Piah pacang caga bruk pandiak bhang tua riya, kurang ia di dom labik, njom ia mbak di Bhum taneran kraong Cuu Long, di bhum kreh negar saong Tây Nguyên, Thủ tướng Rajaei payua harak iew dom akok Mentri, akaok UB bhap bini dom tỉnh, ban tui iek tani tanat bruk langik tasik, khaw tin dut iek bruk langik tasik, pandiak bhang tua riya, njom ia mbak; brei thau bruk kan kandah tal yaok bhum palei piah peih ngak dom jalan pacang caga di bhum palei, dalam nan tacei pato bhap bini brei pandar ia patak pataom, lagaih, brei pabak ginup ia pandar ka bhap bini, dom labik y tế, pato megru saong dom bruk karei karei, oh caik ka bhap bini kurang ia pandar.

UBND tỉnh Sóc Trăng bahrau peih bruk brei thau lac xã Phú Mỹ, huyện Mỹ Tú mek hu chuẩn Palei pala bahrau. Ini jeng lac palei hu urang Khmer daok rilo abih di tỉnh Sóc Trăng. Urak ini Phú Mỹ hu tuh nhựa atau ngak bê tông taong abih dom jalan dalam xã saong jalan nao mai dom xã. Dalam xã hu taong abih dom sang bac mek hu chuẩn pakat negar ka labik pato pakat 1. Xã Phú Mỹ jeng padang hu rilo bruk ba mai kein laba glaong, yau ye bruk ngak padai chất lượng glaong, bhum pala njam patam di takai hamu, raong lamo ralow, lamo ia tasau,... Tal harei ini, jien mek tame kuhria rah tapa tui akaok menuac hu jaik 57 triệu  sa thun.

Urang ngak nong tỉnh Trà Vinh daok tame kaoh tabau bilan pala thun 2023 -2024, mikva biak chreih chrai kayua hu tabau ralo gam pablei hu yaom. Urak ini, yaom tabau  janih 10 tanut saradang hu kong ty blei  di hamu yaom 1.280 đồng sa kilo, glong  jang thun blaoh 80 ribau đồng sa kilo. Ngan haong tabau hu meng 130 – 150 tấn angaok sa hecta, hadei di tuk kaoh abih phun jien buh tame ngak, urang nong hu laba meng 40 tal 50 trieu dong sa hecta, ini lac jien laba glong dut saong dom thun jaik ini.

Piah daong dom sang kan kandah hu bui sambai mbang Tết, Ủy ban MTTQ Việt Nam tỉnh Bến Tre hu peih danak dak “Xuân palei la-u - Tết anit ranam”. Danak dak tuk camereip taduan hu bruk tut angan daong di dom đơn vị hu jaik 6 tỷ 400 triệu, samu 11.600 pok pandap. Langiu di nan, mBan taom gaok menuac palei Bến Tre haong gauk daok di TP. Hồ Chí Minh hu daong 500 triệu. Dom kapul nyaom, menuac urang jeng tut angan daong jaik 2.500 pok pandap, yaom labaih 2 tỷ đồng… Urak ini, karja dom gah, kapul nyaom dom puk palei jeng hu peih bruk nao ravang, alin hadiah pandap ka sang sarak karja, sang kan kathaot, urang taha.

Tui Sở LĐ -TB saong XH tỉnh Bình Dương, hu jaik 1.900 doanh nghiep brei thau jien bilan, jien thuong Tet thun nasak Ine Girai thun 2024. Dalam nan jien thuong Tet di gah D.N biar abih lac 4,68 triệu đồng sa urang, glong abih lac 574 triệu đồng. Urak ini, Bình Dương hu jaik 64.000 D.N ngan haong labaih 1,6 trieu lao dong. Thun ini, Liên đoàn Lao động tỉnh Bình Dương daok brei kaoh meng kadung jien  karja, urang jak ba alin brei 1.450 harak vé radaih apui, 3.500 harak vé  radaih, 30 harak vé kapal haok ka urang ngak nao pablei mbang Tet.

Bahrau ini, 726 menuac di cư hu daong ba tabiak truh sa labik caik pandap di Mexico saong 4 urang buôn lậu njauk cap mek. Dom urang ini hu ba tal sa labik di ban piah ngak harak gar ngan saong urang di cư, dalam tuk dom uraniah oh hu menuac nao tui saong dom urang dalam sanghu ba tal  Hệ thống Quốc gia ka patagok abih gah baoh sang (DIF).

Langik la-ar meng Bắc Cực tuh trun ngak brei rilo ban dalam negar Mỹ jaik yau khan kandang. Tuyet laik rilo jeng ngak gal tavak bruk nao mai ngaok jalan  mbak saong kan kandah tal raidiuk bhap bini. Ribuk tuyet gam hangin khang me-om tagok rilo bhum taneh gah Trung Tây saong Tây Bắc taneh ia ini, ngak ka yaok rituh ribau menuac oh hu điện pandar. Bang Iowa tuyet laik kapal tal 30 cm, dalam tuk nhiet do la-ar trun 0oC. Langik jhak  kayua ribuk tuyet ba tal dom hãng kapal haok Mỹ  brei padeih labaih 7.600 mbang pal. Di bhum gah Pei Canada, nhiet do di dom labik trun biar di abih, lac am 46oC.

Ceik pui pruh tabiak di gah Tây Nam Iceland, pruh dung nham pandiak nduac sraiy tame sa ban sit daok jaik nan, ngak khuah ralai dom sang danaok hadei di dom mon menuac sia dalam palei hu ba tal labik karei. Jabat khik caga rahra saong khik iek bruk samar drah di Iceland taong yaom lac bruk ceik pui pruh mbang ini lac jhak abih kuhria meng hadei di bruk ceik pui madeih ndih di Iceland di thun 1973 palai pajoa abih 1/3 dom baoh sang angaok pulao Vestmann saong ba tal rilo khat lahik karei karei. Mintri Môi trường Iceland njauk ba tabiak rilo mbang dom panuac kakei menuac sia jhui mai jaik ceik pui./.