Pachreih bruk jak ba “Abih gauk rik daong ka urang kathaot-oh caik thei daok veik gah likuh”, tỉnh Trà Vinh hu Mentri Kong an jak ba daong pandang ngak 1.300 baoh sang, kuhria tui jien abih tih labaih 84 tỷ đồng alin ka baoh sang kathaot, jaik kathaot, baoh sang kan kandah ka sang daok dalam tỉnh. Ini lac danak hu makna biak praong, njauk lagaih nan jeng yau pachreih pabak prein khang ka dom baoh sang kathaot yam tapa kan kandah, tani tant raidiuk, yam tabiak truh kathaot khang kajap.  

Danak dak buh jien tame padang ngak tatua Đình Khao pambuak 2 tỉnh Vĩnh Long saong Bến Tre brei ngak tui jalan pambuak bruk karja saong urang ngak po padang ngak. Danak dak pamong tal ngak brei salah saong paglong prein khang ba pandar Jalan roya 57, pasiam bruk gar jalan di jalan ia kraong Đình Khao, brei pambuak saong dom jalan roya saong peih drak samar, ngak brei katut tukvak nao mai meng Vĩnh Long saong Bến Tre saong tỉnh dalam bhum Taneran kraong Cuu Long, pakhang bruk pambuak dom tỉnh. Danak dak hu peih ngak meng ini tal thun 2028, kuhria abih tih phun jien buh tame labaih 2.970 tỷ đồng.

Piah daong urang kumei kham merat ngak mbang patagok kinh te, tukvak tapa Kapol Urang kumei dom pakat dalam tỉnh Kiên Giang hu rilo bruk ngak, danak dak daong ka urang kumei padang bruk ngak mbang birau tal taong abih labik, padang ngak patagok 825 pandap, dalam nan hu rilo pandap  hu makna ka danak pasar saong xa hoi meng baoh sang ngak mbang pablei salih, kapol pambuak bruk, HTX…Njauk ndem tal nan lac danak dak Daong urang kumei padang bruk ngak mbang, Danak dak yaok xã  sa pandap di tỉnh hu rik daong dak padang palei pala birau, daong urang kumei khang hatai merat ngak mbang.

Dom bhum palei tapen tasik di Bà Rịa - Vũng Tàu daok kham merat ngak brei salah harak gal tut angan ka gilai ikan “ 3 saoh” nan lac: oh tut angan, oh mai pasang iek, oh hu harak gal. Di huyen Đất Đỏ, kuhria tal puac bilan 9 hu 333 gilai ikan “ 3 saoh” atah meng 6m tal jaik 15 m. Piah daong dom gilai hu ginup harak gal tabiak tasik, huyen hu padang dom kapol mai ngak bruk tal tapen pataok gilai  yau labik tapen tasik Lộc An piah tacei pato ngak harak gal tut angan, pasang iek saong brei harak gal taduan gilai ikan. Kham merat  tal puac thun ini, taong abih gilai “ 3 saoh” meda hu harak gal njauk hukum, brei ngak mbang njuak tui hukum saong rik daong kham ngak brei siam piah talaih “ thẻ vàng” IUU.

Yaom lac oh tal tuk tabung jit, min dom urang ruak jalan suan yawa ba tame sang iek ruak di TPHCM mbih rilo jang, njauk ndem tal 2 adit jaik ini. Di khoa Ho hap 1, Sang iek ruak Nhi đồng 2 urak ini daok taong ruak ka labaih 210 uranaih ndik iek ruak, ta-eng labik cap cuu daok hu labaih 20 uranaih ruak, meblah meng 10 tal 15% dalam abih tih uranaih ndih iek ruak pak ini. Ralo lac dom uranaih umo ala 3 thun. Di Sang iek ruak Nhi dong 1 meng akok thun tal ini hu taduan dom urang ruak  jalan suan yawa sumu haong tukvak ini thun dahlau. Sang iek ruak Nhi đồng 1 saong 2  hu brei caga dahlau jalan ngak bruk  pandap panda, mac jamraih saong urang ngak bruk  piah caga taong ruak trak.

Bilan 11 anak tal, Toa an Cong ly Lien minh chau Au meda brei pasang iek dom bruk ndem pauc di Ủy ban châu Âu (EC) oh cambaic laic khau tin dalam bruk kakei blei vaccine pacang ruak COVID-19. Bruk yak bak pataom tame dom tin nhắn ndem puac nao mai dalam tuk tabung glong jit ruak COVID-19 di Akaok Ủy ban châu Âu saong Yam ndoc điều hành hãng Pfizer nan lac  piah ngak hu bruk ginum biai kakei blei ralo vaccine COVID -19 ka EU. Tuk jit ruak COVID-19 tamuh tabiak  di thun 2020, EU samar ngak bruk piah hu blei vaccien ka bhap bini dalam tuk dunya daok kurang biak ralo vaccine.  Ủy ban châu Âu palih ruah Pfizer lac labik pabak jru praong.

Ấn Độ klak tabiak truh ruak pandik meta bhong dalam angan dom bruk jhak ka prein yawa bhap bini, hu jeng taneh ia ka 3 di bhum Đông saong Nam Á. Ruak pandik meta lac ruak njom mbak kayua vi khuẩn, ngak sup meta. Ruak meda njom mbak tapa urang karei kayua gaok meta, ia idung atau labar tarakong di urang ruak. Meyah oh hu taong ruak, ruak meda ngak sup meta.  Pandik meda bhong lac sa dalam dom ruak dang kaok ba tal sup meta di Độ dalam dom thun 1950-1960.

Tapa roh duah hu brei mboh, negar Anh hu labaih 1 trieu urang umo dam dara hu njuk pakao điện tử. Dalam dom thun jiak ini, urang njuk palao dien tu hu mboh rilo uranaih jang. Labiah 5 trieu urang umo meng 16 thun tagok di Anh hu pandar pakao dien tu. Bruk njuk pakao dien tu glong abih di nyaom urang umo 16 tal 24 thun . Urang dang kaok Gah bruk ngak ka njuk pakao saong Prein yawa mboh lac, pakao dien tu daong ka urang dam dara cakak klak bruk njuk pakai saong takik jhak tal prein yawa jang dut saong njuk pakao hala./.