Tui danak dak mbang nyaom, Quoc hoi caik abih harei ini piah ginum biai ka dom pathau khan ka bruk ngak di Chánh án Tòa án bhap bini pakat glaong abih saong Akok Viện kiểm sát bhap bini pakat glaong abih; ka bruk pacang – caga kol toi pham saong bruk ngak suan hukum; bruk langyah tui hukum; bruk pacang caga tham nhũng  thun 2023. Gah langiu labik ginum biai, dom urang QH jeng brei thau hatai sahaneng  yau ini: njauk ngak siam jang bruk pacang caga gam haong khik iek D.N hu siam lagaih, yau ye bruk di hãng radaih Thành Bưởi birau ini. Tapa langyah bruk ngak suan tapa camera pasang tui radaih peih, dalam 9 bilan thin 2023, dom sruh radaih Thành Bưởi njauk mek veik phu hieu tal 246 mbang kayua peih suan hukum.

Mintri Y tế bahrau patabiak Sarak ka yaom iek ruak, taong ruak bảo hiểm y tế (BHYT) di dom sang iek ruak sa pakat saong gauk di dalam taneh ia. Tui jalan kuhria ini, meng harei 17/11/2023, yaom iek ruak BHYT tagok labaih 10% dut saong yaom klak. Yaom dịch vụ iek ruak BHYT di sang iek ruak pakat đặc biệt saong pakat 1 lac 42.100 đồng, sang iek ruak pakat II lac 37.500 đồng, sang iek ruak pakat III lac 33.200 đồng, sang iek ruak pakat IV saong bilai y tế xã lac 30.100 đồng.

Meng harei 1/1/2022 tal 30/9/2023, tỉnh Bình Dương hu 1.125 urang jakar, vien chuc klak bruk. Dua gah hu makna biak praong lac pato pakai saong y te hu menuac padeih bruk biak ralo, gah pato megru hu 675 urang, y te hu 270 urang. Tui Sở Nội vụ tỉnh Bình Dương, urang jakar, vien chuc padeih bruk kayua brei patakik bien che tui hukum ba tabiak. Langiu di nan, dom jabat langiu Karja iew da-a haong yaom jien bilan glong nan ye urang klak tabiak ngak gah langiu dak harei dak ralo.

Anak bruk rilo labik jeng daok rahtabiak bruk pandar dien, pandap  taong cap kaya ikan ngak brei lahik abih kaya ikan di palei, UBND tỉnh Cà Mau hu ieu kakei, dom puk palei patagok pathau khan dom adat ka bruk pakauk pandar hóa chất pakauk, jru mek, jru patuh, dien, pandap taong cap ngak brei lahik abih dom janih kaya ikan,… gam haong nan, langyah catang dom kapul, manuac urang ngak tabiak, pablei salih, pajeng ba suan hukum xung điện, pandap patuh, jru hóa chất pandar piah taong cap kaya ikan suan adat hukum.

Harei pataom Sap daoh rayo papar binguk sap Khmer bhum Nam bo mbang I thun 2023 daok rah tabiak di tỉnh Sóc Trăng. Harei pataom hu 75 kadha saong labaih 100 urang daoh, urang ma-in alat ragam mai meng tỉnh Sóc Trăng, Trà Vinh, An Giang, Kiên Giang. Asar kadha pok meyaom Ndang, Wa Ho, bruk jum pataom dom bangsa, bruk anit ranam puk paga, palei negar, trun kan kathaot khang kajap, patagok kinh te – xa hoi bhum urang bnagsa takik saong bhum ceik…Harei pataom biak hu makna ngan haong radiuk ilamu di bhap bini bnagsa Khmer.

Akaok Quốc hội Campuchia Samdech Khuon Sodary brei thau lac, dalam jabat lập pháp saong hành pháp negar ini jeng hu kham marat dalam bruk dui pachreih, patagok bruk ngak di urang kumei piah ngak hu dom jalan ba tabiak cak rok patagok khang kajap saong pamaong tal thun 2030 saong 2050. Dalam nan, Quốc hội Campuchia hu brei tapa paok hukum taong abih gah saong hu pablak tame bruk samu gauk di urang kumei saong likei saong jao quyen ka urang kumei tapa rilo sahneng mboh bahrau, dom nyaom biai quốc hội di urang kumei nghị sĩ Quốc hội Campuchia, kham merat hu mbaok tame dom jalan ngak pambuak gauk.

Gah Khik caga takai tasik Nhật Bản brei thau, Triều Tiên hu khan brei Nhật Bản thau bruk kuhria cuh 1 ten lửa hu ba tui vệ tinh khong gian meng harei 22/11 tal harei 1/12, di tasik Hoàng Hải saong tasik Hoa Đông. Hadei di tuk taduan hu panuac khan di Triều Tiên ka bruk cuh ve tinh, Jabat Thủ tướng Nhật Bản brei thau lac meda ngak bruk haong Mỹ, Hàn Quốc saong dom taneh ia karei piah “ pachreih ba khang” Triều Tiên padeih cuh ve tinh.

Rajaei Ấn Độ kuhria lac meda khik veik adat pakauk pablei brak tabiak negar langiu tal thun 2024, piah khik kajap bruk pabak dalam taneh ia saong patrun patakik veik bruk tagok yaom brah. Bruk ini meda jhul tagok yaom brak tal tanut glaong abih meng di tuk sarau kadau pandap mbang di dunya thun 2008. Di bilan 8 meng blaoh, Ấn Độ hu ba tabiak bruk kak je  pablei tabiak negar langiu saong tanut yaom tối thiểu ngan haong brak basmati; gam tui di nan jeng pakauk pablei tabiak negar langiu dom janih brah tẻ thường. Bruk ngak ini hu jhul yaom brak tagok  glaong abih dalam 15 thun tapa.