Ban Tuyen giao Thanh uy TPHCM birau peih bruk pakacah chung ket pakacah “Bhap bini ban raya ngan haong bruk ngak ilamo”, kadha ilamo baoh sang. Mbang pakacah lac asal kadha piah pathau khan dom jalan peih ngak, sarak  di Đảng ka bruk baoh sang saong ngak brei cambaic laic dom sarak piah hu mbuan tame dalam raidiuk. Nyaom pakacah nan lac labik payua tame hatung hatian, klak rabha dom kan kandah kan ndem meyai hu haong gauk gar dalam sang.

Birau ini di Ha Noi, Rajaei saong UB Trung uong Mat tran Negar Viet Nam peih ngak “Danak dak peih bruk daong padang ngak brei oh daok sang taik tahak dalam negar” ngan haong kadha “Baoh sang ka bhap bini dahlak”. Danak dak, Gilang pariak Pablei salih co phan Dau tu saong Patagok Viet Nam (BIDV) hu rik brei 100 tỷ đồng daong haong gilang pariak haong gauk rik jien 1.000 tỷ đồng piah peih ngak danak dak tani tanat xa hoi. Mbiah tal ini, BIDV hu rik brei yaok rituh tỷ đồng piah padang ngak yaok pluh baoh sang ka bhap bini kathaot dalam negar.

Tinh Tien Giang birau peih ngak danak dak kuac mek cuah ngak Danak dak jalan Vành đai 3, Ban raya Ho Chi Minh, di labik mo cuah Hòa Hưng 5, xa Hòa Hưng, huyen Cái Bè. Di var peih ngak, Pho Akok UBND tinh Tien Giang Phạm Văn Trọng ndem lac taong abih cuah kuac mek  piah ngak Danak dak buh jien tame pandang ngak jalan Vành đai 3 – Ban raya HCM mbiah tal tuk halei ginup cuah ka Danak dak; khan brei thau njauk cuah hu mek tagok, pandar ka jabat karja. Bhian pasang iek  dom labik kuac mek cuah, dom danak dak sit saong dom labik karei hu pambuak tal; khik iek drap ar brei hu salamat.

UBND tỉnh Dong Thap birau khan bri thau samar chip bruk glut jaleih ar kraong Tiền, di labik to 27, puk 4, phường 11, Ban Cao Lãnh. Dahlau di nan, kayua hajan praong, ia sua tagok samar gam ia ndik ngak ar kraong Tiền talah atah 130m, meng ar pasang Trung đoàn 9 tal gah angok kraog, mbuan ngak bala metai manuac jeng yau drap ar di 23 baoh sang. Anak meta, UB bhap bini tỉnh Dong Thap caong khin brei ngak tui jalan 4 di labik anak bruk rah tabiak oh thau dahlau piah sumu pacang glut jaleih, khik brei salamat ka manuac jeng yau drap ar di bhap bini labik nan.

Rayo Kuhria iek dahlau langik tasik tỉnh Long An kuhria mboh dahlau, ia di dom balai angaok kraong Cửu Long, dalam mblang hamu Dong Thap Muoi saong bhum Tứ giác Long Xuyên tagok samar saong tagok tabung glong di bilan 10. Yau nan ye, yaok ribau hecta  padai Thu Đông di dom bhum palei Dong Thap Muoi mbuan dauk ia, metai padai. Anak bruk nan, bhap bini huyen Vĩnh Hưng hu jak ba mac jamraih, dak patau ar pacang ia sua. Gam haong nan, samar ramik pasiam, ngak brei kajap dom ar pacang, danak dak mbuan talah, peih kareih pabah ribaong kraong piah pacang caga ia dauk jeng yau piah khikn ka binek ribong kraong hu siam…

Thai Lan kakei dahlau ka ribuk ia sua meda rah tabiak meng harei 13 tal harei 24/10 anak tal rah tui kraong Chao Phraya, Tha Chin saong Mae Klong kayua ia ndik. Kuhria tal ini, binek ia Chao Phraya di tỉnh Chai Nat brei peih ia khang  samar  2.200 m3/giây. Jabat Tai nguyen Ia negar Thai Lan gam haong dom tinh gah ala kraong piah tui iek saong taong yaom bruk rah tabiak. Rilo labik hu hajan praong, hu mboh di Bangkok, Mae Hong Son saong dom tinh karei.

Ribuk Milton ngak jangin khang tal 209km/giờ tuh tame bang Florida, Mỹ harei ini. Ribuk meda tame tasik gah Tây Nam bang Florida saong ngak tayak palai di dom labik daok gaok kan kandah kayua ribuk Helene jaik dua adit dahlau. Labaih 1 trieu urang hu brei ramik panduan nao labik karei. Langiu di 1 ribau urang ngak bruk di dom bang pak Florida, Mỹ hu brei veik 1.200 urang mai daong duah dom dom lien bang, 500 sruh radaih, 30 radaih tapa ia, kapal haok saong gilai mai daong.

Thu tuong Tây Ban Nha khan brei thau, Karja negar ini meda iew Liên minh châu Âu jhul khang Hiep uoc di cu peih ngak di bilan he thun 2025, piah pasang iek labik tapen negar hu siam saong caga parabha urang di cư. Ndem ka bruk di cư, Thu tuong Tây Ban Nha brei mboh kham merat brei khik salamat ka urang di cư tapa bruk ba tabiak dom jalan ngak daong urang tame negar hu lagiah daok veik di Tây Ban Nha. Tây Ban Nha daok pachreih tui sarak tame negar drei, dalam tuk rajaei dom taneh ia karei  brei kareik pabah mbang negar./.