Page ini 7/11, Quoc hoi patui veik bruk tangi sua dom gah kong thuong; ngak nong saong patagok palei pala; jalan mbak pajeng ba; padang ngak; drap ar saong lam moi truong; Patui di nan Quoc hoi tangi sua dom gah yau ye tư pháp; noi vu; an ninh, trat tu, salamat xa hoi; pasang iek; tòa án; pasang iek; kiểm toán. Di var tangin sua saong javap jalei dalam mbang nyaom peih tabiak harei kabroi, dom bruk daok tavak tavaiy gah dau tu, peih bruk brei phun jien di karja, khik iek drap ar di karja hu tacei tabiak piah Quoc hoi mong mboh saong hu tacei ba sumur siam lagaih jang.  

Payua panuac tal dom akaok mintri, akaok gah ngak nong di mbang nyaom ka 6 Quốc hội mbang 15, cử tri tỉnh Long An caong khin Mintri Ngak nong saong patagok palei pala, Mintri Tài Nguyên - Môi trường, jeng yau dom mintri, dom gah pambuak tal, patui jalan sangka tal bruk pandiak, mbak di dom tỉnh gah meraong. Dalam cakrok bruk ngak nong, ong Lê Văn Nam, huyện Bến Lức, tỉnh Long An ndom lac, bruk caong hu di abih jeng lac brei thau samar drah ka darak pasar. Di huyện Bến Lức hu 100.000 ha kruac aik oh hu asar. Bruk pablei baoh ini tapa negar lamngiu hu padang chuỗi kiểu mẫu, pablei tapa darak pasar châu Âu saong Trung Đông. Min dom HTX blei tame jeng daok lac tui jalan gia công…kayua yau nan ye, cử tri caong hu pabak brei rilo jang khau tin piah thau hu dom darak pasar taneh ia langiu. Meng nan bhap bini meda tapa negar langiu taom gaok tapak saong caga dahlau gah yaom kaom ka pandap panda kaya nong.

Mban  Thường vụ Tỉnh ủy Kiên Giang birau peih bruk jao brei Huy hiệu Đảng ka 20 urang đảng umo praong thun. Dalam nan hu 2 urang đảng hu taduan  Huy hiệu 60 thun  Đảng, urang đảng umo biar abih jeng 30 thun Đảng. Di var nan, ong Mai Văn Huỳnh, Phó Bí thư Thường trực Tỉnh ủy, Akok Hoi dong bhap bini  tỉnh Kiên Giang khan lac, dom urang đảng hu jao brei Huy hiệu Đảng lac dom urang anek naih gheih di bangsa, di Đảng, di bhum palei Kiên Giang, rik daong tame rilo bruk praong ngak jeng sajarah cach mang jayah hadah hadai di Đảng, rik tame bruk cak rok patagok di tỉnh.

Meng dom khau tin di báo chí, Cục Phát thanh, Truyền hình & Thông tin điện tử, Mintri Thông tin saong Truyền thông hu ieu Facebook pacang 8 group tacei pato pametai rup eng saong 43 group tacei pato blah mek sraiy angaok mạng xã hội. Ini lac dom group hu dom bruk ngak suan cambaih laih. Ngan saong dom group daok veik, meyah ngak suan oh ka cambaih laih nan ye oh ka langyah. Cục Phát thanh, Truyền hình saong Thông tin điện tử kakei lac, meyah mboh dom group oh siam, mboh lac ngak suan angaok dom blah mạng xã hội, ye Cục brei langyah veik. 

Tui harak pathau khan di Sở Y tế TPHCM, dalam thun 2021, 2022 saong 10 bilan thun 2023 hu 1.024 urang ngak bruk gah y te sang iek ruak quận, huyện saong pasak y tế  padeih bruk. Ta-eng pasak y te quận, huyện saong ban Thủ Đức hu 366 urang padeih bruk. Hu biak ralo bruk karei di gauk ba tal padeih bruk, min ralo meng lac bruk ngak tapa prein, prein yawa hadei tuk jit ruak praong COVID-19 oh khang kajap, jien mek tame biar, daok atah sang…Ong Dương Anh Đức, Pho akok UBND TPHCM brei thau, bruk pamong tal di Ban raya HCM lac paglong umo thun saong raidiuk di bhap bini. Bruk nan oh kurang hu bruk gah y te jaik labik bhap bini. Meyah oh pakajap dom labik y te jaik bhap bini meda oh ngak hu bruk ba tabiak.

Dom labik di Đông Bắc Trung Quốc daok dang anak bruk langik la-an biak karei kayua bão tuyết mai tal aval jang. Tỉnh Hắc Long Giang hu ba tabiak cảnh báo bhong meriah, lac tanut cảnh báo glaong abih kayua bão tuyết. 49 mbang par nao mai meng tỉnh Hắc Long Giang brei klaak. Bilai tui iek bruk langik tasik pakat negar brei thau lac, dalam adit ini, nhiệt độ jaik abih bhum Đông Bắc meda trun meng 6-10 độ C, hu labik trun tal 16 độ C. Dalam adit bloh, gah barak Trung Quốc rah tapa bruk langik tasik oh siam, hu ia kakur kapal, hu langik biak la-an.

Liên đoàn pablei rai negar Mỹ birau ba tabiak panuac kuhria mboh dahlau lac bruk pablei pandap di Mỹ meda glong abih di  bilan 11 saong bilan 12. Dom urang pablei lẻ daok caong khin palih ruah 350 tal 450 ribau urang tame ngak bruk  di bilan pablei pandap glong abih tuk puac thun. Jien pablei lẻ dalam 2 bilan puac thun  kuhria mboh dahlau meda tagok meng 3 tal 4% dut saong tukvak ini thun dahlau, jien mek  labaih 960 tỷ USD, yau nan, bruk blei pandar di urang hu gilac veik  yau dahlau di tuk hu jit COVID-19.

Dom urang pan akaok di Liên Hợp Quốc ndom lac, menuac metai lahik kayua mesruh gauk di Gaza lac ginup ye saong ieu padeih cuh ngak pahala. Panuac ieu nan hu ba tabiak dalam tuk hu gac yaok pluh menuac metai harei kabroi dalam dom mbang taong meng kapal haoh di lin Israel. Dom urang dang akaok Liên Hợp Quốc ndom lac: Taong abih dom menuac sia daok njauk pacang cakak saong njauk taong tame, oh hu pandap mbang menyum, njauk mbom dalam sang, di labik dauk plaih, sang iek ruak saong di labik ngak adat di agama. Bruk ini, lac oh chấp nhận hu./.