Harei 27/11, Pho Thu tuong Trần Lưu Quang mbaoh Harak brei adat ka Danak dak “ Patagok khang kajap sa trieu hecta taneh pala sa janih padai asar brah pahe bingi saong takik ngak nerak gam patagok ngak brei hijao bhum taneh Taneran kraong Cuu Long tal thun 2030”. Bruk kham merat di danak dak piah patagok khang kajap gah padai brah, paglong bruk ngak mbang pablei salih, jien mek tame saong raidiuk di urang ngak padai, khik caga alam moi truong saong abih di nyu lac dalam tuk Viet Nam daok kham merat pambuak haong bhap bini dunya peih ngak dom bruk sanya saong pamong tal dunya pacang caga BĐKH, dalam nan brei patrun bruk tathuak nerak khí thải sang camin lac sa dalam dom bruk kham merat daok hu peih ngak.

Mikva bangsa Khmer daok di huyện Mỹ Xuyên, tỉnh Sóc Trăng meblah jaik 34% rahra. Dalam 2 thun tapa, di pak ini hu peih ngak 6/9 danak dak meng Danak dak bruk ngak negar, kayua yau nan ye baoh dom baoh sang kan kathaot tok daok 1,8%. Urak ini dom danak dak daok hu peih ngak biak catang piah ba dom kein lagaih salih bahrau mbaok mata puk palei, raiduik mbang ngui di mikva. Piah cak rok patagok kinh tế - xã hội bhum mikva bangsa Khmer, tỉnh Sóc Trăng hu saong daok taduan dom bruk sangka biak praong di Ndang, Kanja. Di harei hadei, rilo danak dak meda hu buh jien tame, padang ngak bahrau. Ini lac asal kadha, lac prein khang piah ka bhum mikva bangsa takik cak rok, yam patagok.

Tỉnh Ninh Thuận urak ini hu 124 urang kumei lac urang hu angan je dalam bhap bini bangsa takik. Urak ini, hu rilo urang kumei hu angan je gam ngak dom bruk hu makna praong di bhum palei yau ye: Bí thư chi bộ, akok palei, urang jakar dom kapol nyaom di bhum palei...Dom urang nan kham merat ngak bruk palei pala, brei “ nao tal yaok canah jalan, tame tal yaok baoh sang” piah pathau khan ka jalan tacei ba di Đảng, sarak di Karja; duah thau hatai sahaneng di mikva meng nan khan brei karja thau piah hu dom sarak daong, langyah njauk lagaih. Gam hu mbaok tame ngak dom bruk khik brei salamat khang kajap, padang ngak palei pala birau.

Jit ruak di danao hadang pak tỉnh Bến Tre daok rahtabiak sarau kadau. Abih tih dom mblang danao raong hadang njauk khat lahik labaih 700 ha, dalam nan, jit ruak rahtabiak rilo di dom danao raong hadang the takai putih. Anak bruk ini, UBND tỉnh Bến Tre hu daong 67,5 tấn jru chlorine piah daong ka 334 baoh sang raog hadang langyah danao ia raong hadang njauk ruak. Gam tui di nan jeng kakei Mintri Ngak nong saong patagok pasang iek, daong ka tinh 30 tấn jru hóa chất chlorine piah pacang caga jit ruak hadang ia taba dalam tukvak anak tal.

Tỉnh Tiền Giang daok peih bruk caga piah, pabak pandap pablei ka bhap bini dalam tuk Tet thun nasak Girai 2024, kuhria tui phun jien abih tih labaih 553 tỷ đồng. Dom D.N hu mbaok tame blei piah caga hu mesre meng dom gilang pariak pablei salih yaom laba biar. Tiền Giang urak ini hu 180 darak pasar, 6 siêu thị tổng hợp, 94 cửa hàng tiện ích saong dom cửa hàng bách hóa, yau nan ye, bruk pabak pandap dalm tuk tet meda hu caga ginup. Langiu di nan, dom baoh sang bhap bini, labik ngak mbang pablei salih, jeng daok sami samar ngak tabiak piah pabak dom janih pandap pablei ka darak pasar tet.

Truyền thông Triều Tiên ba khau tin, Urang pan akaok negar Kim Jong -Un hu taduan dom thoat binguk kayua vệ tinh negar ini bahrau cuh jak jeng mek thaot gilac veik, dalam nan hu gam thaot binguk di baoh sang Rajaei Mỹ - lac Nhà Trắng, jabat di Mintri Quốc phòng negar ini - lac Lầu Năm Góc saong 5 sruh kapar haok Mỹ saong Anh daok patok di dom labik mblang kapar haok di bol lin negar Mỹ. Dahlau di nan, Triều Tiên brei thau lac, vệ tinh negar ini jeng mek thoat hu labik quân sự di Mỹ pak Hàn Quốc saong bhum Thái Bình Dương.

Mentri Lao động Hàn Quốc birau brei “thị thực ngak bruk oh chuyen nghiep” (E-9) brei kuhria abih tih hu 165.000 urang ngak negar langiu ngak bruk di dom KCN dalam negar ini tui Harak brei adat Lao động (EPS). Rajaei Hàn Quốc khan lac, bruk brei palih ruah rilo urang negar langiu meda rik tame biak ralo ngak pabak dom labik ngak bruk daok kurang manuac, dom bruk bo urang Hàn Quốc oh tame ngak, thaik tian./.

Liên minh châu Âu (EU) hu brei tapa Sarak pablei salih tự do (FTA) ngan haong New Zealand. EU urak ini lac gah pambuak gauk pablei salih praong ka 3 di New Zealand saong kim ngạch pablei salih dua gah mek hu 9ty 100 rituh trieu euro (samu lac 10 tỷ USD) dalam thun 2022. EU caong lac Sarak pablei salih tự do haong New Zealand meda daong ka yaom pandap panda pablei tapa New Zealand meda mek hu labaih 4 ty 5 rituh trieu euro sa thun saong kim ngạch pablei salih di dua gah meda tagok veik 30% dalam 10 thun anak tal.