Page ini, di Sang Quoc hoi, UBTVQH peih mbang nyaom ka 31. Di mbang nyaom ini, UBTVQH hu tangi sua dom bruk gah jien padai saong bruk ngoại giao. UBTVQH jeng hu brei panuac ka bruk langyah, taduan, pasiam dự thảo Hukum jalan mbak; dự thảo Hukum trật tự, salamat jalan mbak; dự thảo Hukum Thủ đô (pasiam veik); dự thảo Hukum BHXH (pasiam veik); dự thảo Hukum to yaom  drap ar; dự thảo Hukum Công nghiệp, quốc phòng, an ninh saong pachreih kong nghiep; dự thảo Hukum Tòa án bhap bini pasiam veik.

Phó Thủ tướng Trần Hồng Hà njauk hatai jao ka UBND tỉnh Đồng Nai lac jabat hu quyền peih ngak danak dak Mblang kapal haoh Biên Hòa tui jalan pambuak bruk công - tư. Mblang kapal haoh Biên Hòa daok lac mblang kapal haoh quân sự pakat 1 haong  2 jalan par trun tagok. Mbaok taneh mblang kapal haoh Biên Hoà praong 967ha, meda caik tabiak 50ha piah ngak labik hàng không dân dụng. Tuk mblang kapal haoh Biên Hòa hu ba tame pandar gah dân sự, tỉnh Đồng Nai lac labik camereip abih di taneh ia hu 2 mblang kapal haoh duh ka bruk dân sự saong bruk ngak mbang.

Biar harei ini, Mban Bí thư T.Ư Đoàn dama dara CSHCM peih Nyaom biai “ Sap ndem dam dara - Bruk ngak di Kapol nyaom” tapak di Hà Nội saong online pambuak rilo labik dalam negar. Di nyaom biai, Mban Bi thu T.Ư  Đoàn hu ndem biai nao mai ka bruk ngak brei mbuan lagaih piah dam dara hu bac megru, roh duah ilamu, bac megru piah padang mbang ngui harei hadei; daong dam dara padang bruk ngak mbang salih birau raidiuk, padang bruk ngak ka rup eng; daong dam dara patagok kỹ năng xã hội, pakajap rup pabhap, raidiuk  ilamu saong hatai jia yam tame haong dunya; peih praong  bruk jum pataom dam dara…

Harei pataom Báo pakat negar thun 2024 hu peih tabiak di harei paguh, di jalan Lê Lợi, phường Bến Nghé, Quận 1, TPHCM. Harei pataom báo pakat negar mbang camereip hu peih tabiak di TP.HCM oh lac labik pataom dom jabat báo chí dalam taneh ia bo daok hu mbaok di 64 gian hàng pandap OCOP mai meng 50 tỉnh, ban dalam taneh ia. Tỉnh Ninh Thuận ba mai ka labik parang iek pandap OCOP rilo janih pandap di bhum cuah patih Nam Trung bộ yau ye: Nho, medar, Măng tây, ia masin CANA... Bruk parang iek pandap OCOP di harei pataom báo pakat negar ini, hu daong pakhang pakajap angan kaya nong palei, daong ka pandap OCOP Ninh Thuận hu rilo menuac thau tal jang.

Kuhria tal ini dalam taneh ia hu 23 urang metai kayua ruak meruai di 17 tỉnh, ban, tagok 12 mbang, dut saong  tukvak ini thun 2023. Bhum palei hu rilo urang ruak meraui abih lac Đắc Lắc ngan haong 4 urang; Long An 3 urang; Quảng Bình và Bình Thuận 2 urang. Ong Nguyễn Văn Long, Akok Cục Thu y khan lac, kayua palei oh pasang iek hu taphon asau saong oh hu brei kalauk jru vaccine caga ruak tui bruk ba tabiak. Mbiah tal ini, dalam taneh ia bahrau klauk jru  caga ruak sumu 53% dut saong abih taphon asau raong.

Rajaei Thái Lan brei jhul khang bruk salih số, pandar trí tuệ nhân tạo (AI) dalam du lịch, an ninh jien padai saong pablei salih tukvak 2024-2027. Gam haong nan, jeng brei jhul tagok dom danak dak cakrok hệ thống AI piah xác minh định danh điện tử; duah mboh bruk bleik saleik jien padai – pablei salih điện tử, daong pacang kol tội phạm mạng dalam gah KT – jien padai. Thái Lan daok pamaong tal bruk yam tapa Malaysia ka labik dang Chỉ số xếp hạng caga ngak di rajaei ka AI piah yam tagaok dang dhi 2 dalam bhum. 

Nga hu tame dalam angan 10 taneh ia dang akaok di dunya ka bruk pandar tri tue nhan tao AI. Akok Mentri Patagok Kinh te Nga khan lac, “Tri tue nhan tao AI lac kong nghe birau di abap 21”, yau nan ye, njauk brei pachreih dom urang oh ka pandar AI dalam quy trinh ngak bruk di urang. Dahlau  di nan, Yam ndoc Dữ liệu praong di MTS nan lac mạng praong abih di Nga saong bhap bini dom taneh độc lập, ndom lac tri tue nhan tao di Nga meda cak rok patagok tui rilo gah, dalam nan  hu gah kuhria mboh dahlau dom bruk kan kandah rah tabiak saong pamong tal bruk pablei salih piah paglong bruk ngak mbang.

Hạ viện Mỹ brei tapa sa dự luật ieu pandar ByteDance, Cty amaik di TikTok, brei pablei veik abih phun jien di ứng dụng ini dalam 6 bilan. Meyah ByteDance oh ngak tui panuac ieu pandar nan, TikTok njauk pakauk abih dalam taneh ia Mỹ. Dự luật ini lac jalan ngak bahrau abih dalam rilo bruk ngak di Mỹ piah pabak veik dom suh sah ka sron mbon taneh ia pambuak tal Trung Quốc. /.