Meng harei 22/1 anak tal, anek saih dalam taneh ia hu tut angan tame Mbang pakacah taong yaom prein bac thun 2024 di Sang bac Đại học quốc gia TP.HCM (ĐHQG TP.HCM). Thun ini, mbang pakacah taong yaom prein bac meda hu peih ngak 2 mbang di akaok bilan 4 saong akaok bilan 6. Anek saih meda hu mbaok tame pakacah mbang ka 1, mbang 2 atau gam dua mbang piah papraong jalan tame. Anek saih meda tut angan tame pakacah online di blah web: https://thinangluc.vnuhcm.edu.vn/. Thun 2023, hu labaih 90 sang bac đại học, cao đẳng di dalam taneh ia pandar diem di mbang pakacah taong yaom prein bac di Sang bac ĐHQG TP.HCM piah pilih ruah anek saih .

Di nyaom biai brei thau ka danak dak bruk ngak bangsa TPHCM thun 2024 peih tabiak tuk biar harei kabroi 10/1, Phaok Chủ tịch UBND TPHCM Ngô Minh Châu kakei lac, bruk bangsa thun 2024 brei pambuak pagam haong asal kadha thun 2024 di TPHCM. Gam haong nan, pataom tame peih ngak hu siam sarak bangsa di dom gah an sinh xã hội, khik ramik saong patagok ilamu bangsa. Jhul khang bruk khik ramik saong patagok ilamu meng kan di bangsa lagaih haong bruk di yaok labik saong ngak brei nyu pambak tabiak praong. 

Dah page ini (11/1), Công an tỉnh Bình Thuận hu peih bruk tabiak mbaok dalam tukvak tabung glaong piah khik siam makre ka rahra, salamat jalan mbak dalam tuk Tết Nguyên đán sak inegirai saong dom harei rija akaok xuân 2024. Mbang tabiak ngak ini meng harei ini tal abih harei 9/3. Đại tá Huỳnh Ngọc Liêm, Phaok Yam ndok Công an tỉnh Bình Thuận brei thau, canh sat jalan mbak pandar App VNeCSGT piah oh klah tapa dom sruh radaih ngak suan, samar drah pasang cakak dom kol toi pham saong dom bruk manyum alak mbia blaoh peih radaih, daong ka rahra nao mai dalam tuk Tết.

Xã An Thạnh 1, huyện Cù Lao Dung, tỉnh Sóc Trăng bahrau hu pok brei angan lac mek hu chuẩn xã palei pala bahrau kiểu mẫu camereip abih di tỉnh. Urak ini An Thạnh 1 cakrok hu 68 bruk pala phun mbang baoh. Abih di nyu nan lac dom bruk yau ye pala pa-ok, kruac aik bingu tím, nhãn xuồng brei jien mek tame glaong. Bruk salih bruk njauk jalan ba jien tame glaong. Jien mek tame kuhria rah tapa tui akaok menuac thun 2023 lac mangaok 75 triệu sa urang sa thun. Langiu di nan, dalam xã hu taong baih dom palei padang kapul công nghệ số bhap bini hu khik ramik gam gam daong palagaih ka mikva dalam bruk salih số di yaok gah yaok bruk. 

Dom puk palei labik bhian njauk kan kandah di bruk njom ia mbak yau ye huyện Long Phú, Trần Đề di tỉnh Sóc Trăng daok tame bilan yuak  padai bilan Đông Xuân lac bilan pala praong. Urak ini yaom padai meng 8.700-10.000 đồng/kg, padai pahe meng 9.700 tal labaih 10.000 đồng/kg saong  padai ST hu mboh di dom labik daok yuak hu yaom meng  11.000 đồng/kg tagok. Urak ini yaom pablei dom janih padai tagok meng 2.000 đồng/kg tagok dut saong thun dahlau saong padai mek hu mbaih nan ye mikva urang ngak nong biak bui sambai, chreih chrai.

Tui pathau khan ka bruk Kinh tế duny bahrau abih di Gilang pariak dunya, bruk kinh tế dunya di jhung thun ini hu mboh bruk kan kandah trak damak di abih, tuk patagok GDP meteh pluh thun suai damuai abih dalam 30 thun. Pathau khan brei mboh, bruk kinh tế dalam meteh camereip dom thun 2020 nyu trak damak jang bruk mai meng srau kadau jien padai saong dom bruk kadun likuk karei kuhria meng akaok dom thun 1990. Gilang pariak dunya kuhria mboh dahlau lac, patagok kinh tế di Mỹ dalam thun ini trun 1,6% kayua yaom jien laba glaong jang ngak patrun bruk mesraiy saong cai pandar. Nhật Bản tui kuhria mboh lac tok tagaok 0,9%, samu meteh yaom di thun 2023.

Ban New York – Mỹ tabiak bruk samar drah ka dom manuac di cư meng bang Texas. Sarak pateok tabiak urang di cu ini piah patrun manieng dom trak damak kateik tagok dom bruk an sinh xã hội di ban dalam tuk dom urang ri cu tuh mai rilo. Dalam bilan 12/2023, dom urang duah jalan tame negar Mỹ suan hukum tagok labaih 10.000 urang sa harei, jaik dua mbang dut saong dahlau di tuk hu jit praong COVID-19.

Tui pathau khan di Gah Y tế Dunya (WHO), jaik 10.000 menuac matai pambuak tal virus COVID-19 hu mboh dalam bilan puac abih di thun 2023. Gah Y tế Dunya brei thau lac, virus Covid-19 jeng daok njaom mbak saong ba tal dom kanjah jhak praong kan thau dahlau yaom lac prein khang di janih virus ini trun biak rilo. Nan ye Taong Yam ndok WHO kakei menuac sia brei ngak dom jalan pacang caga yau ye dut iek, cuk pataih pacang mbaok tuk mboh lac njauk ngak….piah patrun bruk njaom mbak./.