Pho Thu tuong Lê Minh Khái birau mbaoh tangin tame harak brei buh tabiak labaih 3.545 tấn brah meng kadung brah khik piah pakat negar ka tỉnh Sóc Trăng piah daong bhap bini dalam tuk Tet Nguyen dan nasak Girai 2024. UB bhap bini tỉnh Sóc Trăng taduan bruk parabha brah daong njauk tukvak, njauk manuac njauk urang saong njauk tui harak ba tabiak.

Harei ini hu labaih 5 ribau 800 anek saih pakat trung học phổ thông di dalam taneh ia hu mbaok tame Mbang pilih ruah anek saih naih joi pakat negar thun bac 2023-2024. Mbang pakacah hu peih tabiak di 68 Hội đồng iek pakacah, abih tih hu 403 bilik pakacah. Tui adat, dom anek saih hu mbaok tame pakacah yaok môn pakacah di dom kapul rilo abih lac 10 anek saih, taeng di Ban raya Hồ Chí Minh saong Hà Nội lac 20 anek saih. Asal kadha pakacah daok dalam Danak dak pato pakai trung học phổ thông 2006 saong pato tacei peih ngak danak dak pato magru dalam dom môn chuyên pakat trung học phổ thông tui Sarak ka 10803 thun 2009 di Mintri Pato magru.

Piah daong ka anek saih kathaot nao bac, dalam thun 2023 -2024, Kadung jien bac Vừ A Dính hu jao brei 35 paok jien bac ka dom anek saih bnagsa takik di tỉnh Bạc Liêu, yaok paok jien bac yaom 1 trieu dong. Kalup kapol “Daong Hoàng Sa, Trường Sa anit ranam” hu jao brei 35 paok jien bac ka dom anek saih lac anek di urang ngak ikan hu raidiuk kan kandah, yaok paok jien bac yaom sa trieu dong. Langiu di nan, dom gah karei jeng hu alin brei 6 paok jien bac yaom 6 trieu đồng sa pok ka dom adei anek saih raidiuk biak kan kandah kayua jit ruak COVID-19.

Mintri Y tế bahrau tabiak harak angan dom ruak, bruk ruak hu iek ruak, taong ruak meng atah. Tui nan, hu 50 janih ruak, bruk ruak hu iek ruak, taong ruak meng atah, yau ye ruak labaih kalo, ruak idung, tarakaong samar drah chip, pandik ling tagei, pandik bara, pandik tangin, pandik ka-ing, tagok darah, ruak ma-ik saradang, sarau kadau lipid darah, suy giáp, suy thận ka oh hu nduac thận nhân tạo, hen phế quản... Taphia di nan, dom ruak glo akaok, ruak njaom mbak, ruak kalik, ruak gah mata, pasiam veik chức năng, tung pruac, suak yava,… saong HIV jeng hu adat brei iek ruak, taong ruak meng atah.

Meng bilan 1 tal bilan 3 thun ini, bruk El Nino daok di tanut labaih 90%, tabung glong njom ia mbak di bhum Taneran kraong Cuu Long meda di bilan 3. Dalam nan bilan 1 ini, ia mbak 4 gram angaok sa lit meda njom ia mbak meng 45 km tal 55 km. Ia mbak nyom tame ngak kan kandah tal bruk mek ia di dom kraong ribaong atah tasik 40km tal 50km dalam dom mbang ia ndik. Di kraong Vàm Cỏ, ia mbak 4 gram dalam sa lit praong abih dalam bilan 1, angaok kraong Vàm Cỏ Đông saong Vàm Cỏ Tây di tanut 55km tal 65 km.

Ấn Độ daok pasang iek bruk brei padeih nao mai tự do (FMR) di jalan tapen negar Ấn Độ - Myanmar, brei ka rahra daok di dua gah yam tapa 16 km di bhum taneh di gauk bo oh cang hu thị thực. Tui Liên hợp quốc, bruk ngak nan hu peih tabiak dalam tuk mesuh gauk di bol lin Myanmar saong dom kapul bol par phao kraong tamuh tabiak di bilan 10/2023 saong nyu pambak tabiak labaih 2/3 bhum taneh ini. Bruk mesuh gauk ba tal bruk panduan ba nao daok di labik karei rahtabiak di rilo labik, dalam nan yaok rabau urang hu tame negar Ấn Độ. Bruk ini mbuan ngak ka Ấn Độ njauk dom kol chiến binh pamaluk tame, dalam nan rilo jang dom kol pablei salih lậu ma túy saong ameh.

Chau Au rah tapa tukvak kan kandah meng langik biak la-ar saong ribuk tuyết di bhum Bắc Au, dalam tuk hangin khang saong hajan praong ngak brei ribuk ia sua di bhum Tay Au. Di Thụy Điển nhiet ndo di ralo bhum gah Meraong saong dalam bhum Brak trun la-ar - 38 độ C, dalam tuk điện njuak cakak. Ta-eng di palei Kvikkjokk di Bắc Cực nhiệt độ melam trun - 43,6 độ, la-ar abih hu mboh dalam bilan 1 di Thụy Điển dalam 25 thun tapa. Di Nga, bhap bini di ban Moscow jeng yam tapa nen nhiet do biar abih dalam 74 thun tapa tuk nhiet do trun -27 độ C.

Hajan ia sua ngak brei dauk rilo jalan saong sang danaok di gah barak negar France. Di ban sit Arques, yaok ratuh urang njauk paduan ba nao daok di labik karei tuk hajan ia sua tuh mai di akaok adit. Ini lac mbang hajan ia sua ka dua di labik ini dalam 2 bilan tapa. Panuac Cảnh báo bhong hu ba tabiak tuk sa kraong di dalam bhum pacah ar pacang saong ngak brei dauk dom mblang hamu di ban sit Westrehem. Urak ini di gah tây bắc châu Âu jeng daok kham marat pacang caga dom kan kandah di mbang ribuk bahrau abih di Đại Tây dương, ngak brei hajan praong saong hangin khang.