Kapol Urang QH TPHCM birau ngak bruk haong UB bhap bini Ban raya ka bruk kinh te - xa hoi saong peih ngak Sarak 98/2023, Sarak 57/2022 di QH. Di var ngak bruk, urang QH hu brei ralo panuac ka bruk urang ngak bruk, urang ilamu langyah tacei pato ka Ban raya; caong khin brei peih ngak samar danak dak pacang ia dauk ngan haong phun jien 10.000 tỷ đồng, kayua caik suai ye bruk dauk ia dak harei dak trak damak. Ong Phan Văn Mãi, Akok UB bhap bini TPHCM, Akok kapol urang QH TPHCM lambaok UB bhap bini Ban raya, langyah dom bruk bo urang QH ba tabiak. Pambuak tal bruk pato pasram urang ngak bruk, ong Phan Văn Mãi brei thau, langiu bruk ba tabiak pandar ka taong abih gah meda hu dom sarak karei ka Ban raya piah brei ka dom urang jakar, cong chức yau pakacah palih ruah urang ba kaok, urang jakar ngak bruk chuyen mon;  hu sarak palih ruah dom chức danh ilamu.

Mintri Ilamu, Thể thao saong Du lịch brei peih bruk padang kalup kapul ngak bruk ilamu bhap bini di dom palei bhum urang bangsa takik saong bhum ceik, bhum panduan ba rahra mai daok di dom huyện: Phú Riềng saong Đồng Phú - tỉnh Bình Phước; huyện Lạc Sơn -, tỉnh Hòa Bình; huyện Nam Giang - tỉnh Quảng Nam. Dalam nan di tỉnh Bình Phước, Mintri Ilamu, Thể thao & Du lịch brei padang Kalup kapul ngak bruk ilamu, daoh tamia bhap bini bangsa Stiêng di huyện Phú Riềng; Kalup kapul ngak bruk ilamu, daoh tamia bhap bini bangsa Tày di huyện Đồng Phú... 

UB bhap bini tỉnh Bà Rịa- Vũng Tàu birau mbaoh tangin brei tapa harak padang ngak danak dak Bein bingu rup patau, sang pahadar AHLS Võ Thị Sáu di ban sit Đất Đỏ, huyện Đất Đỏ. Danak dak hu padang ngak ngan haong phun jien kuhria abih tih labaih 440 tỷ đồng meng phun jien di tỉnh. Tui UB bhap bini tỉnh Bà Rịa - Vũng Tàu, bruk buh jien tame padang ngak danak dak piah ba mbuan lagaih ka bhap bini dalam tỉnh saong tuai damuai tah jaik pahadar, rivang piah rik tame patao pakai ilamu ka dom rai rah dam dara ka kreih camin di urang kumei AHLS Võ Thị Sáu.

Akaok UBND tỉnh Cà Mau bahrau hu harak ieu Cty Cổ phần Hàng không Tre Việt; Cảng Hàng không Cà Mau samar peih veik jalan par Hà Nội - Cà Mau - Hà Nội. Tui UBND tỉnh Cà Mau, bruk peih jalan par Hà Nội - Cà Mau - Hà Nội jeng hu makna biak praong ngan saong tỉnh Cà Mau, daong dui katut panak veik haong dom bhum palei dalam taneh ia, rik daong praong dalam bruk jhul patagok kinh tế, ilamu, XH, du lịch di tinh saong hu menuac sia dalam taneh ia biak caik hatai sangka.

Hạt Kiểm lâm huyện Phụng Hiệp, tỉnh Hậu Giang birau daong jiak 570 ribau phun tràm pajaih saong phun keo hala tràm ka mikva di dom xã, ban sit dalam huyen. Hadei di tuk taduan phun bhap bini brei pala di KCN, labik ngak bruk, sang bac, sang ilamu- the thao, taneh klak saoh, bein kayau di baoh sang urang, ribong…Dahlau di nan, tapa bruk pachreih Harei Moi truong dunya saong Bilan ngak bruk  kayua moi truong thun ini, dom sở, ban gah, kapol nyaom saong dom bhum palei dalm tỉnh Hậu Giang jeng hu pala labaih 75.000 phun kayau yaok janih, iek glang jiak 170 ha phun kayau hijao.

Harei ini (18/10), Hội đồng bảo an Liên hợp quốc brei buh phiếu ngan saong Sarak kayua Braxin ngak, ieu padeih cuh di Dải Ga-da. Sarak ieu Israel saong Hamaz padeih cuh piah daong palagaih ka bruk daong ngak pahla tame labik Gaza, saong ieu Israel klaak bruk panduan ba rahra tabiak truh Gaza. Dahlau di nan, Tổng thư ký Liên hợp quốc hu panuac lac, bruk panduan ba rahra tabiak truh Dải Gaza meda ba tal "thảm họa nhân đạo" tuk menuac sia di labik ini daok njauk pataom tame sa labik dak harei dak sit veik, dom pandap mbang menyum daok thu lagu, saong hu panuac ieu padeih cuh piah peih bruk daong ngak pahla. 

Padai brah quý 4 di Indonesia tui kuhria mboh kurang tal 1,45 trieu tan, tok hu 4,78 trieu tan, biar jang jaik 11% dut saong tukvak ini thun dahlau. Pandiak bhang tua riya dui atah kayua El Nino ngak brei padai brah taneh ia ini trun ralo. Dalam tuk nan, Rajaei Indonesia brei jhul pasamar dom bruk caga khik piah brah hu siam lagaih.  Indonesia brei blei tame  abih tih 2 trieu tấn brah meng dom taneh ia pambuak bruk saong meda taduan tame labaih 600 ribau tấn brah di puac thun ini.

Mintri Y tế Cộng cộng Thái Lan brei thau, meng akaok bilan 9 tal ini, hajan khang ba tal ia sua saong glut jaleih taneh, ngak brei 23 urang metai saong 33 urang karei njauk rambus. Dalam adit blaoh, karja dom tỉnh gah barak saong bhum kreih negar Thái Lan brei panduan ba rahra hadei di rilo harei hajan praong ngak brei ia kraong, craoh, binek, kavei tagok glaong. Urak ini, hu labaih 62.000 sang gaok kan kandah kayua ia dauk ia sua, yaok ratuh rabau ha phun pala khut, jaleih. Cục Khí tượng Thủy văn Thái Lan daok tabiak panuac brei thau ka bruk ia dauk ia sua saong glut jaleih taneh patau di 32 tinh ban./.