Mentri LĐTB saong XH brei thau ka bruk padeih tết sakawi ia bulan thun 2024. Tui nan, urang jakar, kong chuc, vien chuc saong urang ngak di dom jabat hành chính, su nghiep, kapol nyaom chính trị, kapol nyaom chinh tri xa hoi hu padeih tet tui Sakawi ia bulan meng harei jip 8/2/2024 mbiah tal harei But 14/2/2024. Mbang padeih ini hu 5 harei tet Thun sak ine girai saong 2 harei padeih pabak harei padeih yaok adit.

Piah patui veik khik kajap an ninh, trật tự, tani tanat xã hội, khik caga siam makre, salamat Tết Nguyên đán sak ine girai 2024 saong dom harei rija praong di dalam taneh ia, Mintri Công an meda peih mbang tabung glaong pagui mek kol tội phạm, khik kajap siam makre, salamat di dalam taneh ia. Dalam nan Công an dom tỉnh ban pataom tame pasang iek kol tội phạm, kol pambuak tal bruk brei masaiy laba glaong, kol toi pham pandar phao ndao, kol co klaik, meblah mek drap ar, mesuh pacang taong tayah dom jalan pablei salih, pajeng ba ma túy praong, khik siam makre, salamat di mangaok jalan mbak, patui veik langyah bruk ngak suan dom bruk manyum alak, mbia, ma túy, pajeng tapa prein, radaih khách, radaih container…; langyah bruk gar jalan, oh caik rahtabiak bruk pakacah nduac radaih suan adat hukum...

Thun 2002, Tỉnh ủy Bình Thuận hu ba tabiak Sarak 05 ka bruk dak padang kapol urang jakar bangsa takik saong huyen kaoh pulao Phú Qúy. Tal urak ini, di dom xã bhum urang bangsa takik dalam tỉnh, jaik abih Bí thư Đảng ủy xã, Chủ tịch, Phó Chủ tịch UBND xã lac anek saih hu pato pakai tui Sarak 05; labaih 90% urang jakar dom mban, ngành di xã lac urang bangsa takik di palei. Hadei di tuk taduan bruk ngak, dom urang jakar bangsa takik dom xã gam ngak bruk, gam bac piah paglong ilamu, rilo urang bac tamat blaoh đại học, lý luận chính trị, khik iek bruk di karja.

Sở Pato magru ban Cần Thơ bahrau ba tame ngak bruk Pasak rami ramik tacei jalan pato magru hadah krah. Pasak meda pambuak haong pasak dữ liệu – labik pataom abih tih dom khau tin tài nguyên, dữ liệu di gah pato magru meng dom labik pato magru 9 quận/huyện. meng nan, meda pataom veik, langyah saong khik ramik dữ liệu, khau tin daong paglaong ilamo pato magru di dalam ban. Tuk ba tame pandar dom pasak meda daong ka Sở Pato magru ban khik ramik sang bac tal abih tih dom labik pato magru, meng pakat mầm non tal phổ thông di mangaok asal kadha dữ liệu di gah pato magru piah tani tanat bruk njauk tantu cambaih laih saong bruk khik kandauk khau tin.

Sở Ilamu, The thao saong Dulich tỉnh Sóc Trăng birau peih bruk padang kỷ lục Việt Nam “ Blah thaot praong abih Viet Nam hu ngak meng brah ST”. Blah thaot kayua 10 nghe nhan ngak meng tangin dalam 30 harei, pagam meng 14 blah thaot sit hu bah sơn, pacang njom ia, pacang pandiak saong caik hu suai tal 50 thun. Thaot binguk hu ngak piah pok meyaom brah Sóc Trăng, jhul pakhang bruk pambuak patagok kinh te ngak nong, yam tal bruk patagok gah dulich ngak nong palei pala.

Triều Tiên tabiak panuac lac negar ini meda peih ngak veik chip dom bruk quân sự daok brei padeih tui bruk sanya di 2 gah Triều Tiên di thun 2018, tuk Hàn Quốc brei padeih sa binah bruk sanya ini hadei di mbang cuh vệ tinh pasang iek quân sự di Bình Nhưỡng. Mintri Quốc phòng Triều Tiên ndom lac Seoul meda gaok kanjak jhak biak trak kayua bruk ngak di drei. Panuac di Mintri Triều Tiên brei thau lac meng di harei ini bol lin negar ini oh daok ngak tui dom sanya quân sự di 2 gah Triều Tiên hu mbaoh tangin di harei 19/9/2018.

Bruk mesruh gauk di bol lin Myanmar saong dom kapol brok tagok yam tapa adit ka 4 saong daok pambak praong tabiak dom bhum taneh di Myanmar, abih di nyu lac dom bang jaik Trung Quoc, Bangladesh saong Ấn Độ. Tui Jabat Điều phối dom bruk ngak pahala di LHQ, bruk mesruh gauk biak khang ngak ka jabat ini di Liên hiệp quốc kan kuhria hu dom menuac metai saong njauk rambus. Urak ini, yaok pluh ribau bhap bini Myanmar nduac tapa dom taneh ia jaik taphia piah plaih di mesruh metak.

Dom urang roh duah ilamo Nga mbang camriep paik hu njam saong baoh tamun pala rilo abih di bilai Vostok di Nam Cực. Dalam 60 harei meng di harei pala, dom urang roh duah ilamo paik hu jaik 17 kg, ini lac mbang pala njam praong abih di taong abih tih dom janih njam mbang ini. Dahlau di nan, dom urang thám hiểm urang Nga pala hu jak jeng baoh tamekai di Nam Cực. Min, tui Viện roh duah Bắc Cực saong Nam Cực, Liên bang Nga, bruk pala tamun ia di bilai mbuan jang rilo dut saong tamekai.