Nyaom roya dom bangsa takik tỉnh Đồng Nai mbang IV – thun 2024 birau peih ngak hu mbaok di ong Hầu A Lềnh, UV Trung ương Đảng, Akok Chủ nhiệm Ủy ban Bangsa. Đồng Nai hu labaih 50 bangsa adei sa-ai diukrai haong gauk ngan haong labaih 3 trieu 200 rabau urang. Mbiah tal ini, raidiuk bruk ngak mbang  di bhap bini bangsa takik hu salih birau, rai diuk dak harei dak  hu patagok, oh daok palei saong xã kan kandah. Taong abih dom xã, palei  hu rayo papar sap; taong abih dom baoh sang  bangsa takik hu tivi piah mong eik; bruk ngak ilamo daoh tamia hu peih ngak piah lagaih ka bruk khik ramik saong patagok ilamo dom bangsa di tỉnh…Đồng Nai mboh lac bruk praong lac patui peih ngak siam dom danak dak, sarak, danak patagok kinh te - xa hoi bhum urang bangsa takik.

Tal ini tinh Kien Giang hu jaik 700 pandap kaya mek hu angan OCOP hu ba tame blah web pablei salih online; gam haong nan, dom urang po padang bruk pablei pandap kaya angaok MXH saong darak pasar pablei tabiak dom pandap kaya biak tani tanat. Haong bruk rilo ka pandap kaya saong chat luong, dom pandap kaya OCOP di Kien Giang hu kein lagaih praong piah pablei salih saong ba tame dalam rilo darak pasar dalam saong langiu negar. Meng nan, paglaong yaom kaom pandap panda, ngak medeih kein lagaih di bhum palei, parilo jien mek tame ka rahra.

Meng thau pandar mac jamraih tame pala drak, dom thun tapa, ngak padai di Long An mek hu bruk jak jeng praong. Yaok thun, padai ngak tabiak labaih 2,7 trieu  tấn. Tukvak 2021-2025, kuhria tal thun 2025, mac moc ngak nong di tinh tagok samar, ralo janih, pabak jaik abih dom bruk dahlau, dalam saong hadei yuak. Dalam nan, bruk ngak taneh meng mac moc di tỉnh Long An hu taong abih taneh pala drak meng mac, kapal haok…

Uy mban Bhap bini huyen An Phú, tinh An Giang bahrau padang tabiak Nyaom biai ngak samar drah bruk pabak harei pandar saong jao kat bao hiem y te (BHYT) ka mikva bangsa takik. Dalam nan, mikva bangsa takik daok diukrai di palei Bình Di hu kadung jien karja daong 70% tanut bayar jien BHYT, mikva bayar jien tok 30%, tanut kein lagaih hu mbang tui tagok tal 95% jien pasang iek ruak, taong ruak BHYT njauk labik. Uy mban Bhap bini huyen An Phú saong Mban Hakim sang megik Isalm bangsa Cam, xa Khánh Bình hu daong 200 kat BHYT hu brei pandar dalam 3 bilan ka mikva bangsa Cam baoh sang kathaot.

100 urang lambaok dom văn nghệ sĩ di TP.HCM hu nao sirah thun 2024 tui kadha “Điện Biên Phủ - Bản anh hùng ca ribau thun” saong alin pandap ka dom tỉnh bhum ceik gah Barak. Bruk ngak ni piah pato pakai chính trị, jalan sahaneng, pathau khan dalam pambak praong di urang văn nghệ sĩ thau krein ka bruk ngak, jalan ngak, sajarah dakrai jaya Điện Biên Phủ; catang bruk ba jalan njauk saong krah hadah di Đảng Cộng sản Việt Nam, Chủ tịch Hồ Chí Minh saong jalan sahaneng jum pataom ba tal ja yak bruk mesruh metak kol Prang.

 Akaok mentri Quoc phong Trung Quoc saong Japon hu yasa hatai jhul bruk ndom biai dalam gah quoc phong. Duah gah yasa hatai jhul bruk ndom biai di dom gah quoc phong piah padang “pambuak gauk dua gah jeng hu kein laba” hu Thu tuong Japon Ishiba Shigeru saong Urang pan akaok Trung Quoc Tập Cận Bình mbaoh tangin. Dua gah jeng yasa bruk pandar njauk jalan talei pandiak tapak di jabat quoc phong dua negar hu ba tame pandar meng bilan 5 thun blaoh.

Dalam adit tapa pak Nga hu labaih 25.000 urang ruak COVID-19 bahrau, tagok jaik 20% dut haong adit dahlau nan. Dalam dom urang nan, 2.300 urang tame sang iek ruak saong 46 urang metai plang kayua COVID-19. Tui dom urang ilamo y tế, dom urang ruak bahrau daok tagok di dalam bilan 12, tuk mikva nao mai ralo dalam tuk padeih padei ma-in. Jit hu saneng pasang tagok pabung di kreih bilan 1/2025. Kadha ni brei mboh praong abih nan jalan pacang caga saong iek ruak prein yava bhap bini.

Hy Lạp daok rah tabiak bruk padeih ngak biak praong prang dalam tenh ia kayua urang ngak padang tabiak, piah cagar bruk yaom jien piah bayar ka bruk daok dang me-in dak harei dak glaong tagok. Bruk di dom jabat rajaei, sang bac, sang iek ruak saong jalan mbak, dalam nan hu radaih apui saong gilai…,jeng gaok kan kandah. Mbang padeih bruk ngak rah tabiak dalam bruk rajaei kayua Thu tuong taneh ia ini pan akaok ciuk trak dmak dak harei dak praong dalam bruk langyah dalam mbang kan kandah ka kinh te ini.