Bí thư T.Ư Đảng, Akok UBTƯ MT Negar Viet Nam Đỗ Văn Chiến harei kabroi hu ngak bruk haong Tỉnh ủy Sóc Trăng ka bruk caga nyaom roya MTTQ dom pakat, vaktu 2024 -2029. Brei panuac di var ngak bruk, ong Đỗ Văn Chiến taong yaom glong tỉnh Sóc Trăng kham merat dalam bruk ramik caga dahlau ka nyaom roya Mặt trận negar dom pakat anak tal saong kakei lac, Sóc Trăng brei patui bruk sangka mek panuac ka văn kiện Nyaom roya, dalam nan pataom tame ngak dalam jang asar kadha “Padang labik bhap bini daok eng drei khik iek, jum pataom, trei sir, haniem phol”. Ngan haong bruk caga manuac ngak bruk, patui veik bruk sap pagap tani tanat, njauk bruk ba tabiak, buh jien tame peih ngak nyaom roya.

Mintri Ilamu, Thể thao saong Du lịch hu Harak pok angan ceik pui Nâm B’lang di huyện Krông Nô, tỉnh Đắk Nông lac labik mekre dane angan pakat negar. Ini lac ceik pui hu ngak jeng dom hang động praong saong gheih abih bhum Đông Nam Á. Tuk daok pruh pui, ceik Nâm B’lang hu takik di abih 4 mbang pruh nduac tui 4 jalan karei di gauk lac Tây Bắc, Đông Bắc, Tây Nam, Đông Nam saong ngak jeng 4 hệ thống hang động daok rah vil val labik nan. Ini hu taong yaom lac sa dalam dom ceik pui hu dom hang động atah gheih mekre abih bhum Đông Nam Á.

Harei Chôl Chnăm Thmây thun ini di bhap bini Khmer peih ngak meng harei 13 tal harei 16/4 anak tal. UB bhap bini ban Cần Thơ hu tabiak jalan peih ngak rilo bruk piah sangka, daong bhap bini Khmer uan raok Tết tui jalan “ Bui sambai, chreih chrai, jum pataom, salamat saong patak pataom”. Dom bruk peih ngak nan lac: Pataom mbaok dom Sư sãi, Achar, Mban khik iek dom baha Phật giáo Nam tông Khmer, urang hu angan je lac bangsa Khmer di ban raya; iek ruak saong brei jru ka bhap bini; peih ngak rilo bruk sangka daong mikva bangsa Khmer  di quận Ô Môn tuk Tet Dân Quân uan raok Chôl Chnăm Thmây thun ini.

Anek saih pakacah tame tal 10 công lập di TP.HCM hu pakacah dalam 2 harei lac 6 saong 7/6 haong 3 môn pakacah lac: Toán, Ngữ văn saong sap negar langiu. Dalam nan, Ngữ văn saong Toán ngak bài 120 minit sa môn pakacah, sap negar langiu 90 minit. Điểm hu pilih ruah tame lac pataom abih tih điểm 3 môn pakacah saong điểm brei ka menuac ưu tiên (meyah hu). Asal kadha pakacah daok dalam danak dak THCS kayua Mintri Pato Megru patabiak, rilo meng daok dalam tal 9. Thun ini, dom anek saih bac tamat THCS di xã pulao Thạnh An, huyện Cần Giờ jeng hu pilih ruah tapak salih ka bruk pakacah yau yaok thun. Dom anek saih tamat THCS di TP.HCM saong caong khin tut angan tame bac di dom sang bac THPT dalam ban raya jeng brei tui jalan pakacah tame.

Rilo thun tapa, yaok rituh baoh sang bhap bini bangsa Mnông di xã Yang Tao, huyện Lắk, tỉnh Đắk Lắk kurang ia pandar, abih di nyu nan lac di bilan pandiak bhang. Thun ini, bruk kurang ia dak trak jang, jaik abih bhap bini nao tame craoh atah sang yaok mbaik jalan pajeng ia mai pandar. Xã Yang Tao hu 10 mbon palei, ngan haong labaih 9.000 urang, dalam nan, bhap bini bangsa takik meblah 96%, ralo meng lac bangsa Mnông. Dalam xã urak ini hu mbon  Cuôr Tak hu pandar ia hacih, daok veik bhap bini di dom palei karei brei pandar ia bingun. Yau nan min, ia bingun di rilo mbon palei njom ia mbak saong bruk kuac bingun gaok rilo kan kandah kayua taneh bhian glut jaleih.

 Tổng thống Mỹ Joe Biden hu mbaoh tangin tame sa sắc lệnh bahrau di harei kabroi, piah peih praong roh duah di rajaei Mỹ ka prein yava urang kamei, saong sanya buh tabiak 200 triệu đôla di thun tal piah roh duah dalam jang dom bruk ka prein yava. Sắc lệnh bahrau jeng ieu rajaei Mỹ pathau khan dom siam mekre daok mek hu piah palahik bruk oh samu gauk di likei haong kumei dalam roh duah, saong duah jalan pandar trí tuệ nhân tạo piah pasiam roh duah ka prein yava urang kumei. Tui Diễn đàn Kinh tế Dunya saong Viện Y tế McKinsey, urang kumei diuk lavik jang urang likei 5 thun, min urang kumei hu tal 25% tukvak dalam raidiuk daok dalam prein yava oh siam.

“Tapuk patih ka bruk ndih di bhap bini Trung Quốc thun 2023” kayua Nyaom roh duah Bruk ndih di Trung Quốc birau khan brei thau di Bắc Kinh lac bruk ndih di urang Trung Quốc biar. Tui yaok pataom, tukvak  ndih kuhria rah tapa di bhap bini  taneh ia ini lac 6,75 mon, dom mbang medeih tagok  lac 1,4 mbang saong 75% dom menuac hu tangi sua hu gaok  dom bruk yau ye kan ndih, mbuan medeih, lahik ndih, ndih lipei saong sieng. Ndih meblah labaih 1/3 raidiuk anek manuac saong sraw kadau bruk ndih- medeih lac sa bruk y tê, prein yawa bhap bini hu makna biak praong pambak tal  taong abih manuac sia dunya.

Tui pathau khan bahrau abih di Thượng viện Australia, kayua Pasak langyah Rủi ro Salamat Sinh học, Đại học Melbourne dang tabiak ngak, dalam 20 thun tapa, bruk njaom mbak saong cakrok di janih dum pui di Australia nyu tagaok tal tanut báo động, ngak khat lahik dak harei dak trak damak ka bilan pala, athur raong saong anek menuac. Anak mbang tamuh khang jit dum pui di dalam taneh ia, abih di nyu lac di dom bang Tasmania saong Bắc Australia, kinh tế Australia meda njauk dom khat lahik trak damak dalam 3 pluh thun tal, tui kuhria tagok tal 38 tỷ AUD, meyah rajaei oh hu dom jalan ngak samar drah./.