Meng hatai caong ba Giáng sinh châu Âu mai tal TPHCM, Taong lãnh sự quán dom taneh ia France, Đức, Hungary, Italy saong Hà Lan ba gauk peih Harei pataom darak pahla Giáng sinh châu Âu di bein Dinh thự France di jalan Lê Duẩn, Quận 1. Ini lac Harei pataom darak pahla Giáng sinh châu Âu camriep hu peih tabiak di ban raya saong meda hu peih tabiak di melam 25-11. Di pak ini, rilo urang meda hu mbang dom baoh ahar giáng sinh meng kan, hu manyum alak vang pandiak saong ba drei tame harei uan raok Giáng sinh ngan haong dom kadha daoh bhian randap. Ranaih meda hu duah thau ka ilamo meng kan di châu Âu tapa dom bruk ma-in bui sambai. 

Meng harei 22 tal harei 26-11 hu peih adit ilamu, ravang me-in, saong mbang huak Đồng Nai thun 2023 di mblang bein Dương Tử Giang, TP.Biên Hòa. Adit ini, langiu di dom pandap mbang huak biak karei, daok hu labik yaih khan dom pandap OCOP di dom puk palei. Abih di nyu lac thun ini, langiu di labik yaih khan pandap du lịch saong OCOP, huyện Định Quán hu ba mai ilamu bhap bini Mường xã Phú Túc piah parang me-in daoh tamia, mbang huak haong tuai mai ravang iek. Di pak ini, huyện Tân Phú daok hu yaih khan ka palei bangsa bản địa Tà Lài haong bruk menyim khan bai saong parang me-in dom kadha cồng chiêng.

Bahrau ini, Mintri Ilamo, Thể thao saong Du lịch hu brei ba Bruk ngak meng tangin meng kan – Bruk ngak nem Lai Vung di xã Tân Thành, ban sit Lai Vung, huyện Lai Vung, tỉnh Đồng Tháp tame angan inem krung ilamo oh maong mboh pakat negar. Bruk ngak nem Lai Vung hu ngak tabiak saong cak rok patagok labaih 60 thun tapa, ngan haong labaih 20 labik ngak tabiak nem. Palei ngak dui pachreih hu labaih 300 urang ngak hu mbaok tame. Abih tih dom nem hu ngak tabiak lac yaok ratuh ribau baoh yaok harei, yaom tui kuhria lac mek hu labaih 60 tỷ đồng sa thun. Thun 2012, nem Lai Vung hu Tapuk Kỷ lục Việt Nam ba tame dalam top 10 angan je nem, chả danei angan di Việt Nam.

Uan bruk pahadar 41 thun, Harei Gru pato Việt Nam (20/11/1982 - 20/11/2023), Sở Pato Megru TP. Cần Thơ ba tabiak bruk lac kham merat yam tal klaak bruk urang gru pato “thau 10 pato 1” salih tapa bruk urang gru pato tacei ba anek saih pagalaih haong bruk bac ta-a saong pataom ilamu oh hu labik pacang veik. Piah ngak hu bruk ini, dom labik pato pakai dalam ban Cần Thơ hu caga bruk pato bac, yaok gru pato meda ngak sa bộ tapuk giáo khoa ka eng drei tui rilo baoh tapuk karei di gauk, jeng yau pablak tame nan dom ilamu meng raidiuk di drei. Taphia nan, gah pato megru Cần Thơ hu pachreih gru pato salih bahrau jalan pato pakai bahrau saong paglaong ilamu   

Kaya ikan hu taong mek takik, yaom trun dalam tuk yaom xang menyek saong jien sahui tagok nan je bruk taong mek kaya ikan di urang taong ikan pak tỉnh Bạc Liêu gaok rilo kan kandah. Tukvak ini, urang taong ikan daok tame bilan taong mek ikan praong min rilo po gilai daok patok gilai ikan kayua huac khat lahik. Di pabah tasik Gành Hào, huyện Đông Hải, sa dalam 3 pabah tasik saong lac pabah tasik praong abih di tỉnh Bạc Liêu biak joa gindang, oh daok chreih chrai yau dahlau daih. Abih bier harei min tok hu dom gilai ikan tame pabah lamnge pajeng pandap panda. Tui urang taong ikan, dom bilan akaok thun, po gilai gam haong urang taong ikan hu jien mek tame mbaih, min dom mbang nao tasik puac thun rilo meng lac khat lahik. Dom kaya ikan taong mek hu tok samu sa dalam 3, dalam tuk nan phun jien buh tame tagok, abih di nyu nan lac xang menyek.

Mintri Kinh tế Japon bahrau brei thau danak dak daong dom Cty mbiah saong sit peih ngak trí tuệ nhân tạo (AI) saong tự động hóa piah pabak bruk kurang urang ngak biak rilo bo dom Cty ini daok dang anak. Delibot, sa robot hu Cty Connected Robotics di Japon patagok, meda tuh bak saong tame paok 250 pok pandap yaok mon. Kuhria rah tapa, sa urang ngak meda ngak hu 300-400 pok yaok mon. Robot hu labik lagaih lac oh ndih. Dom robot yau Delibot meda hu maong lac “phao cứu sinh” ka gah ngak kong ngak tabiak pandap panda saong rilo bruk ngak karei di Japon tuk daok kurang urang ngak.

Mblang kapar ahaok dunya bahrau Siem Reap - Angkor (SAI), Camphuchia meda hu peih pakah di harei 1-12 anak tal. Meng 38 labik patok, mblang kapar ahaok ini meda duh hu ka 7 triệu tuai yaok thun, tui kuhria meda tagok 12 triệu di thun 2040. Dom pandap panda pajeng tapa jalan kapar haok yaok thun lac 10.000 tấn meng thun 2023. Abih tih dom mbang par lac meda hu 65.000 mbang dalam thun ini saong meda tagok jang 112.700 mbang yaok thun meng di thun 2040. Mblang kapar haok abih 3 thun piah ngak, dahlau deih lac mblang kapar ahaok dunya Siem Reap saong hu parabha jeng mblang kapar haok 4E kayua prein taduan dom mbang par pablei salih praong bhian hu pandar di dom gah par atah di dunya.

Dom urang roh duah Trung Quốc bahrau brei thau sinh sản vô tính sa janih kara bahrau. Dom drei kara hu pandar dalam roh duah lac kara cynomolgus, lac kara iku. Dahlau abih, dom urang roh duah padang hu 9 janih tế bào gốc pandar dom tế bào hu mek tabiak meng phôi nang 7 harei. Hadei di nan, urang caik dom janih tế bào ini tame labik raong piah patagok prein ngak jeng dom janih tế bào karei gauk. Dom tế bào gốc jeng hu tauk angan protein huỳnh quang sambo hijao saong kanjik katam piah ka dom urang roh duah meda thau hu mô halei hu tagok meng tế bào gốc. Puac di abih, urang pilih ruah sa drei tế bào gốc piah ngak phôi blaoh cấy phôi tame kara binai./.