Uan raok Tet thun nasak Girai 2024, Taduan bruk di Thu tuong Rajaei, Akok mentri LĐTB saong XH Đào Ngọc Dung birau mbaoh sarak pok tagok Akok negar alin brei pandap ka urang hu buh prein ngak bruk cách mạng kuhria taong abih tih jien labaih 449 tỷ đồng. Dalam nan jien yaok paok pandap lac 600.000 đồng alin ka urang hu buh prein ngak bruk cách mạng hu parabha tui vaktu yau ini: Urang ngak bruk CM dahlau harei 1/1/1945 daok hu mbang tui jien daong yaok bilan; urang ngak bruk CM meng harei 1/1/1945 tal tuk mesruh metak Bilan 8 thun 1945 daok hu mbang tui jien daong yaok bilan; Amaik VNAH saong urang thương binh hu ruak laka dalam rup meng 81% tagok…Jien pandap yaom 300.000 ye alin ka : Thương binh, urang mbang tui sarak yau thương binh, thương binh B, bệnh binh ruak laka dalam rup meng 80% ba trun daok hu mbang tui sarak yaok bilan.

Mintri Pato magru hu pathau khan jalan peih Mbang pakacah saong pok brei angan bac tamat THPT meng thun 2025 ngan haong 4 môn pakacah njauk bắt buộc lac Toán, Ngữ văn saong 2 môn urang pakacah pilih ruah dom môn daok gilac veik hu bac di tal bac 12 lac Ngoại ngữ, Lịch sử, Vật lý, Hóa học, Sinh học, Địa lý, Giáo dục kinh tế saong pháp luật, Tin học, Công nghệ. Môn Ngữ văn pakacah tui jalan ngak lac tự luận, dom môn daok gilac tui jalan pakacah lac trắc nghiệm. Asal kadha pakacah hu dalam Danak dak bac magru phổ thông thun 2018.

Melam karoi, Pasak pasang iek ruak kik Ban Cần Thơ pambuak haong Quận đoàn Bình Thủy peih ngak danak dak pathua khan pacang caga HIV/AIDS brei urang ngak kong di KCN, abih di nyu lac dom kapol nyaom dalam dara ngak kong, kayua urang birau njom ruak HIV daok mboh tagok rilo meng umo meng 16 -35. Tui yaok pataom di Pasak pasang iek ruak kik Ban Cần Thơ brei mboh urang ngak kong saong uranaih njom HIV daok tagok rilo dalam dom thun jaik ini. Bruk nan brei mboh kapol urang sahaneng kurang, takik thau pacang caga njom ruak HIV; ralo meng lac oh ka thau jalan pacang caga njom ruak HIV.

Di TPHCM, jalan Metro ka 1 Bến Thành - Suối Tiên hu peih ngak di bilan 8-2012, tui kuhria hu ba tame brei nduac hadei di 6 thun. Ini lac janih jalan pabak ka parilo rahra, nduac meng dien nan ye tuk ba tame nduac gam daong ka TPHCM taoh talaih hu bruk cuang kandah ka bruk nao mai, pajeng ba, gam rik tame bruk daong khik alam môi trường. Min, tui Mban khik ramik jalan pasei đô thị TPHCM, gah jalan pasei ini urak ini hu ngak salah 97% min ka oh thau cambaih tukvak halei hu ba tame brei nduac pajeng ba rahra, ngak ka danak dak rilo mbang laik tame bruk dang kadang saong dui alah labaih 11 thun tapa.

Harei ilamu, the thao saong dulich dom bangsa bhum Tay Nguyen mbang ka sa thun 2023 daok peih ngak di tỉnh Kon Tum. Danak dak Harei pataom mbang ini peih ngak 8 kadha, nan lac: Parang iek, yaih khan paneng le hoi, adat cambat peih ngak ilamu meng kan di bangsa; Khong gian parang iek, yaih khan pandap ilamu meng kan di bhum palei; Parang iek, yaih khan kaya mbang meng kan di palei; Nyaom pataom daoh tamia ilamu bhap bini saong angui cuk khan ao dom bangsa bhum Tay Nguyen; Parang iek “Ilamu siam gheih di dom bangsa bhum Tay Nguyen dalam ilamu dom bangsa Viet Nam”

Akaok Mintri cak rok patagok negar Singapore Desmond Lee brei thau lac, negar ini hu roh duah ilamo ka danak dak hu angan "Long Island" ngan haong jalan ba tabiak lac gam pambuak gauk khik caga ar takai tasik gam haong bruk ngak pasiam veik takai tasik di gah Timun di kaoh pulao negar ini. Danak dak peaong mbang tame tasik tagok tal 800 ha, tagok dua mbang mblang taneh di Vịnh Marina urak ini saong meda ngak tabiak sa labik ia kadauk gah anak mblang ma-in ini piah jeng sa binek caik ia taba. Danak dak ini daok khik caga ka Singapore anak bruk mbuan sia njauk ia tasik tagok, tui kuhria meda tagok tal 1m di thun 2100.

Mentri Y te Indonesia parabah 16 tỷ Rupiah (labaih 24 tỷ VNĐ) piah peih praong danak dak pasang iek bruk njom mbak di ruak pandiak tabiak darah di 5 ban praong. Dom danak dak ini hu peih ngak iek pagam vi khuan Wolbachia tame jamoh piah pacang caga bruk njom mbak ruak pandiak tabiak darah. Gah y khoa taong yaom lac, vi khuan Wolbachia meda pacang njom mbak virus ruak pandiak tabiak kayua vi khuan nan meda meblah dinh duong ngan haong virus saong vi khuan dalam te bao jamoh. Tuk oh ginup dinh duong, virus ruak pandiak tabiak darah di jamoh meda oh caik menek hu.

Sa sanya padeih cuh di Israel saong kol Hamas mek hu panuac javap jaloi di adit blaoh hu brei ka Gah Y tế Dunya (WHO) saong dom kapul daong pahla paglaong bruk pabak dom pandap panda pandar yaok harei ka rahra di mangaok dải Gaza, min dom pandap panda ini jeng ka oh ginup piah pabak ka hatai caong di 2 trieu 3 rituh rahra. WHO hu pathau khan sa panuac kakei ka bruk njom pambak ruak di Gaza. Urak ini hu mboh 111.000 urang ruak njom jalan ruak suan yava biak trak, 24.000 urang ndaih baoh di kalik saong 12.000 urang ruak kaih katar kalik.