TS. Nguyễn Lâm Thành - Pho Akok Hội đồng bangsa di Quốc hội brei thau, langiu di Khóa 1, palih ruah urang ka Quoc hoi dalam tuk bruk chinh tri biak karei ye bruk urang bangsa takik dalam Quoc hoi hu labaih 10%. Tal mbang XIII ( 2011- 2016), dom urang Quoc hoi lac urang bangsa takik hu 15,6%; vaktu mbang XIV (2016 -2021) hu labaih 17% saong vaktu mbang XV (2021 - 2026) sumu 18%, glong abih dom mbang Quoc hoi. Yau nan dom urang Quoc hoi lac urang bangsa takik dalam dom mbang QH jaik ini tuk halei jeng glong jang dut saong ty le bhap bini. Bruk ini daok glong jang di Hoi dong bhap bini dom pakat. Rilo urang bangsa takik hu ngak blaoh saong daok ngak dom bruk hu makna praong dalam dom jabat di karja palei negar.

Sở Jalan mbak pajeng ba TPHCM bahrau hu harak payua samar drah tal Sở Jalan mbak pajeng ba tỉnh Bình Dương saong Đồng Nai ka bruk buh jien tame padang ngak  dui atah jalan Metro ka 1 pambuak pagam dua tinh ini. Tui pathau khan roh duah bruk padang ngak, bruk dui atah jalan Metro ka 1 mai Bình Dương, Đồng Nai parabha jeng 3 labik, atah abih tih lac 53,3 km. Abih tih yaom jien buh tame ngak 3 labik jalan nan, lac labaih 3,6 tỉ USD (samu 86.000 tỉ đồng), meng jien di kadung jien karja. Dalam nan, TPHCM ngak labik ka 1, tỉnh Bình Dương ngak labik ka 2 saong tỉnh Đồng Nai ngak labik ka 3.

Thun ini, lac sa thun jayah praong ngan haong bhap bini pala padai di Bhum taneran kraong Cuu Long, tuk yaom padai tagok glong. Urak ini, bhap bini daok trun pajaih padai  Đông Xuân, yau nan min urang blei mai caik jien takai blaoh ka mikva. Di huyen Tân Hồng, tỉnh Đồng Tháp, rilo bhap bini hu urang blei mai caik jien takai yaom meng 7.400 - 8.000 đồng sa kilo. Yaom nan oh ka sumu yaom urak ini, min daok glong jang dut saong dom thun dahlau. Jabat Ngak nong saong patagok palei pala huyen Tân Hồng kakei mikva  brei hu harak karja palei mbaoh tangi piah takik gaok khat lahik tuk puac bilan.

Tui pasak tui iek bruk langik tasik di Nam bộ, meng harei 5 tal harei 8-12 meda hu hajan di tuk biar harei saong melam, harei pandiak. Di Đông Nam bộ, urak ini, phun amrika kalu daok dalam tuk raong baoh, brei hu taneh pasah 70%-90%. Min hu dom labik, taneh tok pasah 37% (yau Bà Rịa - Vũng Tàu, Tây Ninh). Nan ye, dom urang tui iek bruk langik tasik kakei lac, urang pala amriak kalu di Đông Nam bộ brei hu ginup ia piah khik ka amriak kalu paik hu rilo saong asar siam. Daok phun durian di Đông Nam bộ urak ini daok dalam tukvak tabiak caduk meda, oh takre langik hu độ ẩm biak glaong, nan ye urang ngak nong brei pacang ia veik meneing saong ngak hareik ka durian hu siam.

Di jalan nao tabak Nguyễn Huệ daok peih ngak Adit Ilamu - Dulich Điện Biên saong dom tỉnh Tây Bắc di TP.HCM. Di labik ini bhap bini Ban raya HCM saong tuai damuai dunya hu ba drei tame  labik peih ngak ilamu bhum glong, rivang ma-in ilamu bhap bini di dom bangsa; hu iek adat Tằng Cẩu di bangsa Thái - Sơn La…Ini lac piah ka dom tỉnh patagok bruk prein khang, pachreih bruk buh jien tame  ngak, padang ngak hu dom pandap dulich biak gheih karei, paglong  bruk pambuak tỉnh Điện Biên - Tây Bắc haong TPHCM.

Tổng thống Nga Vladimir Putin, Patao negar Anh Charles III saong diva nhạc pop Taylor Swift lac dom angan hadah piah pok brei angan Menuac di thun kayua Tạp chí Time di Mỹ pilih ruah. Angan menuac jayah hu khan brei thau di harei 6/12. Urang pan akaok negar Nga bhian hu Time pilih ruah lac menuac di thun pak thun 2007 saong rilo mbang hu angan dalam harak angan ba tabiak pilih ruah. Time peih bruk pilih ruah menuac di thun, lac menuac, kapul menuac urang hu angan je praong abih di dunya dalam 1 thun, meng thun 1927.

Gah Y te Dunya meda peih sa mbang nyaom oh hu kuhria caga dahlau di Ban peih ngak bruk harei 10/12 anak tal, piah ginum biai ka bruk prein yawa bhap bini di Gaza.  Urak ini, tok meneing dom sang iek ruak  di Gaza daok ngak bruk, daok veik  kareih pabah mbang kayua plaik mbom saong kurang pandap. Urang daong bruk pakat glong di Thủ tướng Isael Benjamin Netanyahu jeng brei thau lac, taneh ia ini meda ba mbuan lagaih ka bruk ngak pahala daong la bhap bini di Gaza tuk daok mesuh metak.

Sa amuk taha umo 70 thun lac urang Uganda hu jeng sa dalam dom urang amaik taha abih di dunya tuk bahrau ndih tapui 2 urang anek lac 1 likei, 1 kumei meng hu ngak brei metian dalam ống nghiệm IVF. Urak ini amaik haong anek daok hu iek glang di sang iek ruak, prein yava siam. Klau thun dahlau, amuk jeng ndih tapui 1 anek kumei hadei di tuk puk palei klao haiy lac amuk oh ndih tapui hu. Bác sĩ tui iek bruk metian saong ndih tapui di amuk hu panuac taong yaom lac ini sa bruk jak jeng, daong ka dom menuac kan metian anek./.