei di tuk am cuh klak, dom urang jakar gah thú y hu puh ramik hacih saat, pruh jru pametai anek ruak di dom sruh jit; puh ramik, pametai anek ruak di dom baoh sang raong vil val, paglaong bruk pasang iek jit ruak, pacang vil val sruh jit piah plaih njom pambak tabiak praong. Meng akaok thun tal urak ini, dalam tỉnh Vĩnh Long hu 7 sruh jit aih traoh pabui châu Phi jeng hu gah thú y bhum palei samar drah duah mboh saong langyah hu siam lagaih.

Piah duh ka bruk padang ngak pabah cống âu Nguyễn Tấn Thành (ribaong Nguyễn Tấn Thành dalam huyện Châu Thành, tỉnh Tiền Giang) piah pacang ia mbak meng kraong Tiền, Chi cục Jalan ia dalam negar bhum III khan lac brei padeih dom ghe gilai nao mai meng kraong Tiền tame ribaong Nguyễn Tấn Thành meng harei ini tal harei 21/3/2024. Gam haong cống âu Nguyễn Tấn Thành, 6 cống di danak dak padang ngak cống pacang mbak di akaok dom ribaong tabiak kraong Tiền vaktu 1 hu salah blaoh. Dalam bilan thu ini, dom cống meda pacang ia mbak, khik ia taba, ginup ia ka bhap bini.

Adit Du lịch TPHCM mbang ka 3 thun 2023, meda hu peih tabiak meng harei 4 tal harei 10/12 anak tal ngan haong asal kadha “Hijao di yaok jalan nao” piah dui pachreih du lịch, rik tame bruk patagok di gah du lịch saong kinh tế TPHCM. Tui Sở Du lịch TPHCM, ini lac dom bruk ngak di gah du lịch, thể thao, ragu ragam siam gheih, ndung dak ilamo glaong. Gam haong nan lac danak dak khuyến mãi blei pandar saong dui pachreih dom pandap panda, dịch vụ du lịch. Tui kuhria hu labaih 60 pandap du lịch hu yaih khan tal rilo rahra, tuai damuai …

Kapul urang dang akaok dom bol lin Hàn Quốc brei thau, Triều Tiên meda pabak tên lửa đạn đạo jalan cuh katut panak saong tên lửa phòng không di động gam haong đạn pháo brei ka Nga, pandar dalam bruk mesruh di Ukraine. Tui kuhria, hu jaik 2.000 container pandap quân sự saong phao ndao hu pajeng meng pabah lamnge Rajin gah đông bắc Triều Tiên nao tal Vladivostok di Nga. Tui nan, nyu rilo jang 2 mbang duk haong 1.000 container bo Mỹ khan brei thau di harei 13/10 meng blaoh. Hàn Quốc jeng ndom lac, Triều Tiên meda taduan hu padai brah pandap mbang saong xang menyek piah caga ka bilan barak jaik tal.

Đại hội đồng Liên hợp quốc hu brei tapa sarak ieu Mỹ padeih bruk cấm vận Cuba. Sarak hu angan ieu lac “bruk njauk ngak di bruk padeih cấm vận kinh tế, pablei salih saong jien padai kayua Mỹ ba tabiak kateik tagok Cuba” hu brei tapa ngan haong 187 phieu pachreih tui. Ini lac mbang ka 31 Đại hội đồng Liên hợp quốc hu brei tapa saraik ieu Mỹ padeih bruk cấm vận Cuba. Pathau khan anak Đại hội đồng Liên hợp quốc, Akaok Mintri Ngoại giao Cuba Bruno Rodriguez brei thau lac bruk cấm vận pacang oh brei Cuba hu blei pandap mbang, jru tavao haong dom pandap panda công nghệ saong y tế.

Rilo taneh ia di châu Á, châu Âu daok hu langik tasik oh lagaih. Gah Khí tượng Singapore khan lac langik tasik bilan 10 pandiak, glaong di abih lac 34 độ C dalam 25 harei. Dalam harei 9/10, nhiệt độ yam tapa 35 tal 36,3 độ C. Di Australia bilan 10 jeng lac bilan pandiak di abih kuhria dalam labaih 20 thun tapa, haong hajan dalam taneh ia kuhria rah tapa lac biar jang 65% duk saong hajan bilan 10 dalam dom thun meng thun 1961 tal thun 1990. Dom urang Australia tame sang iek ruak kayua prein yava oh siam meng langik tasik kan kandah yau ye sóng nhiệt, khuah glai saong rabuk, tagok rilo dalam 10 thun tapa./.