Dom danak dak oh ka hu patagok, abih di nyu lac bruk hạ tầng, Akok UB bhap bini TPHCM Phan Văn Mãi brei thau, bruk kinh te - xa hoi, TPHCM  hu 49 danak dak, mbiah tal ini  birau ngak hu 45 danak dak. Hu sa danak dak njauk brei padeih, daok 3 danak dak oh ka ngak salah. Anak tal, ban raya brei peih ngak 3 danak dak oh ka blaoh. Ngan haong kadung jien karja dalam 2 thun daok veik, TPHCM brei mboh bruk hu makna praong piah peih ngak, nan lac hạ tầng, jalan mbak, do thi, abih di nyu lac hạ tầng số.

HĐND tỉnh Bình Dương mbang X daok ngak bruk harei ka 3 di mbang nyaom ka 13. Di mbang ngak bruk harei 7/12, dom urang lambaok HĐND hu sua tangi urang pan akaok Sở Y tế ka bruk suai peih ngak danak dak Sang iek ruak Đa khoa 1.500 manieng ka urang ruak saong bruk kurang jru tavao. Ong Nguyễn Hồng Chương – yam ndok Sở Y tế Bình Dương brei thau lac, danak dak baoh sang iek ruak padang ngak hu 92% bruk di nyu, dalam thun 2024 meda padang ngak salah. Urak ini daok gaok cuang kandah tavak tavaiy di gah hạ tầng kỹ thuật, pandap panda y te. Daok bruk kurang jru tavao, urak ini paok jru Prang hu blaoh, tok daok kurang dom janih jru cục bộ, kurang jru y học meng kan, kurang hoá chất pandap panda di Sang iek ruak Đa khoa tỉnh.

Sở Dulich TPHCM birau brei thau rilo tour, jalan birau dui pachreih tuai damuai. Tui nan, Sở pambuak haong UB bhap bini  Quận 7 yaih khan dom pandap dulich jalan kraong ribaong birau, dalam nan labik pataok ghe kapal tapen kraong Ngôi Sao Việt (phường Tân Phong, quận 7) meda hu pamong tal ngak jeng mblang pasak, dom jalan dulich angaok kraong ia meda peih nao meng labik ini. Langiu di jalan kraong ia dalam ban, jalan kraong ia mai Nhà Bè, jalan kraong nao Cần Giuộc (Long An), Cần Giờ, jalan kraong pambuak  Đồng Nai tapa tour Golf biak lagaih tuk nao meng cano peih drah samar abih 25 minit.

Urak ini, yaom ikan pathok di Trà Vinh daok trun khang, daok 28.000 - 33.000 đồng/kg. Dalam tuk nan, piah raong 1kg ikan, urang raong njauk buh tabiak labaih 40.000 đồng. Rilo urang raong ikan brei thau lac  yaom ini bier di abih dalam jaik 3 thun tapa. Trà Cú lac huyen hu san luong ikan pathok glaong abih dalam tinh. Dalam thun ini hu labaih 1.500 sang raong ngan haong 450 ha mbaok ia palao raong. Tui gah ngak nong Trà Vinh yaom ikan trun lac kayua dom sản lượng ikan tagok biak rilo, dalam tuk bruk cai pandar daok takik veik kayua kinh te kan kandah.

Page ini, gah chức năng tỉnh Bình Thuận daok peih pasang iek ngak brei cambaic laic bruk apui khuah kapal gilai ikan  pataok di C.ty TNHH Pasiam saong Rauk gilai Phan Thiết ba tal 11 sruh kapal gilai pataok labik nan njauk apui khuah, khat lahik  labaih 40 tỷ đồng. Dahlau di nan, di maon 3 biar harei 7/12, di  labik pataok gaiy gilai , pasiam gilai di C.ty TNHH Pasiam saong Rauk gilai Phan Thiết, phường Phú Hài, hu dom urang ngak kong daok hàn cuh ống bô kapal  ye apui ndaik trun ala gilai hu menyek nhớt ba tal apui khuah.

Thái Lan hu peih pahadar bruk ba harei roya uan thuan bahrau meng kan Songkran di Thái Lan lac inem krung ilamo oh mboh di mata di UNESCO, gam haong nan, caga yaih khan harei rija ini yau sa bruk ngak di dunya piah dui pachreih tuai damuai saong jhul khang gah kinh te pamaong tame gah du lịch. Dalam sa panuac pathau khan, rajaei brei thau lac, langiu di dom bruk thaic ia meng kan, harei pahadar meda hu rilo bruk bui sambai chreih chrai dalam nan hu gam harei rija, ragam ragu, pandap mbang saong dom bruk ilamo.

Mentri Dulich saong Kinh te Hadah karah Indonesia ba tabiak bruk miễn thị thực tame negar ka tuai damuai memg 20 taneh ia saong bhum taneh dalam bruk kham merat  piah pachreih tuai damuai mai rivang saong ba jien mek tame tagok rilo mbang ka taneh ia. 20 taneh ia saong bhum taneh hu Australia, Trung Quốc, Ấn Độ, Hàn Quốc, Hoa Kỳ, Vương quốc Anh, Pháp… saong hu 2 taneh ia Trung Đông oh ka khan  brei thau cambaic laic. Indonesia daok ba tabiak kham merat  mek jien tame 200 nghìn tỷ Rupiah (12,9 tỷ USD) meng gah dulich dalam thun 2024.

Dom urang peih ahaok Thần Châu-17 paik hu sa vụ njam pala dalam "labik bein vũ trụ", ngan haong dom pandap pala njam di mamgaok không gian rai bahrau di Bilai vũ trụ Thiên Cung di Trung Quốc. Labik bein ini hu ramik ngak module peih, hu ngak meng dom urang roh duah di Pasak roh duah saong pato pakai urang peih ahaoh Trung Quốc. pandap pala pandar ngak mbuan lagaih saong rami ramik nhiệt độ, độ ẩm, dom oxy saong carbon dioxide piah ngak jeng labik siam di abih ka bruk praong tagok di phun pala. Dalam tuk nan, dom urang peih ahaok meda lagaih dalam bruk sangka iek glang phun pala tuk halei jeng hu./.